សន្តិសុខសង្គម

ឃាត់ខ្លួនក្មេងទំនើង ១៥ នាក់ ក្រោយវាយតប់គ្នាយ៉ាងអនាធិបតេយ្យ

បានផុស

២ years មុន

នៅ

ថ្ងៃពុធ ១៦ តុលា ២០២៤

ដោយ

ក្មេងទំនើង ០២ ក្រុម ដោយម្ខាងមានគ្នា ០៩ នាក់ និងម្ខាងទៀតមានគ្នា ០៦ នាក់ ប្រដាប់ទៅដោយដុំថ្ម ដំបង កាំបិត បានវាយតប់កាប់គ្នាតាមផ្លូវសាធារណៈយ៉ាងអនាធិបតេយ្យ ត្រូវកម្លាំងសមត្ថកិច្ចឃាត់ខ្លួនយកមកសួរនាំ កាលពីវេលាម៉ោង ១០ យប់ ថ្ងៃទី ១៥ ខែតុលា ឆ្នាំ ២០២៤ នៅផ្លូវបេតុង ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញក្មេងទំនើង ០១ ក្រុម មានគ្នា ០៦ នាក់ កំពុងអង្គុយជុំគ្នាហូបប្រហិតចៀន។ បន្ទាប់មក ស្រាប់តែមានក្មេងទំនើង ០១ ក្រុមទៀត មានគ្នា ០៩ នាក់ ដើរមកសំដៅភាគីម្ខាងទៀត ប្រដាប់ដោយដុំថ្ម កាំបិត។

ប្រភពដដែលបានបន្តថា បន្ទាប់មកភាគីទាំងសងខាងក៏បានទាស់ពាក្យសម្ដីគ្នារហូតឈានទៅដល់ហិង្សាវាយតប់កាប់គ្នាទៅវិញទៅមក តែមិនមានមនុស្សរបួសនោះទេ គ្រាន់តែខូចខាតម៉ូតូ ០១ គ្រឿង ម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ 1GM 3397។ ភ្លាមៗ នោះ កម្លាំងអន្តរាគមន៍ នៃអធិការដ្ឋាននគរបាលខណ្ឌពោធិ៍សែនជ័យ កំពុងល្បាត ក៏បង្ក្រាបឃាត់ខ្លួនបានភ្លាមៗតែម្ដង។