យល់សប្តិឃើញផាវ និងកាំជ្រួច លុយកាក់ចូលឥតព្រាងទុក
Connect with us
Helistar Cambodia - Helicopter Charter Services

ជំនឿ

យល់សប្តិឃើញផាវ និងកាំជ្រួច លុយកាក់ចូលឥតព្រាងទុក

បានផុស

នៅ

កាំជ្រួចនិងផាវ គឺជានិមិត្តរូបនៃការអបអរសាទរសម្រាប់ព័ត៌មានមហាល្អ ដែលមិនបានរំពឹងទុក ភាគច្រើន​ជាលុយកាក់ និងទ្រព្យសម្បត្តិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកយល់សប្តិ ឃើញកាំជ្រួចភ្លឺនៅក្នុងក្តីសុបិន្តវាមានន័យថា ឆាប់ៗនឹងមានភាពប្រណីតកើតមានក្នុងជីវិត​រស់នៅ និងសូម្បីតែភាពសសំបូរបែប បំណងប្រាថ្នានានាក្លាយជាការពិត។

ប្រសិនបើសុបិនថាខ្លួនមានវត្តមាន​នៅឯពិធីបុណ្យឬកម្មវិធីសាធារណៈ ហើយរីករាយនឹងការបាញ់កាំជ្រួច ជាប្រផ្នូលថា នាពេលអនាគតឆាប់ៗ នឹងទទួលបាននូវរយៈពេលដ៏រីករាយដែលនឹងមានស្ថិរភាព​សុភមង្គល។

ប្រសិនបើការបាញ់កាំជ្រួចក្នុងក្តីសុបិននោះអ្នកឃើញខ្លួនឯងមានអារម្មណ៍មិនល្អ មិនសប្បាយចិត្ត​ភិតភ័យ តំណាងថានៅក្នុងជីវិតពិត អំណរនិងជោគជ័យ បន្តិច​ទៀតអាចត្រូវបានជំនួសវិញដោយភាពសោកសៅ។

ប្រសិនបើឃើញយើងខ្លួនឯងបោះកាំជ្រួចនៃកាំជ្រួចនៅក្នុងសុបិន ជីវិតពិត​គួរតែប្រុងប្រយ័ត្នក្នុងការជួបស្និទ្ធិជាមួយមនុស្សថ្មីណាម្នាក់ កុំទុកចិត្តមនុស្សដែលមិនស្គាល់ ព្រោះក្តីសុបិនបោះកាំជ្រួច បាន​បង្ហាញប្រាប់ ពីការក្លែងបន្លំ ទ្រុស្តដែលអាចកើតមាន ពិសេសប្រសិនបើអ្នកកំពុងធ្វើសកម្មភាពអាជីវកម្ម ឬធ្វើការក្នុងតំណែងជាអ្នកគ្រប់គ្រង។

ការបាញ់កាំជ្រួចខ្ទរខ្ទារ ហួសហេតុ ក៏អាចមានន័យថា មានការភ្ញាក់ផ្អើល ច្របូកច្របល់ ឬកំហឹងដែលប្រឆាំងនឹងអ្នកដែរ។ ដូច្នេះគួរតែប្រយ័ត្ននឹងសំដីផ្ទាល់ខ្លួន ហើយបន្ថយការ​ជជែកវែកញែកជាមួយមនុស្សម្នាផ្សេងទៀតសិន។

ប្រសិនបើអ្នកឃើញកាំជ្រួចស្អាត ភ្លឺ នៅក្នុងក្តីសុបិន ប៉ុន្តែនៅក្នុងជីវិតពិតកំពុង​ចាប់ផ្តើមអាជីវកម្ម ក្តីសុបិនចង់ប្រផ្នូលប្រាប់ថា នឹង​ជោគជ័យ។

ក្តីសុបិនអំពីកាំជ្រួចផងដែរបើយោងតាមទំនៀមចិនអាចមានន័យថា បំណងប្រាថ្នារបស់ស្ត្រីក្នុងការមានកូនបានសម្រេចជានិមិត្តរូបនៃសេចក្តីអំណរពីដំណឹងនៃការមានផ្ទៃពោះ។

ប្រសិនបើកាំជ្រួចត្រូវបានបាញ់ចេញ​ដោយយើង​ខ្លួនឯង មានន័យថានឹងមាន​ការ​ធ្វើដំណើរឆ្ងាយ សប្បាយចិត្ត​។ សម្រាប់យុវនារី ក្តីសុបិន បែបនេះគឺជាសញ្ញានៃឱកាស​ក្រេបទឹកឃ្មុំ(រៀបការ)។ វាតំណាង​ឱ្យភាពសប្បាយរីករាយនឹងជីវិត។

ផាវ

ប្រសិនបើសុបិន​ឃើញរ៉ុកកែតហោះ ឬផាវផ្ទុះ ជានិមិត្តសញ្ញាថា អ្នកនឹងត្រូវបានគេជូនដំណឹងភ្លាមៗអំពីព័ត៌មាន​រីករាយ។
ការឃើញផាវជាខ្សែៗ ឬផាវបង្កប់ តំណាងឱ្យការអបអរសាទរនិងភាពស្រស់ស្អាតនៃជីវិត​ដែលកំពុងចាកចេញពីភាពងងឹត ឧបទ្រព។ ប្រសិនបើអ្នកដុតផាវនៅក្នុងក្តីសុបិន ជាការចង្អុលបង្ហាញថាឆាប់ៗនេះជីវិតនឹងផ្លាស់ប្តូរថ្មីកាន់តែ​វិជ្ជមាន។ ប្រសិនបើឃើញផាវគ្រាប់មូលៗ ការផ្លាស់ប្តូរវិជ្ជមាននឹងកើតឡើងនៅខាងក្រៅជីវិតយើង​ ប៉ុន្តែនឹងមានឥទ្ធិពលរីករាលដាលដែលនឹងផ្តល់អត្ថប្រយោជន៍ដល់យើង។

សម្រាប់មនុស្សដែលមិនទាន់រៀបការ សុបិនពីផាវ មានន័យថាអ្នកសុបិននឹងឈ្នះបេះដូងរបស់នរណាម្នាក់ ហើយរីករាយនឹងស្នេហាដ៏ផ្អែមល្ហែម។ សម្រាប់មនុស្សដែលរៀបការរួច ឃើញផាវក្នុងសុបិន ជាធម្មតាបង្ហាញពីភាពសុខដុមនិងសុភមង្គលគ្រួសារហើយ​ ក្តីសុបិន្តនេះក៏អាចបញ្ជាក់ថានឹងត្រូវបានឡើងឋានៈដែរ។

សុបិន្តនៃការរៀបចំផាវ គឺជាប្រផ្នូលល្អដែលបង្ហាញថាអ្នកសុបិននឹងមានសំណាងល្អឆាប់ៗនេះ៕

គ្រូ ឯម

ចុចអាន៖ បើគេងសុបិនឃើញព្រះពុទ្ធ គ្មានអ្វីសង្ស័យទេ

ចុចអាន៖ ពូកែញាំមី ដែលយល់សុបិនឃើញមីដែរអត់? មីក្នុងសុបិនជានិមិត្តរូបនៃភាពជាប់លាប់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៥ នាទី មុន

លោក ជិន ម៉ាលីន និងមន្ត្រី ២រូបទៀត បានការពារនិក្ខេបបទបញ្ចប់ថ្នាក់បណ្ឌិតដោយជោគជ័យ ពីសាកល វិទ្យាល័យ នាទីក្រុងឆុងឈីង

ព័ត៌មានជាតិ៥៣ នាទី មុន

អភិបាល​រាជធានី​ភ្នំពេញ ប្រកាស​គាំទ្រ​យ៉ាង​ពេញទំហឹង​ចំពោះ​ប្រសាសន៍​របស់​សម្តេច​តេ​ជោ ហ៊ុន សែន ប្រកាស​គាំទ្រ ឯកឧត្តម ហ៊ុន ម៉ា​ណែ​ត ជា​បេក្ខភាព​នាយករដ្ឋមន្ត្រី នា​ពេល​អនាគត​

ព័ត៌មានជាតិ១ ម៉ោង មុន

ព្រះសព សម្ដេចក្រុម​ព្រះ នឹងត្រូវតម្កល់ធ្វើបុណ្យរយៈពេល ៣ថ្ងៃ មុនពេលប្រារព្ធពិធីបូជាថ្វាយព្រះភ្លើង

ព័ត៌មានជាតិ២ ម៉ោង មុន

រាជរដ្ឋាភិបាល នៃ​ព្រះរាជាណាចក្រ​កម្ពុជា​ បានសម្រេច​បង្កើត កម្មការ​រៀបចំ​ព្រះ​ពិធីបុណ្យ​ព្រះ​សព សម្តេច​ក្រុមព្រះ នរោត្តម រណ​ឫ​ទ្ធិ

ព័ត៌មានជាតិ២ ម៉ោង មុន

ក្រសួង​អប់រំ​នឹង​ដាក់​ពង្រាយ​អប្បមាទ​ជាង​២​ពាន់​នាក់ ​ត្រួតពិនិត្យ​ដំណើរការ​ប្រឡង​បាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services