ព័ត៌មានជាតិ
NBC៖ ការចំណាយប្រចាំថ្ងៃរបស់កម្មករនិយោជិតតាមបណ្តាខេត្តប្រមាណ ៩២% ខណៈនៅភ្នំពេញប្រមាណ ៨២% ជាប្រាក់រៀល
លោក យឹម លាត ទេសាភិបាលរង ធនាគារជាតិនៃកម្ពុជា បានបង្ហាញថា តាមការសិក្សាស្រាវជ្រាវរបស់ធនាគារជាតិ ការចំណាយប្រចាំថ្ងៃរបស់កម្មករនិយោជិកដែលរស់នៅតាមបណ្តាខេត្ត ប្រមាន ៩២% គឺជាប្រាក់រៀល ក្នុងនោះនៅរាជធានីភ្នំពេញការចំណាយជាប្រាក់រៀលរបស់កម្មករនិយោជិកមានប្រមាណ ៨២%។
លោក យឹម លាត បានលើកឡើងនៅក្នុងកម្មវិធីផ្សព្វផ្សាយស្តីពីប្រាក់រៀលប្រព័ន្ធបាគង និងប្រព័ន្ធខេអេចឃ្យូអរ នាខេត្តតាកែវ នៅព្រឹកថ្ងៃទី៣០ ខែមេសា ឆ្នាំ២០២៥ នេះថា៖« ប្រាក់រៀលបានទទួល ការទុកចិត្ត និងការប្រើប្រាស់កាន់តែច្រើន ក្នុងជីវភាពប្រចាំថ្ងៃរបស់ប្រជាពលរដ្ឋ ជាពិសេសនៅ តាមតំបន់ជនបទ ដែលប្រាក់រៀលដើរតួនាទីចម្បង និងទូលំទូលាយទាំងក្នុងសកម្មភាពរកប្រាក់ ចំណូល ចំណាយ និងសន្សំ»។
ជាក់ស្តែង តាមលទ្ធផលនៃការស្រាវជ្រាវរបស់ធនាគារជាតិនៃកម្ពុជា សហការជាមួយអង្គការ UNDP នៅឆ្នាំ២០២៣ នេះ បានបង្ហាញថា កម្មករនិយោជិកដែលរស់នៅតាមបណ្តាខេត្តចាយវាយប្រចាំថ្ងៃទៅលើទឹក ភ្លើង ម្ហូបអាហារ សំលៀកបំពាក់ ការធ្វើដំណើរកម្សាន្ត និងថ្នាំសង្កូវ មានរហូតដល់ទៅ ៩២% នៃចំណាយសរុបគឺ ជាប្រាក់រៀល។ ក្នុងនោះកម្មករនិយោជិកដែលរស់នៅរាជធានីភ្នំពេញ មានរហូតដល់ ៨២% ជាប្រាក់រៀលនៃការចំណាយសរុប។
លោក យឹម លាត ក៏បានបញ្ជាក់ដែរថា បច្ចុប្បន្នចំពោះប្រាក់ខែរបស់កម្មករនិយោជិកសព្វថ្ងៃនេះភាគច្រើនគឺជាប្រាក់ដុល្លារនៅឡើយ ដោយក្នុងនោះតាមការស្រាវជ្រាវដដែលបានបង្ហាញថា ៩២% ដែលកម្មករនិយោជិកត្រូវដូរជាប្រាក់ដុល្លារមកជាប្រាក់រៀល ដើម្បីចាយវាយនៅក្នុងការប្រើប្រាស់ប្រចាំថ្ងៃរបស់ពួកគេ។
លោកថា៖«ដូចនេះ ប្រសិនទាំងអ្នកលក់ និងអ្នកទិញប្រើប្រាស់ប្រាក់រៀលតែមួយ នោះគឺនឹងអាចជួយដល់ការលក់ដូរឱ្យមានភាពឆាប់រហ័ស ងាយស្រួល និងមិនចាំបាច់ពិបាកគិតគូរដល់អត្រាប្តូរប្រាក់នោះទេ»។
ក្នុងនោះដែរ លទ្ធផលសិក្សាស្រាវជ្រាវរបស់ធនាគារជាតិនៃកម្ពុជា ដោយសហការជាមួយទីភ្នាក់ងារសហ-ប្រតិបត្តិការអន្តរជាតិជប៉ុន (JICA) កាលពីឆ្នាំ២០១៧ បានបង្ហាញថា សម្រាប់ខេត្តតាកែវ ទិន្នន័យស្រាវជ្រាវបង្ហាញថា មធ្យម ប្រមាណ ៨៥% នៃការចំណាយប្រចាំថ្ងៃរបស់ប្រជាជនត្រូវបានធ្វើឡើងជាប្រាក់រៀល។
លោក យឹម លាត បន្ថែមថា ទោះយ៉ាងណា វឌ្ឍនភាពនៃកំណើនប្រើប្រាស់ប្រាក់រៀលនេះ និងបើទោះបីជាតម្លៃប្រាក់រៀល រក្សាបានលំនឹងល្អ ដោយមានតម្លៃជាមធ្យមប្រមាណ ៤០៥០៛/១$ នៅក្នុងរយៈពេលជាង ២ ទសវត្សរ៍ចុងក្រោយ ក៏បានត្រឹមតែទប់ស្កាត់កម្រិតដុល្លារូបនីយកម្មមិនឱ្យកើនឡើងទៀតប៉ុណ្ណោះ ពីព្រោះការប្រើប្រាស់ប្រាក់ដុល្លារអាមេរិកនៅមិនទាន់ថមថយនៅឡើយ ជាពិសេសនៅរាជធានី ភ្នំពេញ និងតាមទីប្រជុំជននៅតាមបណ្តាខេត្ត ដែលការប្រើប្រាស់ដុល្លារអាមេរិកនៅបន្តមាន កម្រិតខ្ពស់ បើធៀបនឹងប្រាក់រៀល។
«នេះគឺជាមេរៀនប្រវត្តិសាស្ត្រដែលបានបង្ហាញថា ការបាត់បង់ ទំនុកចិត្តលើប្រាក់រៀលកើតឡើងត្រឹមរយៈពេលដ៏ខ្លី តែការស្តារទំនុកចិត្តឡើងវិញគឺជាការលំបាក ហើយទាមទារនូវពេលវេលា និងការចូលរួមយ៉ាងសកម្មរបស់ក្រសួង-ស្ថាប័ន វិស័យឯកជន និង ជាពិសេសប្រជាពលរដ្ឋយើងទាំងអស់គ្នា» នេះបើយោងតាមការថ្លែងបញ្ជាក់របស់លោក យឹម លាត៕
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសផ្ដល់អាហារូបករណ៍ ៦៦៥កន្លែង ដល់យុវជនមកពីគ្រួសារក្រីក្រ និងឧបត្ថម្ភប្រាក់ប្រចាំខែ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
ឆ្នាំនេះតម្លៃផ្លែទុរេន ក្នុងខេត្តបាត់ដំបង ទម្ងន់ ចាប់ពី ៣ គីឡូក្រោមឡើងទៅ ត្រូវទីផ្សារនាំចេញ
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេច យ៉ន សេងយៀត នឹងធ្វើដំណើរធម្មយាត្រាថ្មើរជើងតាមជួរភ្នំក្រវាញ ៣២ថ្ងៃ ដើម្បីពុទ្ធសាសនា និងបរិស្ថាន
កូវីដនៅថៃធ្ងន់ធ្ងរ! សប្តាហ៍មុនឆ្លងជាង ៦ម៉ឺនករណី និងស្លាប់ ៨នាក់ទៀត
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
-
ព័ត៌មានជាតិ៤ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៣ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ២ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៣ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម១ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៥ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច
-
ព័ត៌មានអន្ដរជាតិ២ ថ្ងៃ agoមិនដល់២៤ម៉ោងផង វៀតណាម ជួបរញ្ជួយដី ១៣លើកផ្ទួនៗ