ព័ត៌មានអន្ដរជាតិ

សមាគមធនាគារថៃព្រមានពីហានិភ័យសេដ្ឋកិច្ចក្រៅប្រព័ន្ធ ចំពេលបំណុលគ្រួសារកើនឡើង

បានផុស

៩ ខែ មុន

នៅ

ថ្ងៃព្រហស្បតិ៍ ២៥ កញ្ញា ២០២៥

ដោយ

សមាគមធនាគារថៃ (TBA) បានព្រមានកាលពីដើមសប្ដាហ៍នេះថា សេដ្ឋកិច្ចក្រៅប្រព័ន្ធដ៏ធំរបស់ប្រទេសថៃ ដែលរួមមានអាជីវកម្មមិនចុះបញ្ជី កម្មករធ្វើការដោយខ្លួនឯង និងប្រតិបត្តិការសាច់ប្រាក់ក្រៅការត្រួតពិនិត្យរបស់រដ្ឋ រួមចំណែកជិត ៤៨ ភាគរយ នៃផលិតផលក្នុងស្រុកសរុប (GDP) ហើយកំពុងក្លាយជាស្នូលនៃកំណើនហានិភ័យរចនាសម្ព័ន្ធសេដ្ឋកិច្ច។ នេះបើតាមការចុះផ្សាយរបស់សារព័ត៌មាន Thai Enquirer។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានបែបនេះ ធ្វើឡើងកាលពីថ្ងៃចន្ទ នៅពេលសមាគមចូលប្រជុំជាមួយក្រុមការងារសេដ្ឋកិច្ច ដែលដឹកនាំដោយលោកនាយករដ្ឋមន្រ្តី អានុទីន ឆានវីរ៉ាកុល (Anutin Charnvirakul) ដែលកាលនោះ លោក អានុទីន បានស្នើឱ្យធនាគារថៃបន្ធូរបន្ថយការរឹតត្បឹតលើការផ្ដល់ប្រាក់កម្ចីទៅសហគ្រាសធុនតូច និងមធ្យមថៃ (SMEs)។

TBA បានព្រមានបន្តថា វិសមភាពខ្ពស់នៃប្រាក់ចំណូល បំណុលគ្រួសារទាំងក្នុង និងក្រៅផ្លូវការលើស ១០០ ភាគរយ ធៀបនឹង GDP ការឡើងថ្លៃប្រាក់បាត ការចុះខ្សោយនៃការប្រកួតប្រជែងរបស់ទំនិញថៃ និងបញ្ហាប្រឈមផ្នែកបទប្បញ្ញត្តិ កាន់តែគំរាមកំហែងដល់ស្ថិរភាពសេដ្ឋកិច្ចរបស់ប្រទេសថៃ។

យោងតាមធនាគារកណ្ដាលថៃ បំណុលគ្រួសារថៃគិតត្រឹមត្រីមាសទី១ ឆ្នាំនេះ មានប្រមាណ ១៦,៣៥ ទ្រីលានបាត ឬ ៨៧,៤ ភាគរយ ធៀបនឹង GDP ប៉ុន្តែបូករួមទាំងបំណុលក្រៅផ្លូវការទៀត តួលេខនេះឡើងដល់រហូតដល់ ១០៤ ភាគរយ ធៀបនឹង GDP។ ជាមួយគ្នានោះ ប្រាក់កម្ចីមិនដំណើរការ (NPLs) ក្នុងរយៈពេល ៩០ ថ្ងៃ មានចំនួនសរុប ១,១៩ ទ្រីលានបាត ឬ ៨,៧៨ ភាគរយ នៃប្រាក់កម្ចីសរុប។

អនុរដ្ឋមន្ត្រីក្រសួងហិរញ្ញវត្ថុ លោក Vorapak Tanyawong ដែលបានចូលរួមកិច្ចប្រជុំផងដែរនោះ បាននិយាយថា លោក អានុទីន បានឮពីការព្រមានរបស់ TBA ខណៈកិច្ចប្រជុំបានផ្តោតលើការវាយតម្លៃរបស់សមាគមលើសេដ្ឋកិច្ច និងអនុសាសន៍សម្រាប់ដំណោះស្រាយសេដ្ឋកិច្ច។

លើសពីនោះ TBA បានគូសបញ្ជាក់ពីហានិភ័យបន្ថែម៖ ការប្រកួតប្រជែងរបស់ថៃកំពុងធ្លាក់ចុះ ដោយ GDP ឯណោះវិញ នឹងកើនឡើងប្រចាំឆ្នាំត្រឹមអត្រា ២,១ ភាគរយ ក្នុងរយៈពេល ៥ ឆ្នាំខាងមុខ ដែលជាកម្រិតទាបបំផុតនៅក្នុងអាស៊ាន។

លំហូរចូលនៃការវិនិយោគផ្ទាល់ពីបរទេស (FDI) នៅតែមានកម្រិត ហើយមូលធនរបស់ថៃហូរទៅបរទេសកាន់តែខ្លាំង។ ច្បាប់ និងបទប្បញ្ញត្តិជាង ១០០ ០០០ បានបង្កើតការចំណាយកាន់តែខ្ពស់សម្រាប់អាជីវកម្ម ខណៈកម្សោយនៃទិន្នន័យរដ្ឋាភិបាល និងកំណើនបំណុលសាធារណៈ បង្កភាពស្មុគស្មាញដល់ការបង្កើតគោលនយោបាយ។ ទន្ទឹមនឹងនេះ ប្រាក់បាតនៅតែប្រែប្រួលដោយសារតែការជួញដូរមាស និងការជួញដូរលុយគ្រីបតូ៕

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា