សន្តិសុខសង្គម

នគរបាលខណ្ឌចំការមន ឃាត់ក្រុមក្មេងទំនើងប្រុស-ស្រី ៣០ នាក់ ប្រមូលផ្ដុំគ្នានៅតំបន់កោះពេជ្រ

បានផុស

២ years មុន

នៅ

ថ្ងៃអង្គារ ១៥ តុលា ២០២៤

ដោយ

អ៊ិន ពិសី

នគរបាលខណ្ឌចំការមន ណែនាំ និងត្រួតពិនិត្យ ក្រុមក្មេងដើរលេងយប់ជ្រៅ ចំនួន ៣០ នាក់ ដែលប្រមូលផ្ដុំគ្នានៅក្នុងបរិវេណកោះពេជ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១ និង ៣០ នាទី រំលងអធ្រាត្រ ឈានចូលថ្ងៃទី ១៥ ខែតុលា ឆ្នាំ ២០២៤ នៅចំណុចក្បែរគល់ស្ពានកោះនរា ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមការបញ្ជាក់ពីនគរបាលប៉ុស្តិ៍ទន្លេបាសាក់បានឲ្យដឹងថា កម្លាំងប៉ុស្តិ៍សហការជាមួយកម្លាំងអធិការនគរបាលខណ្ឌចំការមន និងប៉ុស្តិ៍រដ្ឋបាលទាំង ៤ ដឹកនាំដោយ លោកវរសេនីយ៍ទោ អន សុខបុល្លា អធិការរងខណ្ឌចំការមន បានចុះល្បាតត្រួតពិនិត្យឃើញក្រុមក្មេងដែលប្រមូលម្តុំគ្នាដើរលេងយប់មិនចូលផ្ទះក្នុងបរិវេណកោះពេជ្រ និងចំណុចកំពង់ចម្លងកោះពេជ្រទៅកោះនរាចាស់ ផ្លូវបេតុង ក្រុម ៧៨ ភូមិ ១៤ សង្កាត់ទន្លេបាសាក់ សរុបចំនួន ៣០ នាក់ ស្រី ០៣ នាក់ និងម៉ូតូ ១៥ គ្រឿង។

ក្រោយពេលសមត្ថកិច្ចត្រួតពិនិត្យ និងអប់រំណែនាំរួច បានឲ្យក្មេងៗ ទាំងនោះ បំបែកគ្នាទៅផ្ទះរៀងៗ ខ្លួន ដើម្បីទប់ស្កាត់កុំឲ្យកើតមានបញ្ហាអំពើហិង្សាណាមួយរបស់ក្រុមក្មេងទាំងនោះ៕

អត្ថបទ ៖ រដ្ឋា