ប្រធាននាយកដ្ឋាន​បេតិកភណ្ឌជាតិ​ផ្ដាំផ្ញើឱ្យអាជ្ញាធរ​មូលដ្ឋានជួយថែរក្សា​ប្រាសាទសក្ល​ឱ្យបានយូរអង្វែង

ប្រាសាទសក្ល ឬហៅថាប្រាសាទប្រុស ស្ថិតនៅក្នុងភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំង ត្រូវបានក្រសួងវប្បធម៌ជួសជុលរួចហើយ និងបានប្រគល់ឱ្យមន្ទីរវប្បធម៌ខេត្ត បន្តគ្រប់គ្រងថែរក្សាបន្តទៀតនៅថ្ងៃទី០៨ ខែកក្កដាឆ្នាំ២០២២នេះ។

លោក សុខ ធួក ប្រធានមន្ទីរវប្បធម៌និងវិចិត្រសិល្បៈខេត្តកំពង់ឆ្នាំងនៅល្ងាចថ្ងៃទី១០ ខែកក្កដានេះបានឱ្យដឹងថាប្រាសាទនេះ បានកសាងនៅចន្លោះសតវត្សទី៨ និងសតវត្សទី៩ ដែលកសាងឡើងតាមរចនាបថប្រាសាទកំពង់ព្រះ បើគិតពីអាយុ កាលប្រាសាទសក្ល មកដល់ពេល នេះមានអាយុកាលជាង១ពាន់ឆ្នាំហើយ។

ថ្មីៗកន្លងមកនេះដោយមើលឃើញពីសភាពប្រាសាទសក្ល នេះកាន់តែទ្រុឌទ្រោមទៅៗ លោកអ៊ុកសុខាអគ្គនាយកដ្ឋានបេតិកភណ្ឌជាតិ នៃក្រសួងវប្ប ធម៌បានធ្វើការជួស ជុលរយះពេលជិត ៣ ខែ នូវតួរប្រាសាទមួយចំនួនដែលមានសភាពទ្រុឌទ្រោមឲ្យមានសភាពរឹងមាំឡើងវិញ ដោយក្រែងមានការបាក់ស្រុតដោយប្រការណាមួយ ហើយបានប្រគល់ឱ្យមន្ទីរវប្បធម៌ខេត្តបន្តការថែទាំនិងគ្រប់គ្រងបន្តទៀត។

លោក សុខ ធួក ប្រធានមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំងបានបញ្ជាក់ទៀតថា បច្ចប្បន្មទីធ្លាប្រាសាទសក្លមានសភាពតូចចង្អៀត ដែលមិនអាចចតយានយន្តរបស់ភ្ញៀវទេ សចរណ៍បានច្រើនឡើយ។

ដូច្នេះក្នុងនាមលោកជាប្រធានមន្ទីរវប្បធម៌ និងវិចិត្រសិល្បៈខេត្ត ស្នើសុំអាជ្ញាធរមូលដ្ឋានជួយសម្របសម្រួលពង្រីកទីធ្លាប្រាសាទឲ្យបានធំទូ លាយសម្រាប់ទទួលភ្ញៀវទេសចរណ៍ដែលមកលេងកម្សាន្តអាចចតយានយន្តបាន។

ជាមួយគ្នានេះដែរលោក អ៊ុក សុខា ប្រធាននាយកដ្ឋានបេតិកភណ្ឌជាតិ ក៏បានផ្តាំផ្ញើរ ដល់មន្ទីរវប្បធម៌នឹងសិល្បៈខេត្ត និងអាជ្ញាធរមូលដ្ឋានរួមនិងប្រជាពលរដ្ឋត្រូវរួមគ្នាបន្តគ្រប់គ្រងថែរក្សាប្រាសាទសក្លដែលជាសម្បត្តិវប្បធម៌ជាតិយើង ឲ្យបានគង់វង្សសម្រាប់កូនចៅយើងជំនាន់ក្រោយ បានឃើញនិងបានស្គាល់អំពីពីស្នាដៃកសាងរបស់បុព្វបុរសខ្មែរយើងពីជំនាន់ដើម៕

អត្ថបទ៖ ឈៀងថារិទ្ធ