ព័ត៌មានអន្ដរជាតិ

ការផ្លាស់ប្តូរផ្នែកភស្តុភារវៀតណាម ជួយជំរុញការនាំចេញទៅកាន់ EU

បានផុស

២ years មុន

នៅ

ថ្ងៃពុធ ២៥ កញ្ញា ២០២៤

ដោយ

វៀតណាមសម្លឹងមើលឃើញថា ការផ្លាស់ប្ដូរផ្នែកភស្តុភារអាចជួយជំរុញការនាំចេញរបស់ប្រទេសទៅកាន់សហភាពអឺរ៉ុប (EU) ខណៈនាយកដ្ឋានទីផ្សារអឺរ៉ុប-អាមេរិក ចំណុះឱ្យក្រសួងឧស្សាហកម្ម និងពាណិជ្ជកម្ម (MoIT) រៀបចំវេទិកាស្ដីពីការចាប់យកឱកាសពីកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA) នៅទីក្រុងហូជីមិញ។ នេះបើតាមការចុះផ្សាយរបស់កាសែត Viet Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអគ្គនាយិការរងរបស់នាយកដ្ឋាន លោកស្រី Nguyễn Thảo Hiền បានបញ្ជាក់ថា ឆ្នាំ ២០២៤ គឺជាឆ្នាំទី ៤ ចាប់តាំងពី EVFTA ចូលជាធរមាន ហើយនាពេលកន្លងមក កិច្ចព្រមព្រៀងនេះបានដើរតួជាគន្លឹះមួយដើម្បីជួយវៀតណាម និង EU រក្សាសន្ទុះកំណើនក្នុងកិច្ចសហប្រតិបត្តិការពាណិជ្ជកម្មទ្វេភាគី បើទោះបីជាមានផលប៉ះពាល់អវិជ្ជមាននៃជំងឺរាតត្បាតកូវីដ១៩ ក៏ដូចជាជម្លោះភូមិសាស្ត្រនយោបាយក៏ដោយ។

គិតតែក្នុងរយៈពេល៨ខែដំបូងនៃឆ្នាំ ២០២៤ ពាណិជ្ជកម្មទ្វេភាគីរវាងវៀតណាម និង EU ឈានដល់ជិត 45 ប៊ីលានដុល្លារអាមេរិក កើនឡើង ១៥,៨ ភាគរយ ក្នុងអត្រាប្រចាំឆ្នាំ។ ការនាំចេញរបស់វៀតណាមទៅកាន់ EU មានចំនួន ៣៤,១ ប៊ីលានដុល្លារ កើនឡើង ១៧,៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន។

លោកស្រី Hiền បាននិយាយថា តួលេខទាំងនេះឆ្លុះបញ្ចាំងពីការស្ទុះងើបឡើងវិញនៃសេដ្ឋកិច្ចនៅសហភាពអឺរ៉ុប និងការសម្របខ្លួនរបស់អាជីវកម្មវៀតណាមក្នុងការចាប់យកឱកាស ដែលកើតចេញពី EVFTA រួមទាំងការរួមចំណែកជាវិជ្ជមាននៃវិស័យភស្តុភាររបស់វៀតណាម និងដៃគូរបស់ខ្លួន។

យ៉ាងណាក៏ដោយ លោកស្រីបានកត់សម្គាល់ថា សកម្មភាពនាំចូល-នាំចេញរវាងវៀតណាម និងសហភាពអឺរ៉ុបក៏កំពុងប្រឈមមុខនឹងបញ្ហាជាច្រើនផងដែរ ដោយសារភាពមិនអាចទាយទុកជាមុនបាននៃទីផ្សារ កម្សោយនៃការស្ទុះងើបឡើងវិញនៃតម្រូវការអ្នកប្រើប្រាស់នៅ EU និងជម្លោះប្រដាប់អាវុធ និងភូមិសាស្រ្តនយោបាយជាច្រើន។

លើសពីនេះ ទីផ្សារនាំចេញ ជាពិសេស EU កំពុងទាមទារកាន់តែខ្លាំងឡើងនូវខ្សែចង្វាក់ផ្គត់ផ្គង់បៃតង រួមទាំងការផលិត និងការដឹកជញ្ជូនទំនិញ។ ក្នុងបរិបទនេះ ដើម្បីជំរុញប្រសិទ្ធភាពនៃការនាំចេញ រួមជាមួយនឹងការខិតខំប្រឹងប្រែងរបស់សហគ្រាសផលិត វិស័យភស្តុភាររបស់វៀតណាមត្រូវបន្តកែលម្អហេដ្ឋារចនាសម្ព័ន្ធ និងសមត្ថភាពប្រតិបត្តិការ ព្រមទាំងកាត់បន្ថយការចំណាយឱ្យតិចបំផុត ដើម្បីរក្សាការប្រកួតប្រជែង។

គួរគូសបញ្ជាក់ថា បច្ចុប្បន្នវៀតណាមជាដៃគូពាណិជ្ជកម្មធំជាងគេទី ១៦ របស់សហភាពអឺរ៉ុប ដែលជាប្រទេសនាំចេញធំទី ៣ និងជាប្រទេសនាំចូលធំទី ៥ របស់អឺរ៉ុប។ វៀតណាមនាំចេញជាចម្បងនូវទូរស័ព្ទ ផលិតផលអេឡិចត្រូនិក ស្បែកជើង គ្រឿងចក្រ និងវាយនភណ្ឌទៅកាន់សហភាពអឺរ៉ុប៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា