អត្ថន័យនៃការឡកម៉ុងសាយ​ក្នុង​ពិធីបុណ្យ​ចូល​ឆ្នាំ​ចិន
Connect with us
Helistar Cambodia - Helicopter Charter Services

ជំនឿ

អត្ថន័យនៃការឡកម៉ុងសាយ​ក្នុង​ពិធីបុណ្យ​ចូល​ឆ្នាំ​ចិន

បានផុស

នៅ

ម៉ុង​សាយ ​ត្រូវ​បាន​សម្តែង​ឡើង​នៅ​ក្នុង​ពេល​បុណ្យ​ចូល​ឆ្នាំ​ចិន និង​ពិធី​បុណ្យ​ប្រពៃណី​របស់​ជនជាតិ​ចិន​មួយ​ចំនួន​។ ការ​រាំ​ឡក​ម៉ុងសាយ​ក៏ត្រូវបាន​ធ្វើ​ឡើង​សម្រាប់​ឱកាស​ពិសេស​ផ្សេងទៀតដូចជា ​ការ​បើក​សម្ពោធ​ហាង​ថ្មី ការ​ប្រារព្ធ​ពិធី​បុណ្យ​ពិសេស​ណា​មួយ​ក្នុង​ពិធី​មង្គលការ ឬ​​ទទួល​ភ្ញៀវ​កិត្តិយស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនចិន​ជឿ​ថា ការ​សម្ដែង​ម៉ុងសាយ អាច​បណ្តេញ​ភាព​ចម្រៃ​ឧបទ្រព​ កម្ចាត់​ភាវៈ​អាក្រក់ និងការបន្លាចពី​ព្រលឹង​បិសាច​ឲ្យ​ចេញ​ឆ្ងាយ និងនាំ​យក​នូវលាភ​សំណាង​ល្អដល់ក្រុមគ្រួសារ។

ម៉ុងសាយ​ជា​ក្រុម​របាំ​ប្រពៃណី​ចិន​រួម​សម្ដែង​ដោយ​សិល្បករ​ពាក់​ក្រណាត់​ច្នៃ​ជា​រូប​តោ ហក់​លោត​ធ្វើ​ត្រាប់​តាម​កាយវិការ​សត្វ​សាហាវ​ អម​ដោយ​អ្នក​វាយ​ស្គរ​លាន់​ទ្រហឹង​អឺង​អាប់​ឲ្យ​ស៊ី​ទៅ​នឹង​ចង្វាក់​នៃ​ការ​លោត​ផ្លោះ​របស់​តោ។

ការ​លោត​ម៉ុង​សាយ​នៅ​ក្នុង​ថ្ងៃ​ចូល​ឆ្នាំ​ចិន​ ​តែង​​មាន​​បុរស​មួយ​ក្រុម​​រូប​រាង​មាំ​មួន ​​ដើរ​លោត​ម៉ុង​សាយ​​​ដើម្បី​សុំ​លុយ​​បរិច្ចាគពី​អ្នក​ភូមិ​ (ស្រដៀងនឹងរបាំត្រុដិខ្មែរ ដែលក្រុមរបាំសុំបរិច្ចាគថវិកាតាមភូមិដូចគ្នា) ​ដោយ​ក្នុង​នោះ​​មាន​​បែង​ចែក​ជា​ ក្រុមលេងភ្លេងកំដរ​ ​ក្រុមពាក់​ក្បាល​តោ ​ស្លៀក​​ឈុត​តោ​ និង​មនុស្ស​ពាក់​មុខ​តាប៉ិ​ញញឹម​​កាន់ផ្លិត​។ បន្ទាប់​មក​ក៏​នាំ​គ្នា​​ដើរ​តាមដង​ផ្លូវ​នានា​​ក្នុង​ភូមិ​ស្រុក​​។ លុះ​អ្នក​ភូមិ​បាន​ឮ​សំឡេង​ស្គរ​ នឹង​​នាំ​គ្នា​ចេញ​មក​ដោយ​យក​ស្រោមសំបុត្រ​​អាំង​ប៉ាវ​​ ទៅ​​ចង​នៅ​លើ​បង្គោល​ឈើ​ខ្ពស់​ៗ​​ ដើម្បី​ឲ្យ​ក្រុម​អ្នក​លោត​ម៉ុង​សាយ​​ឡើង​ទៅយក​ ដែល​នេះ​ជា​ទំនៀម​ទម្លាប់​មួយ​​ដ៏​សែន​រីក​រាយសម្រាប់ប្រជាជានចិន។​

ការ​រាំ​ម៉ុង​សាយ​ ភាសាអង់គ្លេសហៅ “Lion Dance”  ​មិនមែនរបាំ​នាគក្នុងភាសាអង់គ្លេសថា Dragon Dance នោះទេ។ ​ម៉ុង​សាយ​ត្រូវ​ការ​មនុស្ស​តែ​ពីរ​នាក់​ទេ ​ផ្ទុយ​ពីរ​បាំ​នាគ​ដែល​គេ​ត្រូវ​ការ​មនុស្ស​ច្រើន។

ប្រវត្តិមួយ​ក្នុងចំណោមប្រវត្តិ ៤ នៃការកើតឡើងរបាំម៉ុងសាយ

កាលពី​ព្រេង​នាយ​មាន​រឿង​ដំណាល​ថា កាល​ពី​រាប់​រយ​ឆ្នាំ​មកហើយ មាន​ភូមិ​តូច​មួយ​ត្រូវ​គំរាម​កំហែង​នៅ​ថ្ងៃ​ចូល​ឆ្នាំ​ថ្មី ដោយ​ក្រុម​ចោរ​ព្រៃដែល​តែង​ខ្លួន​ជា​សត្វ​ព្រៃ​ចម្លែកៗ។ ក្រុម​ចោរ​បាន​បន្លាច​ប្រជាជន​ឲ្យ​រត់​ចេញពីផ្ទះ និងលួច​របស់​របរ​ ព្រមទាំងដី​ស្រែ​ចម្ការពួកគេផងដែរ។ ដោយសារ​អត់​ឃ្លាន អ្នក​ភូមិ​ក៏​បាន​ងើប​ឈរ​ប្រឆាំង​នឹង​ក្រុម​ចោរ​ព្រៃ​មិន​ស្គាល់​មុខ​នោះ និង​បាន​បង្កើត​សម្លៀកបំពាក់​ក្លែង​ក្លាយ​មួយ​ដែល​តំណាង​ឲ្យ​ម៉ុងសាយ (សិង្ហ ឬ តោ) រហូតក្លាយជាប្រពៃណីតរៀងមក៕

ប្រែសម្រួល៖ សន្យា

ចុចអាន៖ ពណ៌ ៣ នាំលាភសំណាង ហើយពណ៌១ ជាអពមង្គលក្នុងពិធីបុណ្យចូលឆ្នាំចិន

ចុចអាន៖ ហូប​អាហារ​សម្រន់​ទាំងនេះ​ក្នុង​កំឡុង​ចូល​ឆ្នាំចិន ​ដូច​នាំ​សុភមង្គល​ចូល​មក​ក្នុង​ជីវិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services