Connect with us

វប្បធម៌ ជំនឿ

ទម្លាយអត្តចរិតពិតរបស់មនុស្សកើតឆ្នាំ «រកា» ក្នុងធាតុទាំង ៥

បានផុស

នៅ

ឆ្នាំរកាជាមនុស្សឧស្សាហ៍ព្យាយាម សង្វាត​នឹងការងារ មានភាពស្មោះត្រង់ចំពោះខ្លួនឯង។ ប៉ុន្តែពួកគេក៏ជាមនុស្សមានចិត្តឆេវឆាវ និងនិយាយស្ដីរាងត្រង់ៗ ដែលអាចធ្វើឲ្យមនុស្សជុំវិញប្រកាន់ផងដែរ។ ត្បិតថាឆ្នាំរកា​និយាយត្រង់ តែគេមិនមែន​ជា​បុគ្គល​លាក់​ពុត​ត្បុត​ និង​បង្ក​គ្រោះថ្នាក់​ដល់​អ្នកដទៃ​ឡើយ។ ប្រសិនបើមានស្នេហា មាន់ច្រើន​តែ​ស្មោះ​ជាមួយ​ដៃគូ ​និង​លះបង់​ឲ្យ​ស្នេហា​ច្រើន​ជាង​ខ្លួនឯង។

ទោះយ៉ាងណា មិនមែនមនុស្សដែលកើតក្នុងឆ្នាំមាន់សុទ្ធតែមានអត្តចរិតដូចៗគ្នានោះទេ ខាងក្រោមនេះគឺជាអត្តចរិតពិតធាតុទាំង ៥ របស់មនុស្សកើតក្នុងឆ្នាំរកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ សត្វមាន់មាស មនុស្សកើតក្នុងឆ្នាំ ១៩២១, ១៩៨១)

មនុស្ស​ធាតុ​មាស ច្រើនជា​បុគ្គល​ដែល​អាច​បែងចែក​ត្រូវ​ខុសបានល្អ មាន​ផ្នត់គំនិត​ច្បាស់​លាស់ និង​មានអំណាច​ពិចារណា​ឯករាជ្យ​បំផុត​ក្នុងចំណោម​សញ្ញា​រាសីចក្រ​ទាំង​១២​។ ពួកគេ​មាន​ការ​តាំង​ចិត្ត និងក្លាហានហ៊ានប្រឈម​មុខ​នឹង​ការ​លំបាក​គ្រប់​បែប​យ៉ាង ហើយ​ពួកគេ​ទទួល​បាន​លាភ​សំណាង​យ៉ាង​ធំធេង ដោយសារ​តែ​ការតស៊ូ និងការប្រឹងប្រែងក្នុងជីវិត ដូចពាក្យ​បុរាណ​ចិន​ពោល​ថា “បើ​គ្មាន​ការ​តស៊ូ​ក៏​គ្មាន​ភាព​ជោគជ័យ”។

២​ សត្វមាន់ទឹក មនុស្សកើតក្នុងឆ្នាំ ១៩៣៣, ១៩៩៣

អ្នក​ដែល​កើត​ក្នុង​ឆ្នាំ​រកា មានធាតុទឹក ច្រើនជានុស្សនៅ​កណ្ដាល​និង​ស្រប​ជាមួយ​មនុស្ស​ជុំវិញ​ខ្លួន​ជានិច្ច។ ពួកគេ​ក៏​ជា​មនុស្សឆ្លាត និង​រហ័សរហួន​ដែលអាចស្វែងរក​ដំណោះស្រាយ​បាន​យ៉ាង​ឆាប់រហ័ស ចំពោះ​ការ​លំបាកដែល​ជួបប្រទះ។ទោះបី​ពេលខ្លះ​បុគ្គល​នេះ​មាន​មោទនភាព​ចំពោះ​ធម្មជាតិ​ក៏​ដោយ ក៏ពួកគេ​មិន​ផ្សព្វផ្សាយ​ស្នាដៃ​របស់ពួកគេ​នៅគ្រប់​ទីកន្លែង​ដែរ។ ពួក​គេ​មាន​ចិត្ត​ស្លូតបូត និង​មាន​ចិត្ត​អាណិត​អាសូរ ហើយ​តែងតែ​បណ្ដោយ​ខ្លួន​ឲ្យ​មាន​ស្នេហា និង​ប៉ះពាល់​ដល់​ជីវិត​មនុស្ស​ដែល​ខ្លួន​ស្រឡាញ់​ទៅ​វិញ។

៣​ សត្វ​មាន់​ឈើ មនុស្សកើតក្នុងឆ្នាំ ១៩៤៥, ២០០៥

ចំពោះ​បុគ្គល​ដែលកើតក្នុង​ធាតុឈើ​ ច្រើនតែ​មានគេ​ចូលចិត្តឬ​ត្រូវបាន​ហ៊ុមព័ទ្ធ​ដោយ​អ្នកដទៃ។ ពួកគេ​ពូកែ​លេងសើច​ដើម្បី​បន្ធូរ​អារម្មណ៍​តានតឹង ហើយ​យកចិត្តទុកដាក់​យ៉ាង​ខ្លាំង​ចំពោះ​គ្រួសារ​ជានិច្ច។ មាន់​ឈើ​ក៏​មាន​ភាពស្វាហាប់ និង​មាន​ទំនុកចិត្ត​ខ្លាំង ទោះជាយ៉ាងណាក៏ដោយ ពួកគេ​ក៏​មាន​អារម្មណ៍​ទន់ភ្លន់​ខ្លះដែរ ដើម្បី​ចង់​បាន​ការ​ស្រលាញ់​ពី​អ្នកដទៃ។​ មាន់​ឈើ​ក៏​មាន​សំណាង​ក្នុង​ការ​រក​លុយ តែ​បែរ​ជា​មិន​សូវ​ជា​ពូកែ​សន្សំ​ ឬ​មិន​ស្ថិតស្ថេរ​ទាំង​ការងារ និង​ហិរញ្ញវត្ថុ។ប្រសិន​បើ​ពួកគេ​រកលុយ​ដោយ​ប្រើ​យុទ្ធសាស្ត្រ​ដ៏​មាន​ប្រសិទ្ធភាព ត្រូវ​ចេះ​ទិញ​មាស ឬ​អចលន​វត្ថុ​មួយ​ចំនួន​ការពារ​ខ្លួន​ទប់ទល់​នឹង​គ្រាអាសន្ន​។

៤ សត្វមាន់​ភ្លើង មនុស្ស​ដែលកើតក្នុងឆ្នាំ ១៩៥៧, ២០១៧

មាន់​ភ្លើង​ច្រើន​​ឲ្យ​តម្លៃ​លើ​ភាព​ស្មោះត្រង់​ផ្ទាល់​ខ្លួន​ខ្លាំង តែងតែ​រក្សា​ពាក្យ​សម្ដី​របស់​ពួកគេ ហើយ​មាន​អារម្មណ៍​ខ្លាំង​ក្នុង​ការ​រក្សា​ពេលវេលា និង​ទំនួល​ខុស​ត្រូវ​ក្នុង​ការងារ។ បុគ្គល​នេះ​មានភាពអន្ទះអន្ទែងក្នុងជីវិត តែងតែមានអារម្មណ៍ថាមានអ្វីដែលបាត់ ប្រសិនបើពួកគេ​មិនធ្វើកិច្ចការនោះ។ ទាក់ទងនឹងអាជីពរបស់ពួកគេ ធាតុភ្លើង គឺជាសកម្មជន​ដែល​ផ្តោត​លើ​អាជីព ជាហេតុនាំ​ឲ្យ​ពួកគេងាយនឹងទទួលបានជោគជ័យ​ក្នុង​វ័យ​កណ្ដាល។ ពួកគេអាចជួបប្រទះការលំបាកជាច្រើនក្នុងការអភិវឌ្ឍទំនាក់ទំនងស្នេហា ជាពិសេសបុរស។ ពួកគេ​មិន​គួរ​បាក់​ទឹក​ចិត្ត​ក្នុង​ការ​ស្វែង​រក​សេចក្ដី​ស្រឡាញ់​របស់​ខ្លួន​ឡើយ ប៉ុន្តែ​គួរ​តែ​ត្រូវ​បាន​លើក​ទឹក​ចិត្ត​ឲ្យ​ទទួល​បាន​ជោគជ័យ ទោះ​បី​ជា​មាន​ការ​លំបាកនៅ​ខាង​មុខ​ក៏​ដោយ។

៥ មាន់ជល់​ផែនដី មនុស្ស​ដែល​កើត​ក្នុងឆ្នាំ ១៩០៩, ១៩៦៩

មនុស្សដែលកើតនៅក្នុងធាតុនៃភពផែនដី ជាសត្វមាន់ដែលមានភាពរស់រវើក និងចិត្តទូលាយជាមួយមនុស្សគ្រប់គ្នា។ ពួកគេចូលចិត្តធ្វើដំណើរទៅរកមិត្តថ្មីពីគ្រប់មជ្ឈដ្ឋាន ហើយថែមទាំងព្យាយាមឲ្យអស់ពីសមត្ថភាពដើម្បីកសាងកេរ្តិ៍ឈ្មោះក្នុងចំណោមមិត្តភ័ក្ដិ ដែលនាំឲ្យពួកគេទទួលបានការជឿទុកចិត្ត និងការគោរពខ្ពស់ពីអ្នកដទៃ។ ចំពោះអាជីពរបស់ពួកគេ ស្ថានភាពសំណាងជាបន្តបន្ទាប់ ហើយអាចទទួលបានភាពជោគជ័យយ៉ាងខ្លាំង ដោយមានជំនួយពីមហាសេដ្ឋី។ ទោះជាយ៉ាងណាក៏ដោយ មាន់ជល់គួរតែប្រុងប្រយ័ត្នក្នុងជីវិត ហើយមិនគួរមានត្រេកត្រអាល ឬរីករាយនៅពេលសម្រេចបានអ្វីមួយពេកទេ៕

គ្រូ ណុប

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «ច»

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «មមែ»

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ នាទី មុន

បុរសវ័យ៦៤ឆ្នាំ កាប់ប្រហារបុរសវ័យ៨២ឆ្នាំរបួសធ្ងន់ ដោយសារស្នេហាត្រីកោណ

ព័ត៌មានជាតិ១៣ នាទី មុន

ដើមឆ្នាំនេះ ភ្ញៀវអន្តរជាតិជាមធ្យមប្រមាណ ៣០០ នាក់ បានចេញ-ចូល ផ្សារបុរាណទួលទំពូង ក្នុងមួយថ្ងៃៗ

ព័ត៌មានជាតិ១៨ នាទី មុន

វរសេនីយ៍ត្រី ប្រាក់ សេងហុង លើកពីតម្លៃនៃការព្យាយាមតស៊ូ ក្រោយបញ្ចប់ថ្នាក់អនុបណ្ឌិតវិទ្យាសាស្ដ្រយោធានៅចិន

ព័ត៌មានជាតិ២៤ នាទី មុន

លោកស្រី ជា សិរី ៖ សេដ្ឋកិច្ចកម្ពុជា ឆ្នាំ ២០២៤ នឹងបន្តងើបឡើងជាមួយកម្រិតទាបនៃអតិផរណា

ព័ត៌មានជាតិ២៥ នាទី មុន

អគ្គស្នងការរង ជំរុញភ្នាក់ងារសន្តិសុខឯកជនបន្តចូលរួមជាមួយសមត្ថកិច្ចបង្ការទប់ស្កាត់បទល្មើសក្នុងសង្គម  

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម