ជីវិតកម្សាន្ដ
Lisa ត្រូវគេរិះគន់ព្រាតថា ជាតារាល្បីមួយរូប តែបែរច្រៀងចាក់ឌីសលើឆាក VMA
ការបង្ហាញវត្តមានរបស់ Lisa សមាជិកក្រុម BLACKPINK នៅក្នុងកម្មវិធី MTV Video Music Awards ឆ្នាំ ២០២៤ បានបង្កឲ្យមានការចាប់អារម្មណ៍យ៉ាងខ្លាំងពីសំណាក់អ្នកគាំទ្រទូទាំងពិភពលោក ខណៈដែលនាងបានលើកនូវបទចម្រៀងថ្មីកំពុងល្បីល្បាញជាសកលគឺ “New Woman” និង “Rockstar” មកសម្ដែង តែបែរត្រូវរិះគន់មិនញញើតឡើយ។
ទោះបីជាមានការរំភើបពេលនាងបង្ហាញជំនាញក្បាច់រាំដ៏អស្ចារ្យ ប៉ុន្តែការសម្តែងរបស់ Lisa ទទួលបានការវាយតម្លៃចម្រុះ។ អ្នកគាំទ្រនិងអ្នកលេងអ៊ីនធឺណិតបានចង្អុលបង្ហាញពីសញ្ញាគួរឲ្យកត់សម្គាល់នៃការបញ្ចេញបបូរមាត់ម្ហបៗតាមបទចម្រៀង កំឡុងពេលនាងសម្ដែង ដែលនាំឲ្យមានការខកចិត្តពីអ្នកទស្សនាជាច្រើន។ ព្រមជាមួយគ្នានោះដែរ សូម្បីតែកាសែត New York Post ក៏បានចាត់ទុកការសម្តែងរបស់នាងថា ជារឿងដ៏អាក្រក់បំផុតមួយ ហើយហៅ Lisa ថា K-flop។
លើសពីនេះទៅទៀត ការរិះគន់លើបណ្តាញអ៊ីនធឺណេតកាន់តែខ្លាំងឡើង នៅពេលដែលអ្នកប្រើប្រាស់សម្តែងការខកចិត្តរបស់ពួកគេចំពោះការធ្វើមាត់ម្ហបៗតាមបទចម្រៀង។ ការឆ្លើយតបនេះ ក៏ជារឿងដ៏គួរភ្ញាក់ផ្អើលបំផុតមួយ ជាពិសេសដោយសារតែកេរ្តិ៍ឈ្មោះរបស់ Lisa សម្រាប់ការសំដែងផ្ទាល់ដ៏អស្ចារ្យក្នុងនាមជាសមាជិកនៃក្រុម BLACKPINK កន្លងមក។
ដោយឡែក ងាកទៅកាន់អ្នកលេងអ៊ីនធឺណិតកូរ៉េខាងត្បូង ក៏បានចូលទៅបញ្ចេញមតិរិះគន់មិនគាំទ្រនៅការសម្ដែងរបស់តារាស្រីវ័យ ២៧ឆ្នាំនេះ សូម្បីតែបន្តិចណាឡើយ។ ពួកគេបានបន្ទរព្រមគ្នាថា Lisa គួរតែជ្រើសរើសការសម្ដែងផ្ទាល់ ជំនួសឲ្យការពឹងផ្អែកលើការធ្វើមាត់តាមបទចម្រៀង។ អ្នកខ្លះថា វាជាកម្មវិធីប្រគល់រង្វាន់ដល់មនុស្សពូកែ ដូច្នេះហើយនាងគួរតែច្រៀងផ្ទាល់ ទើបសមនឹងពានរង្វាដែលខ្លួនទទួលបាន។
ទោះជាយ៉ាងណាក៏ដោយ អ្នករិះគន់មិនបានឈប់ត្រឹមប៉ុណ្ណឹងទេ ពួកគេបានបញ្ចេញមតិទៀតថា វាជាការពិតដែល Lisa មិនអាចច្រៀងបាន។ ខ្ញុំមិនយល់ពីអ្វីដែលនាងកំពុងគិតនោះទេ ដោយបានចេញអាល់ប៊ុមទោលនៅលើទីផ្សារសហរដ្ឋអាមេរិក និងចូលរួមក្នុងកម្មវិធីប្រគល់ពានរង្វាន់។ នាងសក្តិសមសម្រាប់តែ K-pop ប៉ុណ្ណោះ។ ក្នុងនោះម្នាក់ៗបានលើកឧទាហរណ៍ថា Katy Perry ធ្លាប់តស៊ូជាមួយការសម្តែងផ្ទាល់ និងទទួលបានការរិះគន់ជាច្រើន ប៉ុន្តែនាងនៅតែរក្សាវានិងកែលម្អ រហូតទទួលបានជោគជ័យយ៉ាងត្រចះត្រចង់។
យ៉ាងណាមិញ បើទោះជាទទួលនូវការរិះគន់ថាច្រៀងដូចចាក់ឌីសយ៉ាងណាក្ដី ប៉ុន្តែនៅក្នុងកម្មវិធីដ៏ធំមួយនេះ Lisa បានឈ្នះពានរង្វាន់ VMA សម្រាប់ Best K-Pop ជាមួយនឹងបទចម្រៀង “ROCKSTAR” ។ នាងក៏បានបង្កើតប្រវត្តិសាស្ត្រជាអ្នកចម្រៀងស្រីដំបូងគេដែលឈ្នះក្នុងឆ្នាំ២០២២ ហើយបច្ចប្បន្ននាងក៏ជាតារាស្រីឈ្នះពានច្រើនបំផុតដែរ៕
អត្ថបទ៖ សាង ស្រីល័ក្ខ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម