Zhao Lusi ជាប់​ចំណាត់​ថ្នាក់​កំពូល​ ជាតារា​ស្រី​ចិន​ដែល​គេ​ស្រលាញ់​ច្រើនបំផុត​នៅ ថៃ

ការស្ទង់មតិដែលធ្វើឡើងដោយឧបករណ៍ស្តាប់សង្គម Zanroo ដែលមានមូលដ្ឋាននៅប្រទេសថៃ ប្រមូលបានជាង ២០៨ លានសំឡេង បានដាក់ចំណាត់ថ្នាក់តារាសម្ដែងស្រី Zhao Lusi ជាតារាសម្តែងចិន ដែលមានប្រជាប្រិយភាពបំផុតនៅក្នុងប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីត្រកូល Zhao ទទួល​បាន​ជាង ៧០ លាន​នាក់ លើស Zhang Ruonan ដែល​បាន​ឈរ​នៅ​លេខ​ពីរ​ដោយ​មាន​សំឡេង​ឆ្នោត​ជាង ៤៦លាន។ តារា​ស្រី​ផ្សេង​ទៀត​ក្នុង​ចំណោម​តារា​ស្រី​កំពូល​ទាំង ១០ រួម​មាន Dilraba Dilmurat, Yang Zi, Liang Jie, Bai Lu, Lu Yuxiao, Tian Xiwei, Chen Duling, និង Ju Jingyi។

តារាស្រីវ័យ២៨ឆ្នាំ បានចាប់ផ្តើមអាជីពសម្តែងរបស់នាងក្នុងឆ្នាំ ២០១៧ ហើយទទួលបានភាពល្បីល្បាញតាមរយៈតួនាទីឈានមុខគេក្នុងរឿងភាគល្បីៗដូចជា «The Romance of Tiger and Rose” “Dating in the Kitchen” “Love Better Than Immortality” “Love Like the Galaxy” និង “Hidden Love» ។

នៅក្នុងរយៈពេលប៉ុន្មានខែថ្មីៗនេះ ការព្រួយបារម្ភអំពីសុខភាពរបស់នាង បានទាក់ទាញការចាប់អារម្មណ៍ជាសាធារណៈ បន្ទាប់ពីវីដេអូរបស់នាង ត្រូវបានរុញចូលទៅក្នុងមន្ទីរពេទ្យបានរីករាលដាលនៅក្នុងខែធ្នូ ឆ្នាំ ២០២៤។ ក្រោយមកក្រុមការងារបានបញ្ជាក់ថា តារាស្រីបានជួបប្រទះបញ្ហាសុខភាពមុនពេលចូលមន្ទីរពេទ្យ ហើយបានផ្អាកសកម្មភាពដែលទាក់ទងនឹងការងារទាំងអស់ដើម្បីផ្តោតលើការជាសះស្បើយឡើងវិញ។

យាងណាក៏ដោយ តារាចិនបាន​បើក​ចំហ​អំពី​ការ​តស៊ូ​ខ្លួនជាមួយ​នឹង​ជំងឺ​ធ្លាក់​ទឹកចិត្ត ដោយ​បង្ហាញ​ថា វា​បាន​ចាប់​ផ្តើម​ជា​ច្រើន​ឆ្នាំ​មក​ហើយ។ ដំបូងឡើយ នាងបានព្រងើយកន្តើយនឹងរោគសញ្ញា ដោយជឿថានាងគ្រាន់តែទន់ខ្សោយនិងទទួលឥទ្ធិពលពីអ្នកផ្សេងទៀតដែលបំបាក់ទឹកចិត្តនាងពីប្រតិកម្មខ្លាំងពេក។ តារាសម្ដែងស្រី បានបង្ហាញខ្លួនជាសាធារណៈលើកដំបូង ចាប់តាំងពីនាងចូលមន្ទីរពេទ្យកាលពីចុងខែមករាក្នុងព្រឹត្តិការណ៍មួយនៅទីក្រុង Chengdu ប្រទេសចិន៕

អត្ថបទ៖ សាង ស្រីល័ក្ខ

ចុចអាន៖ម្ហូបមួយមុខអធិរាជ ឈានឡុង តែងសោយរាល់ព្រឹក ដើម្បីពន្យារព្រះជន្មឲ្យនៅជាអមតៈ