ព័ត៌មានជាតិ
រដ្ឋបាលខណ្ឌឫស្សីកែវ បើកការដ្ឋានស្ថាបនាគម្រោងមូលនិធិអភិវឌ្ឍន៍ខណ្ឌ-សង្កាត់ ឆ្នាំ ២០២៥
កាលពីព្រឹកថ្ងៃទី ១១ ខែសីហា ឆ្នាំ ២០២៥ នៅមូលដ្ឋានសង្កាត់ឫស្សីកែវ រដ្ឋបាលខណ្ឌឫស្សីកែវ បានបើកការដ្ឋានស្ថាបនាគម្រោងមូលនិធិអភិវឌ្ឍន៍ខណ្ឌ និងសង្កាត់ ឆ្នាំ ២០២៥ ក្រោមអធិបតីភាព លោក ជិន ប៊ុនធឿន អភិបាលខណ្ឌឫស្សីកែវ។
ពិធីបើកការដ្ឋាននេះមានការចូលរួមពី លោក-លោកស្រី ប្រធាន និងអនុប្រធានការិយាល័យផែនការ និងហិរញ្ញវត្ថុរដ្ឋបាលខណ្ឌ លោក-លោកស្រី ចៅសង្កាត់ និងចៅសង្កាត់រង ក្រុមប្រឹក្សាសង្កាត់ ស្មៀន មេភូមិ តំណាងក្រុមហ៊ុនម៉ៅការ ព្រមទាំងប្រជាពលរដ្ឋ សរុបប្រមាណ ១២០ នាក់។
លោកអភិបាលខណ្ឌឫស្សីកែវ បានឱ្យដឹងថា គម្រោងប្រើប្រាស់មូលនិធិអភិវឌ្ឍន៍ខណ្ឌ ឆ្នាំ ២០២៥ ៖ ១.ជួសជុល និងដាក់ប្រព័ន្ធលូ ផ្លូវលេខ ៩៣ (អតីតផ្លូវរថភ្លើង) ខាងកើត ទំហំមុខកាត់ ០.៨០ ម៉ែត្រ ប្រវែង ៨៤០ ម៉ែត្រ ចាប់ពីកែងផ្លូវសាលាយោធា ដល់ផ្លូវមុខផ្ទះលក់មាស ហោ ស៊ីងជីង ក្នុងភូមិបឹងសាឡាង និងភូមិសាមគ្គី សង្កាត់ឫស្សីកែវ។ ២.ស្ថាបនាប្រព័ន្ធលូ ទំហំមុខកាត់ ០.៨០ ម៉ែត្រ សរុបប្រវែង ១,៣៩២ ម៉ែត្រ រួមមាន ៖ ក្រុមទី ១ និងក្រុមទី ២ ប្រវែង ៦២៥ ម៉ែត្រ និង ក្រុមទី ៦ និងក្រុមទី ៧ ប្រវែង ៧៦៧ ម៉ែត្រ ក្នុងភូមិឃ្លាំងសាំង។
គម្រោងប្រើប្រាស់មូលនិធិអភិវឌ្ឍន៍សង្កាត់ ឆ្នាំ ២០២៥ (ថវិកាសរុប ៣៩២,៦២២,០០០ រៀល) ៖ ១.ជួសជុលផ្លូវចាក់បេតុង គ្មានសរសៃដែក ប្រវែង ៦១៤ ម៉ែត្រ ទទឹង ២,៨៥ ម៉ែត្រ ស្ថិតនៅភូមិមិត្តភាព ចំណាយថវិកា ៩០,៨៧២,០០០ រៀល។ ២.ជួសជុលផ្លូវបេតុងអាមេ ប្រវែង ៨៥០ ម៉ែត្រ ទទឹង ៥,៩២ ម៉ែត្រ កម្រាស់ ០,១៥ ម៉ែត្រ ស្ថិតនៅភូមិមិត្តភាព ភូមិបឹងសាឡាង និងភូមិឃ្លាំងសាំង ចំណាយថវិកា ៣០១,៧៥០,០០០ រៀល។
សូមបញ្ជាក់ថា ពិធីនេះគឺជាផ្នែកមួយ នៃការអនុវត្តយុទ្ធសាស្ត្រអភិវឌ្ឍន៍ទីក្រុង និងសង្កាត់-ខណ្ឌ ដោយស្របតាមការណែនាំ និងការយកចិត្តទុកដាក់យ៉ាងជិតស្និទ្ធពី លោកអភិបាលរាជធានីភ្នំពេញ។ ការអនុវត្តគម្រោងនានាមានគោលបំណងសំខាន់ក្នុងការកែលម្អហេដ្ឋារចនាសម្ព័ន្ធ សម្រួលដល់ជីវភាពរស់នៅប្រចាំថ្ងៃ និងបង្កើនភាពងាយស្រួលសម្រាប់ប្រជាពលរដ្ឋក្នុងការប្រកបអាជីវកម្ម៕
អត្ថបទ ៖ សំណាង
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ