វប្បធម៌ ជំនឿ

សុបិនឃើញស្រះទឹក បកស្រាយពីការងារបច្ចុប្បន្ន មានល្អនិងអាក្រក់មកជាមួយគ្នា

បានផុស

២ years មុន

នៅ

ថ្ងៃអង្គារ ២៨ កញ្ញា ២០២១

ដោយ

Blue Sky

កាលបើសុបិនឃើញស្រះទឹក ដែលបោះបង់ចោល ឬធ្លាក់ចូលក្នុងស្រះនោះដោយចៃដន្យ តើវាមានន័យយ៉ាងដូចម្ដេច ទាក់ទងទៅនឹងជំនឿពីដូនតាមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញស្រះទឹកបានន័យថា ការងារនៅក្នុងរយៈពេលនេះ ឬអ្វីដែលត្រូវសង្ឃឹម ប្រហែលជាមិនសូវទទួលបាននូវជោគជ័យឡើយ។ ប៉ុន្តែនៅក្នុងលក្ខខណ្ឌនៃការរស់នៅ ទាំងអាហារហូបចុក និងលុយកាក មានសមល្មមមិនខ្វះនោះទេ។

សុបិនឃើញជីកស្រះមានន័យថា ក្នុងអំឡុងពេលនេះ ភារកិច្ចការងារស្ថិតក្នុងស្ថានភាពល្អប្រសើរ។ វាអាចមានរហូតដល់ការដំឡើងឋានៈ និងប្រាក់ខែ។

សុបិនឃើញស្រះដែលគេបោះបង់ចោលបានន័យថា ក្នុងអំឡុងពេលនេះ អាជីវកម្មរបស់អ្នកអាចមានបញ្ហា។ អ្នកត្រូវតែរឹងមាំ ដើម្បីកែប្រែបញ្ហានេះ ប្រសិនបើទន់ជ្រាយយើងនឹងដួលទៅតាមទំនោរនៃបញ្ហានោះដែរ។ មានសត្រូវប៉ងចង់ផ្ជាញ់យើង ដូច្នេះរឹងមាំនឹងបញ្ហានេះឲ្យបាន ទើបមើលឃើញទ្វារសុភមង្គល។

សុបិនឃើញស្រះទឹកជ្រៅខ្លាំងបានន័យថា អ្នកអាចមានសំណាងតិចតួចនៅក្នុងរយៈពេលនេះ អាចថាមានលុយចាយដោយមិនចាំបាច់ប្រឹង តែក៏មិនមែនឲ្យអ្នកខ្ជិលដែរ។ បានន័យថា អ្នកមានរឿងល្អនិងអាក្រក់មករួមគ្នា ដូច្នេះត្រូវចេះច្នៃបញ្ហាមកជាឱកាស។

សុបិនធ្លាក់ចូលក្នុងស្រះទឹកបានន័យថា អ្វីដែលអ្នកសម្រេចចិត្ត ឬធ្វើសកម្មភាពនៅថ្ងៃនេះ អាចបណ្ដាលឲ្យអ្នកមានបញ្ហានៅពេលអនាគត។ ប៉ុន្តែប្រសិនបើអ្នកមានទំនុកចិត្តលើអ្វីដែលអ្នកបានធ្វើ គ្មានអ្វីត្រូវខ្លាចឡើយ។ ដាក់ទុន ដាក់ចិត្តហើយលះបង់ អ្នកនឹងទទួលបានផល បើទោះបានតិចឬច្រើន តែយ៉ាងណាអ្នកបានធ្វើវាអស់ពីចិត្តរួចទៅហើយ។

សុបិនឃើញស្រះទឹកសិប្បនិម្មិតក្នុងអំឡុងពេលនេះ អ្នកត្រូវប្រយ័ត្នរាល់ពាក្យសំដីធំតូច ដែលត្រូវប្រើជាមួយគ្រួសារ។ បើមិនចេះអត់អោនឲ្យគ្នាទេ ជម្លោះឬមានការតឹងសសៃកដាក់គ្នា អាចនឹងកើតឡើងក្នុងរង្វង់គ្រួសារមិនខាន៕

ប្រែសម្រួល៖ សាង ស្រីល័ក្ខ

ចុចអាន៖យល់សប្ដិឃើញតុកកែ អត្ថន័យល្អនិងអាក្រក់បកស្រាយរួមគ្នាខាងក្រោមនេះទាំងអស់

ចុចអាន៖បកស្រាយអត្ថន័យយល់សប្ដិឃើញសត្វឃ្មុំ ជាប្រផ្នូលឬលាភសក្ការៈ

ចុចអាន៖យល់សប្ដិឃើញរថយន្ត បញ្ជាក់ពីសំណាងជោគលាភ និងប្រផ្នូលឲ្យដល់ជីវិត