របៀបពាក់ម៉ាសឱ្យបានត្រឹមត្រូវតាមក្បួនសុខាភិបាល

ខណៈការឆ្លងរាលដាលនៃវីរុសកូវីដ-១៩នៅតែបន្តរាតត្បាតជារៀងរាល់ថ្ងៃ ការគោរពតាមវិធានការសុខភាព និងរក្សាអនាម័យជាប្រចាំ ពិតជាសកម្មភាពចាំបាច់ដែលគួរអនុវត្ត​មិនអាចរំលងបានឡើយ។

យ៉ាងណាមិញ ការពាក់ម៉ាសជាវិធានការមួយក្នុងចំណោមវិធានការផ្សេងទៀតដែលអាចជួយកាត់បន្ថយការចម្លងនៃមេរោគនៅក្នុងដំណាក់កាលនេះ​ បើទោះបីអ្នកដែលបានចាក់វ៉ាក់រួចហើយក្ដី។

ដូច្នេះ តើពាក់ម៉ាស់យ៉ាងណា ទើបជាទង្វើត្រឹមត្រូវ អាចការពារការចម្លងបាន?

១. នៅពេលចង់ញ៉ាំ ឬធ្វើសកម្មភាពផ្សេងៗដែលតម្រូវឱ្យដោះម៉ាសចេញ អ្នកគួរដោះចេញទាំងស្រុង

ក របស់អ្នកជាតំបន់ដែលអាចមានជាប់ដោយបាក់តេរីឬវីរុស ហើយនៅពេលដោះម៉ាសចេញតែពីមាត់ តែវានៅនឹង ក ដដែល មេរោគនៅតែអាចចម្លង ដោយសារផ្នែកខាងក្នុងនៃម៉ាសអាចប៉ះទៅនឹងបាក់តេរីឬវីរុសទាំងនោះមកចម្លងតាមមាត់វិញ ក្រោយទាញមកពាក់ជាថ្មី។

២. ពាក់ផ្ទៃដែលមានពណ៌ដិតចេញក្រៅ

នៅពេលពាក់ម៉ាសដោយដាក់ខាងពណ៌ដិតចូលក្នុង អ្នកអាចប្រឈមឆ្លងជំងឺផ្សេងៗរួមមាន ជំងឺផ្តាសាយជាដើម ពោលបើមិនចង់ឱ្យមេរោគទាំងអស់ចម្លងទៅខ្លួនឯង ឬអ្នកដទៃ ត្រូវពាក់ខាងពណ៌ដិតចេញមកក្រៅ។

៣. ពាក់ផ្ទៃសចូលក្នុង ដោយសារផ្នែកនេះមានតម្រងការពារ

ការពាក់ម៉ាស់ដោយដាក់ខាងពណ៌ស្រាលចូលក្នុង ប្រើប្រាស់នៅពេលដែលអ្នកគ្មានជំងឺ ហើយចង់ការពារមេរោគ រឺជាតិពុលពីក្នុងបរិយាកាសមិនឱ្យចូលយកយារយីដល់ខ្លួនអ្នក។

សូមកុំភ្លេចអនុវត្តទាំងអស់គ្នា ដើម្បីសុវត្ថិភាពទាំងអស់គ្នា!

អត្ថបទ៖ សន្យា

ចុចអាន៖ តើការពាក់ម៉ាសនិងរក្សាគម្លាត អាចការពារបានប៉ុន្មានភាគរយ?

ចុចអាន៖ ចំណុច​សំខាន់ៗ​មួយ​ចំនួន ការពារ​ក្រុម​គ្រួសារ​គេច​ផុត​កូវីដ