វប្បធម៌ ជំនឿ

មូលហេតុដែល “ង៉ូវយ៉េង” មានតម្លៃថ្លៃជាងនំសែនព្រះខែផ្សេងទៀត

បានផុស

១០ ខែ មុន

នៅ

ថ្ងៃសុក្រ ១០ កញ្ញា ២០២១

ដោយ

រដូវកាលសែននំព្រះខែឆ្នាំនេះ នឹងប្រារព្ធធ្វើឡើងនៅថ្ងៃ អង្គារ ទី ២១ ខែ កញ្ញា ឆ្នាំ ២០២១។ បងប្អូនដែលជាប់ខ្សែចិនគ្រប់គ្នា ប្រាកដជាបានត្រៀមខ្លួន ដើម្បីត្រៀមអបអរបុណ្យប្រពៃណីខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកនំសម្រាប់សែនព្រះខែក្នុងឆ្នាំនេះ ក៏កំពុងចាប់ផ្ដើមនឹងធ្វើ ហើយក៏មានពាក្យលេចឮតៗគ្នាថា នំមួយប្រភេទនេះល្បីថាឆ្ងាញ់ និងលក់ដាច់មិនធម្មតា រហូតអស់ៗពីហាង សឹងថារាល់ឆ្នាំ។ បើតាមការកត់សម្គាល់ក្នុងឆ្នាំនេះដែរ យើងឃើញថា នំមួយប្រភេទដែលពេញនិយម និងតែងតែនាំមុខគេជានិច្ចនោះគឺ នំង៉ូវយ៉េង។

ហេតុអ្វីនំង៉ូវយ៉េង តែងតែឈានទៅមុខមុនគេ ពីរឿងតម្លៃ? តើរសជាតិនិងគុណភាពអ្វីដែលអាចទាក់ចិត្តអតិថិជនមិនឲ្យងាករេទៅណាចោលបាន?

ង៉ូវយ៉េង គឺជានំសែនព្រះខែដែលមានរសជាតិឈ្ងុយឆ្ងាញ់ បែបបុរាណរបស់ជនជាតិចិន។ មិនថារសជាតិនិងតម្លៃគឺសក្ដិសមឥតខ្ចោះ ដែលប្រជាជនចិននិយមទទួលទាន។ មានហេតុផលជាច្រើនដែលង៉ូវយ៉េងមានតម្លៃថ្លៃជាងនំផ្សេងទៀត ៖

ដោយសារគ្រឿងផ្សំមានមានតម្លៃថ្លៃ និងច្រើនជាង ដូច្នេះហើយទើបនំមួយប្រភេទនេះ មានតម្លៃថ្លៃគួរសមជាងនំសែនព្រះខែផ្សេងទៀត។ ចំណែកគ្រឿងផ្សំនៅក្នុងស្នូលនំវិញ មានដូចជា៖ គ្រាប់អាល់ម៉ុន គ្រាប់ឪឡឹក គ្រាប់ស្វាយចន្ទី ល្ង គ្រាប់ល្ពៅនិងពងទា រួមជាមួយនឹងសាច់ជ្រូកចិញ្ច្រាំ បញ្ចូលគ្នាក្នុងគ្រឿងផ្សំ បញ្ចេញបានជារសជាតិមួយខុសពីនំសែនព្រះខែដ៏ទៃ។

រីឯការចម្អិនវិញ គឺយូរខ្លាំងជាងនំផ្សេងៗទៀត ហើយក៏ទាមទារឲ្យអ្នកធ្វើប្រុងប្រយ័ត្ន និងឧស្សាហ៍មើលភ្លើងដែលចម្អិននំឲ្យបានគ្រប់ជ្រុងជ្រោយដែរ។

នេះជាផលវិបាកមួយដែលចុងភៅផ្នែកចម្អិននំង៉ូវយ៉េង ត្រូវតែឈ្លាសវៃនិងរហ័សរហួន ទើបការចម្អិននំកាន់តែមានរសជាតិឈ្ងុយឆ្ងាញ់ និងអាចទាក់ទាញអតិថិជនបានយូរអង្វែង។

មានហេតុផលមួយទៀតដែលធ្វើឲ្យនំង៉ូវយ៉េងមានតម្លៃថ្លៃនោះគឺ ចំនួនពងទាដែលមាននៅក្នុងស្នូលនំ។ បើពងទាកាន់តែច្រើន នំក៏រឹតតែថ្លៃ និងឆ្ងាញ់ជាងមុនថែមទៀត ហើយពងទានោះទៀតសោត ក៏ត្រូវបានគេផ្សំគ្រឿងមួយបែបទៀត ដើម្បីឲ្យស៊ីជាមួយសាច់នំនៅខាងក្រៅ។ ជាពិសេស រាល់ពេលដែលមនុស្សហូបនំ ង៉ូវយ៉េង បានរសជាតិច្របល់ចូលគ្នាចេញជារសជាតិតែមួយ និងដូចបានហូបនំទិព្វពីស្ថានសួគ៌គ្មានពីរ ដូច្នោះដែរ៕

ប្រែសម្រួល៖ សាង ស្រីល័ក្ខ

ចុចអាន៖ជូនអំណោយ ៥ នេះ ទៅសាច់ញាតិ ក្នុងពិធីបុណ្យសែនព្រះខែ នាំមកនូវហុងស៊ុយសុភមង្គលពេញមួយជីវិត

ចុចអាន៖ប្រវត្តិនៃពិធីបុណ្យ «សែននំព្រះខែ» ក្នុងជំនឿជនជាតិចិន