ព័ត៌មានជាតិ
៨ រាជធានីខេត្ត ប្រមូលផ្តុំរោងចក្រកាត់ដេរច្រើនជាងគេ គិតត្រឹមឆ្នាំ ២០២៤
របាយការណ៍ពីក្រសួងការងារ និងបណ្ដុះបណ្ដាលវិជ្ជាជីវៈ បានបង្ហាញពីទិន្នន័យរោងចក្រសហគ្រាសនៅតាមបណ្តារាជធានីខេត្តទូទាំងប្រទេស។
គិតត្រឹមខែសីហា ឆ្នាំ ២០២៤ នៅទូទាំងប្រទេសមានសហគ្រាស និងគ្រឹះស្ថានសរុបចំនួន ៤៤ ៤១០ មូលដ្ឋាន កំពុងដំណើរការជាមួយកម្មករនិយោជិកបម្រើការងារសរុបចំនួន ១ ៧៩២ ៧០១ នាក់។
វិស័យកាត់ដេរ ជាវិស័យស្នូលសម្រាប់ជំរុញកំណើនសេដ្ឋកិច្ចជាតិ។ បើផ្អែកតាមរបាយការណ៍ពីក្រសួងការងារ និងបណ្ដុះបណ្ដាលវិជ្ជាជីវៈ គិតត្រឹមខែសីហា ឆ្នាំ ២០២៤ មានរោងចក្រកាត់ដេរសរុបចំនួន ១ ៥៣៨ ទីតាំង កំពុងប្រតិបត្តិការដែលផ្តល់ការងារដល់កម្មករនិយោជិកសរុបចំនួន ៩១៣ ០១៧ នាក់។
របាយការណ៍ដដែលក៏បានបង្ហាញដែរថា បច្ចុប្បន្នរោងចក្រកាត់ដេរកំពុងបោះមូលដ្ឋាននៅតាមរាជធានីខេត្តចំនួន ១៧ ក្នុងនោះរាជធានីខេត្តចំនួន ៨ ប្រមូលផ្តុំរោងចក្រកាត់ដេរច្រើនជាងគេ។
-រាជធានីភ្នំពេញឈរលើគេ មានរោងចក្រកាត់ដេរសរុបចំនួន ៧២៩ ទីតាំង
-ខេត្តកំពង់ស្ពឺឈរទី ២ មានចំនួន ២៩៣ ទីតាំង
-ខេត្តកណ្តាលនៅលំដាប់ទី ៣ មានចំនួន ២៤៥ ទីតាំង
-ខេត្តតាកែវឈរលំដាប់ទី ៤ មានចំនួន ៨២ ទីតាំង
-ខេត្តព្រះសីហនុនៅលំដាប់ទី ៥ មានចំនួន ៦២ ទីតាំង
-ខេត្តស្វាយរៀងនៅលំដាប់ទី ៦ មានចំនួន ៤៧ ទីតាំង
-ខេត្តកំពង់ឆ្នាំងឈរនៅលំដាប់ទី ៧ មានចំនួន ២២ ទីតាំង
-ខេត្តកំពង់ចាមឈរនៅលំដាប់ទី ៨ មានចំនួន ២១ ទីតាំង
ក្រៅពីរាជធានីខេត្តទាំង ៨ រោងចក្រកាត់ដេរត្រូវបានបើកដំណើរការនៅតាមភូមិសាស្រ្តខេត្តក្រុងមួយចំនួនទៀត (ខេត្តកែបមាន ១ ទីតាំង ខេត្តកោះកុងមាន ២ ទីតាំង ខេត្តកំពតមាន ៧ ទីតាំង ខេត្តត្បូងឃ្មុំមាន ២ ទីតាំង ខេត្តបន្ទាយមានជ័យមាន ៦ ទីតាំង ខេត្តបាត់ដំបងមាន ១ ទីតាំង ខេត្តពោធិ៍សាត់មាន ៤ ទីតាំង ខេត្តព្រៃវែងមាន ៣ ទីតាំង និងខេត្តសៀមរាបមាន ១១ ទីតាំង )។
ឧស្សាហកម្មកាត់ដេរជាវិស័យស្នូលមួយ ដើរតួនាទីយ៉ាងសំខាន់ក្នុងការជំរុញសេដ្ឋកិច្ចប្រទេសកម្ពុជា។ ផលិតផលសម្លៀកបំពាក់តំណាងឱ្យប្រមាណ ៨០% នៃការនាំចេញរបស់កម្ពុជា ហើយទីផ្សារសំខាន់ៗសម្រាប់ការនាំចេញគឺ សហរដ្ឋអាមេរិក សហភាពអឺរ៉ុប និងហុងកុង។
តាមទិន្នន័យអគ្គនាយកដ្ឋានគយនិងរដ្ឋាករ ចេញផ្សាយកាលពីថ្ងៃទី១០ ខែមិថុនា ក្នុងរយៈពេល ៥ ខែដំបូងឆ្នាំ២០២៤ កម្ពុជាបានធ្វើការនាំចេញសម្លៀកបំពាក់ ស្បែកជើង និងទំនិញធ្វើដំណើរ មានទំហំទឹកប្រាក់ជាង ៩ ០០០ លានដុល្លារ មានកើនឡើងប្រមាណ ២៣ ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំ២០២៣៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ