ព័ត៌មានអន្ដរជាតិ
YouTuber កាយសម្បទាកូរ៉េម្នាក់ ស្លាប់ក្នុងអាយុ ៣៤ ឆ្នាំ ដោយសារហេតុផលសុខភាព
Park Seung-hyun ដែលជា YouTuber កាយសម្បទាដ៏ពេញនិយមដែលមានអ្នកជាវ ៨៣០,០០០ដែលទទួលបានការទទួលស្គាល់ចំពោះការលាតត្រដាងការប្រើប្រាស់សារធាតុស្តេរ៉ូអ៊ីតនៅក្នុងឧស្សាហកម្មហាត់ប្រាណ បានទទួលមរណភាពកាលពីថ្ងៃអាទិត្យក្នុងអាយុ ៣៤ ឆ្នាំ។
បងប្រុសរបស់ Park Seung-hyun បានលាតត្រដាងព័ត៌មាននៅលើប្រព័ន្ធផ្សព្វផ្សាយសង្គមនៅម៉ោង ៣:៥១រសៀល នាថ្ងៃទី ០៥ ខែមករា ថា «ប្អូនប្រុសរបស់ខ្ញុំ Seung-hyun បានទទួលមរណភាពដោយសារហេតុផលសុខភាព ក្រុមគ្រួសាររបស់ពួកយើងមានការខូចចិត្តយ៉ាងខ្លាំង ដូច្នេះយើងនឹងមិនទទួលភ្ញៀវនៅឯសាលរំលឹកទេ។ សូមអធិស្ឋានឲ្យគាត់បានសម្រាកដោយសន្តិភាពក្នុងចិត្តរបស់អ្នក»។
រូបថតនៃរូបភាពអនុស្សាវរីយ៍របស់ Park ត្រូវបានចែករំលែកនៅក្នុងការបង្ហោះ ទោះបីជាមិនមានព័ត៌មានលម្អិតបន្ថែមត្រូវបានផ្តល់ឲ្យក៏ដោយ។
Park Seung-hyun ជាអតីតអ្នកលេងកាយវប្បកម្ម នៅតែសកម្មនៅលើប៉ុស្តិ៍ YouTube របស់គាត់ជាមួយនឹងវីដេអូកាយសម្បទាចុងក្រោយ ត់ដែលបានបង្ហោះត្រឹមតែប្រាំមួយថ្ងៃ មុនពេលគាត់ស្លាប់ដោយទទួលបានអ្នកមើល ៧៦០,០០០។ លោកបានក្លាយជាមនុស្សលេចធ្លោនៅឆ្នាំ ២០១៩ នៅពេលដែលខ្លួនបានសារភាពជាសាធារណៈចំពោះការប្រើប្រាស់ថ្នាំស្តេរ៉ូអ៊ីតខុស និងបានលាតត្រដាងការរំលោភបំពានយ៉ាងទូលំទូលាយនៅក្នុងឧស្សាហកម្មហាត់ប្រាណ និងកាយសម្បទា។ តាមរយៈការលាតត្រដាង គាត់បានបង្កើតចលនាមួយក្នុងគោលបំណងលើកកម្ពស់ការយល់ដឹងអំពីគ្រោះថ្នាក់នៃការប្រើប្រាស់គ្រឿងញៀនខុសច្បាប់នៅក្នុងកីឡា។
មិនតែប៉ុណ្ណោះ គាត់បានរាយការណ៍ដោយស្ម័គ្រចិត្ដពីការបំពានច្បាប់ឱសថរបស់គាត់ទៅអាជ្ញាធរ ក្រោយមកគាត់បង្ហាញថាខ្លួនបានទទួលការចោទប្រកាន់ដែលផ្អាកនៅក្នុងខែវិច្ឆិកា ឆ្នាំ ២០១៩ ។ ជាពិសេស នាពេលថ្មីៗនេះលោកក៏បានសារភាពថា កំពុងតែតស៊ូជាមួយនឹងជំងឺធ្លាក់ទឹកចិត្តដែលគាត់បានពិភាក្សាដោយបើកចំហជាមួយអ្នកដើរតាមរបស់គាត់។
ក្នុងវីដេអូមួយដែលបានបង្ហោះបីខែមុនពេលទទួលមរណភាព គាត់បាននិយាយថា «ខ្ញុំបានប្រយុទ្ធនឹងជំងឺធ្លាក់ទឹកចិត្ត និងទទួលបានការព្យាបាលវិកលចរិត។ ការលំបាកផ្នែកហិរញ្ញវត្ថុបានកើតឡើង ដោយសារខ្ញុំមិនអាចបន្តសកម្មភាព YouTube របស់ខ្ញុំបាន។ ខ្ញុំមានអារម្មណ៍ឯកោ ទោះបីជាខ្ញុំមិនគួរ។ ខ្ញុំនឹងរកផ្លូវត្រឡប់ទៅខ្លួនឯងវិញនៅថ្ងៃណាមួយ»៕
អត្ថបទ៖ សាង ស្រីល័ក្ខ
ចុចអាន៖អ្នកដឹកនាំរឿង «Squid Game» ប្រាប់ហេតុផលជ្រើសតួពាក់ព័ន្ធរឿងអាស្រូវផ្លូវភេទមកសម្ដែង
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ