ជីវិតកម្សាន្ដ

អាការជំងឺម្តាយកាន់តែធ្ងន់ វី ឌីណែត បានត្រឹមលើកដៃសំពះបន់ព្រះឲ្យជួយពីចម្ងាយ

បានផុស

៥ years មុន

នៅ

ថ្ងៃសុក្រ ១៩ មីនា ២០២១

ដោយ

មហាជននិងអ្នកគាំទ្រកាន់តែមានអារម្មណ៍រន្ធត់ចិត្តខ្លាំងបន្ទាប់ពីដឹងថាអាការជំងឺម្តាយតារាចម្រៀងកញ្ញា វី ឌីណែត ពេលនេះកាន់តែធ្ងន់ធ្ងរក្រោយចូលសង្គ្រោះបន្ទាន់នៅមន្ទីរពេទ្យដោយសារកូវីដ-១៩។

បើយោងតាមការបង្ហោះនៅលើគណនីហ្វេសប៊ុកឈ្មោះ លីដា វី ដែលត្រូវជាបងស្រីកញ្ញា វី ឌីណែត បានរៀបរាប់ថា អ្វីដែលឈឺចិត្តបំផុតពេលម្តាយឈឺមិនអាចសូម្បីតែមើលថែនិងមើលមុខម៉ាក់។សំបុត្រដែលផ្ញើអោយម៉ាក់ក៏ម៉ាក់មិនអាចអានដឹងឮអ្វីទាំងអស់Covidអើយសាហាវពេកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅលើគណនីហ្វេកប៊ុកឈ្មោះ Sina ungក៏បានលើកឡើងដែរថា មីងពៅអើយកុំទាន់អាលទៅណា ចោលពួកយើងអី ពួកក្មួយមិនព្រមឲ្យមីងទៅណាចោលក្មួយជាដាច់ខាត។ ទេវតាអើយជួយមីងខ្ញុំផង យកឈ្នះឲ្យបានណាមីង ឆាប់ដឹងខ្លួនឡើង ឆាប់បានមកចាក់រូបឲ្យក្មួយទៀ ត ពេលមីងជានាំគ្នាទៅធ្វើអីញាំនៅផ្ទះវីឡាមីង ទៅបេះបន្លែផ្លែឈើដែលមីងនិងពូបានដាំ យើងជួបជុំបងប្អូនគ្រួសារយើងទៀតណាមីងណា។

ចំណែកកញ្ញា វី ឌីណែត ដែលត្រូវជាកូនឯណ្ណោះវិញ បានត្រឹមតែលើកដៃសំពះបន់ស្រន់ដល់ទេវតាឲ្យតាមថែរក្សានិងជួយឃុំគ្រងអ្នកម្តាយឲ្យរួចផុតពីជំងឺដ៏កាចសាហាវនេះ។ វី ឌីណែត បានរៀបរាប់ថាម៉ាក់អើយម៉ាក់ ម៉ាក់ត្រូវរឹងមាំម៉ាក់ត្រូវងើបឡើង ម៉ាក់ត្រូវឆ្លងឲ្យផុតណា។ តាមរយៈនេះមានទស្សនិកជនជាច្រើនបានផ្ញើសារជួនពរម្តាយ វី ឌីណែតគ្រប់គ្នា៕

អត្ថបទ ៖ ចាន់រ៉ា