ព័ត៌មានអន្ដរជាតិ
ផ្ទុះភ្នំភ្លើងនៅហ្វីលីពីន ព្រួសផ្សែងផេះកម្ពស់ ៤ ០០០ម៉ែត្រ
ផ្សែងផេះកម្ពស់ ៤ ០០០ម៉ែត្របានហោះហើរពេញផ្ទៃមេឃ ក្រោយពីភ្នំភ្លើង Kanlaon ក្នុងប្រទេសហ្វីលីពីនបានផ្ទុះនៅព្រឹកថ្ងៃអង្គារទី៨ខែមេសានេះ ដែលជំរុញឲ្យមានបិទសាលារៀនជាបណ្ដោះអាសន្ន និងមានការជម្លៀសខ្លួនប្រជាជននៅលើកោះ Negros។
វិទ្យាស្ថានភ្នំភ្លើង និងរញ្ជួយដីហ្វីលីពីន បាននិយាយនៅក្នុងសេចក្តីថ្លែងការណ៍មួយថា៖ «ការផ្ទុះដ៏ខ្លាំងមួយកំពុងកើតឡើងនៅកំពូលភ្នំភ្លើង Kanlaon ដែលបានចាប់ផ្តើមនៅម៉ោង ៥ និង៥១ព្រឹកថ្ងៃនេះ។ ភ្នំភ្លើងនេះ កំពុងបង្កើតជាដុំពពកផេះដ៏វែង មានកម្ពស់ប្រហែល ៤ ០០០ម៉ែត្រ ដែលរសាត់ទៅភាគនិរតី»។
ភ្នំភ្លើង Kanlaon គឺជាភ្នំភ្លើងសកម្មមួយក្នុងចំណោមភ្នំភ្លើងសកម្មចំនួន២៤ នៅក្នុងប្រទេសហ្វីលីពីន។ ការផ្ទុះលើកមុន កើតឡើងកាលពីខែធ្នូឆ្នាំមុន ដោយធ្វើឲ្យមានការជម្លៀសអ្នកភូមិជុំវិញ។
លោក John De Asis មន្ត្រីជួយសង្គ្រោះនៅក្រុង La Castellana នៃខេត្ត Negros បានប្រាប់ថា៖ «យើងធ្លាប់រៀបចំសម្រាប់ការផ្ទុះនេះហើយ។ ក្រុមគ្រួសារនៅក្នុងចម្ងាយ៤ទៅ៦គីឡូម៉ែត្រ ត្រូវបានជម្លៀសខ្លួនរួចរាល់ អំឡុងពីពេលផ្ទុះកាលពីខែធ្នូមុន។ ឥឡូវនេះយើងគ្រាន់តែតាមដានថាតើភូមិណាខ្លះនឹងរងផលប៉ះពាល់ដោយការធ្លាក់ផេះ»។
លោកបានបន្ថែមថា មានការលុបចោលថ្នាក់រៀន និងការងារនៅក្នុងតំបន់ ព្រោះតែការផ្ទុះភ្នំភ្លើងមួយនេះ។
សូមបញ្ជាក់ថា ហ្វីលីពីន គឺជាប្រទេសមួយស្ថិតនៅក្នុងតំបន់ “រង្វង់ភ្លើង” ឬហៅថា “Ring of Fire” ដែលគ្រោះរញ្ជួយដី និងបន្ទុះភ្នំភ្លើងគឺជារឿងដែលការកើតឡើងជាញឹកញាប់៕
ដោយ៖ ឈាង
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ