ជុំ លីណូ រំភើបចិត្តខ្លាំង ក្រោយទទួលបានការសរសើរពី សម្តេចតេជោ

តារាចម្រៀងលោក ជុំ លីណូ បានបង្ហាញអារម្មណ៍រំភើបខ្លាំង ក្រោយទទួលបានការសរសើរពីសំណាក់សម្តេចតេជោ ហ៊ុន សែន ក្នុងការបកស្រាយបទចម្រៀងបែបប្រពៃណីបានយ៉ាងពីរោះ។

ថ្មីៗនេះ លោក ជុំ លីណូ ត្រូវបានអញ្ជើញចូលរួមជាតារាកិត្តិយសក្នុងកម្មវិធីចម្រៀងគ្រួសារខ្មែរ ដែលរៀបចំឡើងដោយលោក អ៊ុក ណារីម និងអ្នកនាង ឆោម ឆពុំ ខណ:លោកបានបកស្រាយបទចម្រៀងគឺបទ”កន្សែងក្រហម”និង” ថ្ងៃស្អែកបែកគ្នា”។

ដោយទទួលបានការលើកសរសើរពីសំណាក់សម្តេចតេជោ ហ៊ុន សែន ភ្លាមៗនោះតារាចម្រៀងលោក ជុំ លីណូ បានរៀបរាប់ទាំងក្តីរំភើបថា “ខ្ញុំបាទ ជុំលីណូ សូមគោរពថ្លែងអំណរគុណដ៏ខ្ពង់ខ្ពស់ដល់សម្តេចពុកដែលលោកបានលើក សរសើរ អំពីសមត្ថភាពរបស់ខ្ញុំបាទក្នុងការបកស្រាយបទចម្រៀងបែបប្រពៃណីបានយ៉ាពីរោះ”។

ទន្ទឹមនេះ លោកក៏បានគោរពជូនពរដល់សម្តេច និងក្រុមគ្រួសារ មានសុខភាពល្អនិងទទួលបានជោគជ័យគ្រប់ភារកិច្ចការងារផងដែរ។

បើគិតមកដល់ពេលនេះ ជីវិតអាជីពសិល្ប:តារាចម្រៀងលោក ជុំ លីណូ បានចាប់ប្រឡូកក្នុងវិថីមួយនេះមានរយ:ពេលប្រមាណជាង ២០ឆ្នាំ ហើយ ខណ:ដែលតារាប្រុសរូបនេះក៏បានផ្លាស់ប្តូរទ្រនុំច្រៀងច្រើនផលិតកម្មផងដែរ៕ ដោយ: ចាន់រ៉ា