ព័ត៌មានអន្ដរជាតិ
រុស្ស៊ី បង្កើនផលិតកម្មដ្រូនបាន៣ដងច្រើនជាងការរំពឹងទុក ព្រោះមានជំនួយពីចិន
ប្រទេសរុស្ស៊ីអះអាងថា ខ្លួនបានបង្កើនការផលិតដ្រូនច្រើនជាងមុនបីដង ដោយមានជំនួយបច្ចេកវិជ្ជា និងសមាសធាតុរបស់ចិន ដែលធ្វើឲ្យក្រុងមូស្គូអាចចាប់ផ្តើមការវាយប្រហារដោយដ្រូនទ្រង់ទ្រាយធំលើអ៊ុយក្រែន កាលពីពេលថ្មីៗនេះ។ នេះបើយោងតាមការចុះផ្សាយរបស់សារព័ត៌មាន Kyiv Post កាលពីថ្ងៃទី៩ខែកក្កដាឆ្នាំ២០២៥។
នាយករដ្ឋមន្ត្រីរុស្ស៊ីលោក Mikhail Mishustin បាននិយាយថា «វិស័យអាទិភាពភាគច្រើននៃការអភិវឌ្ឍឧស្សាហកម្មត្រូវបានបញ្ចូលទៅក្នុងគម្រោងជាតិថ្មី ដើម្បីធានាបាននូវភាពជាអ្នកដឹកនាំផ្នែកបច្ចេកវិទ្យា។ មួយក្នុងចំណោមនោះគឺ ដ្រូន»។ លោកបានអះអាងថា រុស្ស៊ីបានផលិតដ្រូនចំនួនបីដងច្រើនជាងការគ្រោងទុក ដោយសារការគាំទ្រផ្នែកហិរញ្ញវត្ថុដ៏ធំរបស់រដ្ឋសម្រាប់អាជីវកម្មក្នុងវិស័យនេះ រួមទាំងក្រុមហ៊ុនស៊ីវិលផងដែរ។
យោងតាមមន្ត្រីការពារជាតិរុស្ស៊ី ពេលនេះរោងចក្រក្នុងស្រុកកំពុងផលិតដ្រូនវាយប្រហារចម្ងាយឆ្ងាយជាង ៣០ ០០០គ្រឿងក្នុងមួយឆ្នាំ ពោលគឺកើនឡើងពី ១៥ ០០០គ្រឿងក្នុងឆ្នាំ២០២៤។ ចំណែកឯចារកម្មយោធាអ៊ុយក្រែនប៉ាន់ស្មានថា រុស្ស៊ីមានគោលបំណងផលិតដ្រូន FPV (First-Person View) តូចៗរហូតដល់ ២លានគ្រឿងនៅចុងឆ្នាំនេះ។ ផលិតកម្មរុស្ស៊ីត្រូវបានគេនិយាយថានឹងឈានដល់ការផលិតដ្រូនបាន ៣០០គ្រឿងក្នុងមួយថ្ងៃ ជាមួយនឹងគោលដៅកំណត់ឲ្យបានដល់ ៥០០គ្រឿងក្នុងមួយថ្ងៃ។ ចំណែកឯសមត្ថភាពផលិតកម្មដ្រូនរបស់អ៊ុយក្រែន គឺត្រឹម ១០០គ្រឿងប៉ុណ្ណោះក្នុងមួយថ្ងៃ។
ក្រុមហ៊ុនចិន ត្រូវបានគេជឿថាកំពុងផ្គត់ផ្គង់គ្រឿងបន្លាស់ដ្រូនសំខាន់ៗ ដូចជា ប្រព័ន្ធរុករក ម៉ាស៊ីន មីក្រូឈីប និងអុបទិក ភាគច្រើនតាមរយៈបណ្តាញក្រៅផ្លូវការ ដើម្បីជៀសវាងការដាក់ទណ្ឌកម្មរបស់លោកខាងលិច។ មន្ត្រីអ៊ុយក្រែនប៉ាន់ប្រមាណថា រហូតដល់ ៨០% នៃគ្រឿងអេឡិចត្រូនិកដែលប្រើក្នុងដ្រូនរបស់រុស្ស៊ី មានប្រភពមកពីប្រទេសចិន។
Frontelligence Insight ដែលជាក្រុមវិភាគចារកម្មក្នុងប្រទេសអ៊ុយក្រែន ចេញរបាយការណ៍ថា រុស្ស៊ីបានប្រើប្រាស់ដ្រូនអត្តឃាតសរុបចំនួន ២៨ ៧៤៣គ្រឿង ចាប់តាំងពីសង្គ្រាមផ្ទុះឡើងកាលពីឆ្នាំ២០២២ ហើយក្នុងនោះនៅខែមិថុនាឆ្នាំ២០២៥ រុស្ស៊ីប្រើដ្រូនច្រើនបំផុតដល់ទៅ ២ ៧៦៣គ្រឿងឯណោះ ស្មើនឹង 10% នៃចំនួនដ្រូនសរុប៕
ដោយ៖ ឈាង
វិវាទនៅរោងចក្រ ឡឺក្រោន ស៊ូ ត្រូវបានដោះស្រាយបញ្ចប់ដោយគ្រប់ភាគីសប្បាយចិត្ត និងស្រុះស្រួលគ្នា
សេវាកម្មម៉ាស្សាថោកនៅថៃ កំពុងរងការវាយប្រហារអំពីកង្វះអនាម័យនិងប្រភពឆ្លងរោគ
លោកឃួង ស្រេង ៖ ការបម្រើសេវាសាធារណៈជូនពលរដ្ឋ លោកមិនចង់ឭថា ធ្វើឯកសារ ខុសនេះខុសនោះធ្វើមិនចេះត្រូវ
វិទ្យាស្ថានគរុកោសល្យបាត់ដំបង ចុះ MoU ជាមួយវិទ្យាល័យចំនួន ៣ ពង្រឹងសមត្ថភាពគ្រូបង្រៀន
ទឹកជំនន់ធ្ងន់ធ្ងរកំពុងវាយប្រហារខេត្តភាគខាងជើងប្រទេសថៃ
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
ក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ
ទីបំផុតដឹងមូលហេតុធ្លាក់យន្តហោះ Air india ដែលសម្លាប់មនុស្ស ២៦០នាក់ហើយ
នាយករដ្ឋមន្រ្តី ណែនាំឱ្យទូងស្គរ ទះប៉ោត ដើម្បីអបអរទីតាំងចំនួន៣របស់កម្ពុជាត្រូវបានចុះបញ្ជីបេតិកភណ្ឌពិភពលោក
គម្រោងផ្លូវបេតុងប្រវែង ១៥០០ម៉ែត្រ សមិទ្ធផលប្រវត្តិសាស្ត្រថ្មីលេីដីកោះរងាវតាមដងទន្លេមេគង្គលើក្នុងខេត្តក្រចេះ
-
ព័ត៌មានអន្ដរជាតិ២១ ម៉ោង agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៣ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ៤ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ២ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច៤ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
-
ព័ត៌មានអន្ដរជាតិ២២ ម៉ោង agoក្រោយអាម៉ាស់! ថៃ ថា បញ្ហាប្រាសាទដែលចម្លងតាមអង្គរវត្ត គួរដោះស្រាយទ្វេភាគី ផ្អែកលើស្មារតីជាអ្នកជិតខាងល្អ