សេដ្ឋកិច្ច
បណ្ឌិត គី សេរីវឌ្ឍន៍៖ អតិផរណាលើស ៤ភាគរយ ទើបជាក្តីព្រួយបារម្ភសម្រាប់កម្ពុជា
បើតាមធនាគារជាតិនៃកម្ពុជា នៅឆ្នាំ ២០២២ ប៉ាន់ស្មានថា អតិផរណានឹងកើនឡើង ៤% ដោយសារកំណើនថ្លៃនៃម្ហូបអាហារ ប្រេងឥន្ធនៈ (ឥទ្ធិពលពីសង្រ្គាមរុស្សី-អ៊ុយក្រែន) និងថ្លៃដឹកជញ្ជូន ស្របពេលដែលមានការរអាក់រអួលនៃខ្សែច្រវាក់ផ្គត់ផ្គង់ និងការកើនឡើងនៃតម្រូវការក្នុងស្រុក។
ពាក់ព័ន្ធនឹងកំណើននៃអតិផរណា ដែលធនាគារជាតិ ព្យាករណ៍នេះ លោកបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ច នៅរាជបណ្ឌិតសភាកម្ពុជា ចាត់ទុកថា ការកើនឡើង៤ភាគរយនេះ គឺជាចំនួនខ្ពស់ហើយ។ ប៉ុន្តែការកើនឡើងនេះ ភាគច្រើននៅតំបន់ទីក្រុង ចំពោះអ្នកចាយវាយធំ មានរថយន្ត និងជីវភាពធូរធា។
លោកបណ្ឌិតបន្តថា« កម្រិតប៉ុណ្ណេះសម្រាប់កម្ពុជា មិនទាន់មានហានិភ័យទេ ខណៈដែលការរំពឹងទុកចំណូលជាមធ្យមកើនឡើងប្រមាណ ៤ភាគរយដូចគ្នា គ្រាន់តែមិនបានជួយឱ្យប្រាក់សន្សំយើងកើនតែប៉ុណ្ណោះ តែសេដ្ឋកិច្ចនៅតែមានកំណើនដដែល»។
លោកបណ្ឌិត គី សេរីវឌ្ឍន៍ បានគូសបញ្ជាក់ថា អ្វីដែលធ្វើឱ្យកម្ពុជា មានការព្រួយបារម្ភនោះ គឺនៅពេលដែលអតិផរណានេះ ធំជាងកំណើននៃប្រាក់ចំណូល។ លោកថា ប្រសិនបើអតិផរណាឡើងដល់ទៅ ៦%-៧% នោះនឹងក្លាយទៅជាហានិភ័យសម្រាប់ប្រទេសកម្ពុជា ជាពិសេសប្រជាពលរដ្ឋដែលមានចំណូលថេរ។
លោកបណ្ឌិត គី សេរីវឌ្ឍន៍ បានឱ្យដឹងថា ការកើនឡើងអតិផរណាមានពីរចំណុច។ ចំណុចទី១ គឺការលូតលាស់នៃសេដ្ឋកិច្ចខ្លួនឯង ដែលធ្វើឱ្យតម្រូវការសរុបធំជាងការផ្គត់ផ្គង់សរុប។ លោកពន្យល់ថា «កាលណាសេដ្ឋកិច្ចបើកភ្លាម ផលិតកម្មមិនអាចដាំបានភ្លាមនោះទេ គឺត្រូវចាប់ផ្តើមរៀបចំផលិត តែអ្នកញ៉ាំកាលណាសេដ្ឋកិច្ចបើក ចង់ចំណាយភ្លាម ចង់ទទួលទានភ្លាម ចង់ទិញយកមកប្រើប្រាស់ភ្លាម ដូច្នេះក្នុងរយៈពេលខ្លីគម្លាតរវាងតម្រូវការសរុប និងការផ្គត់ផ្គង់សរុប ធ្វើឱ្យកើតមានអតិផរណាភ្លាម»។
ចំណុចទី២ អតិផរណា នឹងកើតឡើងដោយសារភាពមិនប្រាកដច្បាស់សង្រ្គាមរវាងរុស្ស៊ី និងអ៊ុយក្រែន ដែលធ្វើឱ្យប្រេងឥន្ធនៈឡើងថ្លៃ។ លោកបន្តថា ប្រេងឥន្ធនៈឡើងថ្លៃ មិនមែនប៉ះពាល់តែប្រទេសរុស្ស៊ីទេ គឺប៉ះពាល់ទូទាំងពិភពលោកទាំងមូល៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)