ព័ត៌មានអន្ដរជាតិ
ងាកពីអាមេរិក ចិនបង្កើនការនាំចូលប្រេងពីកាណាដា
ក្រុមហ៊ុនចម្រាញ់ប្រេងពីប្រទេសចិន កំពុងបង្កើនការនាំចូលប្រេងឆៅពីកាណាដាក្នុងបរិមាណដ៏ច្រើន បន្ទាប់ពីកាត់បន្ថយការទិញប្រេងពីសហរដ្ឋអាមេរិកប្រហែល ៩០ ភាគរយ ចំពេលដែលភាពតានតឹងនៃសង្រ្គាមពាណិជ្ជកម្មបន្តកើនឡើង ក្រោមគោលនយោបាយពន្ធគយ។ នេះបើតាមការចុះផ្សាយរបស់សារព័ត៌មាន Bloomberg ។
ទិន្នន័យពីក្រុមហ៊ុន Vortexa Ltd. ដែលតាមដានការដឹកជញ្ជូនប្រេង និងឧស្ម័នធម្មជាតិ បានបង្ហាញថា ការនាំចូលប្រេងឆៅរបស់ចិនពីកំពង់ផែនៅស្ថានីយបំពង់បង្ហូរប្រេងក្បែរទីក្រុងវ៉ែងខូវឺ របស់កាណាដា បានកើនឡើងដល់ ៧,៣ លានបារ៉ែល នៅខែមីនា ដែលជាកំណត់ត្រាខ្ពស់បំផុត ហើយតួលេខនេះរំពឹងថានឹងបន្តកើនឡើងនៅខែមេសា។ ផ្ទុយទៅវិញ ការនាំចូលប្រេងពីសហរដ្ឋអាមេរិករបស់ចិន បានធ្លាក់ចុះដល់ ៣ លានបារ៉ែល/ខែ ពីកម្រិតខ្ពស់បំផុត ២៩ លានបារ៉ែល នៅខែមិថុនា ឆ្នាំមុន។
របត់នៃការទិញប្រេងឆៅនៅអាមេរិកខាងជើងរបស់ចិន ដែលជាប្រទេសនាំចូលប្រេងឆៅដ៏ធំបំផុតរបស់ពិភពលោក គឺជាឧទាហរណ៍ជាក់ស្ដែងមួយនៃការរំខានផ្នែកសេដ្ឋកិច្ច និងយុទ្ធសាស្ត្រ ក្រោមគោលនយោបាយពន្ធគយរបស់ប្រធានាធិបតីអាមេរិក លោក ដូណាល់ ត្រាំ ដែលកំពុងធ្វើឱ្យរង្គុះរង្គើលើសន្តិសុខសណ្ដាប់ធ្នាប់ពាណិជ្ជកម្មសកល។
ប្រធានវេទិកាថាមពល និងបរិស្ថានកាណាដា-ចិន លោក Wenran Jiang បាននិយាយក្នុងបទសម្ភាសតាមទូរស័ព្ទថា៖ «ដោយសារសង្គ្រាមពាណិជ្ជកម្ម ចិនទំនងមិនបន្ថែមការនាំចូលប្រេងពីសហរដ្ឋអាមេរិកទៀតទេ»។ លោកបន្តថា៖ «ចិននឹងមិនពឹងផ្អែកតែលើរុស្ស៊ី ឬមជ្ឈិមបូព៌ានោះទេ ដូច្នេះប្រេងពីកាណាដានឹងក្លាយជាដំណឹងល្អ»។
គេមើលឃើញថា ការនាំចូលប្រេងរបស់ចិនពីអាមេរិកខាងជើងមានបរិមាណតិចតួច ធៀបនឹងបរិមាណដែលចិននាំចូលពីមជ្ឈិមបូព៌ា និងរុស្ស៊ី ប៉ុន្តែប្រេងឆៅកាណាដាមានតម្លៃថោក ខាប់ និងមានផ្ទុកស្ពាន់ធ័រខ្ពស់ ដែលជាតម្រូវការរបស់រោងចក្រចម្រាញ់ទំនើបៗចិនជាច្រើន៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ