វប្បធម៌ ជំនឿ

ក្នុងជីវិតគួរមានគ្រឿងអលង្ការទាំងនេះ ដើម្បីបង្កើនហុងស៊ុយនិងការពារពីភាពអវិជ្ជមានផ្សេងៗ

បានផុស

៥ years មុន

នៅ

ថ្ងៃអង្គារ ២៩ មិថុនា ២០២១

ដោយ

ដូចដឹងស្រាប់ហើយថា យើងអាចប្រើហុងស៊ុយលើរបស់ផ្សេងៗ ដើម្បីការពារផ្ទះ ការិយាល័យ និងដាក់លើតុធ្វើការជាដើម។ ប៉ុន្តែយើងក៏អាចប្រើហុងស៊ុយដើម្បីការពារខ្លួន ដោយការការពាក់ត្បូង មាស និងប្រាក់ពិតប្រាកដ អាចនាំមកនូវអត្ថប្រយោជន៍បន្ថែម នៃការពង្រឹងនិងទាក់ទាញថាមពលពីខាងក្រៅអាចការពារយើងពីភាពអវិជ្ជមាន។

ជាពិសេសគ្រឿង អលង្ការទាំងនោះនឹងបង្កើនទំនុកចិត្តនៃឥទ្ធិពលសម្រាប់ធ្វើការសម្រេចចិត្តឲ្យបានត្រឹមត្រូវ។

១ ចិញ្ចៀន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការពាក់ចិញ្ចៀននឹងផ្តល់នូវការសង្កត់ធ្ងន់ទៅលើគំនិតរបស់អ្នក ជួយបង្ហាញភាពវាងវៃនិងរហ័សការគិត។ នៅពេលអ្នកមានការសម្រេចចិត្តសំខាន់ៗត្រូវពាក់ចិញ្ចៀន។

ជាពិសេសសម្រាប់គូជិវិត នឹងជួយលើកកម្ពស់អាពាហ៍ពិពាហ៍ប្រកបដោយសុភមង្គលយូរអង្វែង ដោយការពាក់ចិញ្ចៀននៅលើម្រាមដៃខាងស្តាំនិងខាងឆ្វេង។

២ ខ្សែដៃ

ដូចជាចិញ្ចៀនដែរ ខ្សែដៃធ្វើឲ្យដៃសកម្ម ហើយនេះគឺជាផ្នែកនៃរាងកាយដែលទាក់ទងនឹងការសម្រេចចិត្ត។ ការពាក់ខ្សែដៃអាចជួយលើកកម្ពស់ការគិត និងការសម្រេចចិត្តបានល្អ។ ដៃតែងតែជាចំណុចដែលត្រូវទទួលរបស់របរ មិនថាជាអំណោយឬទទួលលុយឡើយ។ ការពាក់ខ្សែដៃស្អាតៗ នឹងបង្កើនលំហូរប្រាក់ ចំណែកការសម្រេចចិត្តផ្សេងៗធានាថានឹងទៅដោយរលូន។

៣ ក្រវិល

ដោយសារតែក្រវិលត្រូវបានពាក់នៅលើត្រចៀក ជានិមិត្តរូបនៃអាជីព ប្រាក់ចំណូល និងអាជីវកម្ម ហើយវាបានក្លាយជានិមិត្តរូបនៃឱកាស។ ការតុបតែងត្រចៀកដោយក្រវិល គឺជាវិធីដ៏អស្ចារ្យដើម្បីបន្ថែមការសង្កត់ធ្ងន់លើការបើកមធ្យោបាយថ្មីៗ ក្នុងអាជីវកម្ម និងអាជីព រួមទាំងជះឥទ្ធិពលដល់ប្រាក់ចំណូលរបស់អ្នក។ មិនថាជាគុជ មាស ប្រាក់ ឬពេជ្រ សុទ្ធតែជួយទាញផ្នែកហិរញ្ញវត្ថុនិងប្រាក់ចំណេញក្នុងជំនួញឲ្យឈានឡើងមួយកម្រិតទៀត។

៤ ខ្សែ ក

ខ្សែ ក នៅជុំវិញ ក នឹងបន្ថែមការសង្កត់ធ្ងន់ទៅលើអ្វីដែលអ្នកនិយាយថា វាពិតជាសំខាន់ ហើយអ្នកស្ដាប់នឹងគិតថាអ្នកនិយាយមកគឺសុទ្ធតែមានហេតុផលគួរកត់សម្គាល់។ ខ្សែ ក គឺដូចជាស៊ុមដ៏ស្រស់ស្អាតនៅជុំវិញផ្ទាំងគំនូរមួយ ខណៈពេលដែលវានឹងបំពេញបន្ថែមសម្រាប់អ្នកដែលយកវាមកលម្អខ្លួនប្រាណ។

នៅពេលអ្នកឃើញថាខ្លួនឯងគ្មានទំនុកចិត្ត និយាយមកគ្មានអ្នកស្ដាប់ ឬមិនយកចិត្តទុកដាក់ ចូរពាក់ខ្សែកដើម្បីទាក់ទាញការយកចិត្តទុកដាក់ និងការទទួលស្គាល់ជាវិជ្ជមានពីមនុស្សជុំវិញខ្លួន៕

ប្រែសម្រួល៖ សាង ស្រីល័ក្ខ

ប្រភព៖redlotusletter

ចុចអាន៖ត្បូង៧ប្រភេទនេះ គួរមានជាប់ខ្លួនក្នុងឆាកជីវិត

ចុចអាន៖ត្បូងគ្រីស្តាល់មួយប្រភេទនេះ ជួយបំបាត់ភាពតានតឹង និងផ្ដល់ជំនឿក្លាហានដល់បុរសនិងស្ត្រីលែងភ័យខ្លាចការទំនាក់ទំនង