ព័ត៌មានអន្ដរជាតិ

សិង្ហបុរី ចិន ថៃ នាំមុខគេលើការវិនិយោគពីបរទេសនៅមីយ៉ាន់ម៉ា

បានផុស

៥ ខែ មុន

នៅ

ថ្ងៃអង្គារ ១០ កុម្ភៈ ២០២៦

ដោយ

សិង្ហបុរី ចិន និងថៃ បាននាំមុខគេលើការវិនិយោគពីបរទេសនៅមីយ៉ាន់ម៉ា គិតត្រឹមចុងខែធ្នូ ឆ្នាំ ២០២៥ ក្នុងចំណោម ៥៣ ប្រទេស និងតំបន់ ដែលបានវិនិយោគក្នុងប្រទេសអាស៊ីអាគ្នេយ៍ ដែលហែកហួរដោយសង្រ្គាមស៊ីវិលមួយនេះ។ នេះបើតាមការចុះផ្សាយរបស់កាសែត Eleven Myanmar កាលពីថ្ងៃចន្ទ (៩ កុម្ភៈ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មការវិនិយោគមីយ៉ាន់ម៉ា (MIC) បានឱ្យដឹងថា ក្នុងចំណោមវិស័យចំនួន ១២ វិស័យថាមពល ប្រេង និងឧស្ម័ន និងផលិតកម្ម ទទួលបានចំណែកនៃការវិនិយោគច្រើនជាងគេ។

ក្នុងកិច្ចប្រជុំកាលពីចុងខែមករា MIC បានអនុម័តគម្រោងវិនិយោគថ្មីប្រមាណ ២០ គម្រោង ក្នុងទំហំ ៦២,៩ លានដុល្លារអាមេរិក ដោយរំពឹងបង្កើតការងារជាង ៣ ៣០០ កន្លែង។

គម្រោងដែលត្រូវបានអនុម័ត រួមមានការវិនិយោគបរទេសថ្មីចំនួន ៤ ក្នុងវិស័យឧស្សាហកម្ម និងសេវាកម្ម រួមជាមួយនឹងការវិនិយោគក្នុងស្រុកថ្មីចំនួន ១៦ នៅទូទាំងឧស្សាហកម្មដូចជាវិស័យផលិតកម្ម សណ្ឋាគារ និងទេសចរណ៍ ការផលិតថាមពល ការសាងសង់លំនៅឋាន ការចិញ្ចឹមសត្វ និងនេសាទ និងប្រេង និងឧស្ម័ន៕