ជុំ លីណូ សប្បាយចិត្តពេលបានរួមការងារជាមួយ Idol តាំងពីក្មេងនិងអ្នកសិល្ប:រួមអាជីព

តារាចម្រៀងលោក ជុំ លីណូ បានបង្ហាញការរំភើបនិងសប្បាយចិត្ត បន្ទាប់ពីមានឱកាសរួមការងារសិល្ប:ជាមួយតារាចម្រៀងរៀមច្បងដែលជា idol តាំងពីលោកនៅក្មេងម្ល៉េះ។ ម្យ៉ាងទៀតលោក ជុំ លីណូ ក៏បានជួបជុំផងដែរជាមួយអ្នកសិល្ប:រួមអាជីពផងនោះ។

តារាចម្រៀងចូលចិត្តស្ទាយល៍បែបយុវវ័យលោក ជុំ លីណូ កត់សម្គាល់ថា សម្រាប់អាជីពសិល្ប:របស់លោកបច្ចុប្បន្ននៅតែរក្សាបានការគាំទ្រ និងមានប្រជាប្រិយភាពដូចដើម ខណ:ដែលពេលនេះលោកក៏ជ្រែកខ្លួនចាប់មុខជំនួញជាច្រើនទៀតផងដែរ។

ក្រោយបានរួមការងារជួយលោក ព្រាប សុវត្ថិ អតីតតារាចម្រៀងរបស់ផលិតកម្មសាន់ដេ លោក ជុំ លីណូ បានបញ្ចេញអារម្មណ៍ដូច្នេះថា លោកពិតជាសប្បាយចិត្តណាស់ ដែលបានរួមការងារជាមួយកំពូល idol របស់លោកតាំងពីតូចគឺឧកញ៉ា ព្រាប សុវត្តិ និងបងប្អូនរួមអាជីព។

សូមបញ្ជាក់ថាតារាចម្រៀងលោកជុំ លីណូ កាលពីថ្មីៗកន្លងទៅ បានរកឃើញផលិតកម្មធំដើម្បីឈរឈ្មោះឡើងវិញហើយបន្ទាប់ពីអវត្តមានក្លាយជាអ្នកចម្រៀងឯករាជ្រ ក្រៅផលិតកម្មមានរយ:ពេលច្រើនឆ្នាំកន្លង មកនោះ។ផលិតកម្មថ្មីដែលលោកចូលច្រៀងនោះគឺ Galaxy ដែលប្រជុំសុទ្ធតែកំពូលតារាចម្រៀងល្បីៗច្រើនដួង។

ពិតណាស់តារាចម្រៀងចូលចិត្តស្ទាយល៍បែបយុវវ័យលោក ជុំ លីណូ សម្រាប់អាជីពសិល្ប:របស់លោកបច្ចុប្បន្ននៅតែរក្សាបានការគាំទ្រ និងមានប្រជាប្រិយភាពដូចដើម ខណ:ពេលកន្លងមកនេះលោកក៏ជ្រែកខ្លួនចាប់មុខជំនួញជាច្រើនទៀតផងដែរ ។មិនត្រឹមតែជោគជ័យលើមុខជំនួញផ្សេងៗ និងអាជីពសិល្ប: ប៉ុណ្ណោះទេលោក លីណូ ថ្មីៗនេះធ្លាយដំណឹងថាលោកបានបោះទុនរាប់ម៉ឺនដុល្លារ ដើម្បីក្លាយជាម្ចាស់ភាគហ៊ុនមួយទៀតផង៕ អត្ថបទ៖ ចាន់រ៉ា