ព័ត៌មានជាតិ

រដ្ឋបាលសង្កាត់ចោមចៅ ១ ដាក់គ្រឿងចក្រស្ដារប្រឡាយលូ សំអាតផ្លូវ ជាង ១ ០០០ ម៉ែត្រ

បានផុស

២ years មុន

នៅ

ថ្ងៃសុក្រ ១៣ កញ្ញា ២០២៤

ដោយ

អាជ្ញាធរសង្កាត់ចោមចៅ ១ ស្តារប្រឡាយ លូ ស្ថិតនៅចំណុចផ្លូវបេតុងជាប់របងកាណាឌីយ៉ា ក្នុងភូមិត្រពាំងថ្លឹង ២ និងភូមិគោកចំបក់ សង្កាត់ចោមចៅ ១ ខណ្ឌពោធិ៍សែនជ័យ រាជធានីភ្នំពេញ ដើម្បី បង្ហូរទឹកភ្លៀងនារដូវវស្សាឲ្យបានលឿន បញ្ចៀសការលិចលង់លំនៅឋានប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការយកចិត្តទុកដាក់ និងការចង្អុលណែនាំ ពី លោក ឃួង ស្រេង អភិបាលរាជធានីភ្នំពេញ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន និង លោក សក់ ច័ន្ទកញ្ញារិទ្ធ បានបញ្ជាឲ្យអាជ្ញាធរសង្កាត់ចោមចៅ ១ ដាក់គ្រឿងចក្រស្ដារប្រឡាយលូក្នុងមូលដ្ឋាន ដើម្បីបញ្ចៀសការជន់លិចពេលមានភ្លៀងធ្លាក់ម្ដងៗ

បើតាមការបញ្ជាក់ពីលោក កង វង ចៅសង្កាត់ចោមចៅ ១ បានឲ្យដឹងថា ក្រុមការងារបានដាក់គ្រឿងចក្រស្ដារប្រឡាយលូជាប់របងកាណាឌីយ៉ា ប្រវែងជាង ៥០០ ម៉ែត្រ និងសំអាតផ្លូវបន្ថែមទៀត ជាង ១ ០០០ ម៉ែត្រ ដើម្បីងាយស្រួលក្នុងការធ្វើដំណើរប្រជាពលរដ្ឋ និងរំដោះជំនន់ទឹកភ្លៀងនារដូវវស្សា មួយផ្នែកទៀតកុំឲ្យហូរចូលជន់លិចលំនៅឋានពលរដ្ឋ។

អាជ្ញាធរមូលដ្ឋាន បានបញ្ជាក់ថា ប្រឡាយលូមួយនេះ ពោរពេញទៅដោយសំរាម ភក់ និងកាកសំណល់ផ្សេងទៀតដែលប្រជាពលរដ្ឋដឹកទៅទម្លាក់ចោលក្នុងប្រឡាយនេះ។ ហេតុដូច្នេះ អាជ្ញាធរមូលដ្ឋាន អំពាវនាវឲ្យប្រជាពលរដ្ឋ មេត្តាទុកដាក់សំរាមឲ្យបានត្រឹមត្រូវ ទីតាំងដែលក្រុមហ៊ុនប្រមូលសំរាមបានកំណត់ កុំបោះសំរាមចូលក្នុងប្រឡាយទឹក នាំឲ្យបិទបាំងផ្លូវទឹកមិនអាចហូរបាន ធ្វើឲ្យមានការជន់លិច ពិបាកក្នុងការធ្វើដំណើរ និងមានទឹកជន់លិចចូលផ្ទះពលរដ្ឋរស់នៅជិតនោះ៕

អត្ថបទ ៖ ម៉េង