សេដ្ឋកិច្ច
កម្ពុជា ពង្រឹងមូលដ្ឋានសេដ្ឋកិច្ច តាមរយៈការធ្វើពិពិធកម្មផលិតផល និងទីផ្សារនាំចេញ
លោកស្រី ជា សិរី ទេសាភិបាល ធនាគារជាតិនៃកម្ពុជាបានមានប្រសាសន៍ពីការពង្រឹងមូលដ្ឋានសេដ្ឋកិច្ចរបស់កម្ពុជា តាមរយៈការធ្វើពិពិធកម្មផលិតផល និងទីផ្សារនាំចេញ ការទាក់ទាញវិនិយោគបរទេស និងការលើកកម្ពស់សកម្មភាពផលិតកម្មដែលមានតម្លៃបន្ថែមខ្ពស់។
លោកស្រី ជា សិរី បានលើកឡើង ក្នុងពេលចូលរួមជាវាគ្មិនកិត្តិយសនៅក្នុងកិច្ចពិភាក្សាក្នុងវេទិកា Nikkei Forum ស្តីពីអនាគតអាស៊ី ក្រោមប្រធានបទ “អាស៊ាន+៣៖ ការពង្រឹងកិច្ចសហប្រតិបត្តិការក្នុងតំបន់ ដើម្បីរួមចំណែកក្នុងស្ថិរភាពសកល” នៅរថ្ងៃទី ១០ មិថុនា ឆ្នាំ២០២៦ នៅទីក្រុងតូក្យូ ប្រទេសជប៉ុន។
លោកស្រីទេសាភិបាល បានលើកឡើងពីទំនាក់ទំនងនៃកត្តាខាងក្រៅ ចំពោះប្រទេសដែលមានសេដ្ឋកិច្ចបើកចំហ និងកម្រិតដុល្លារូបនីយកម្មខ្ពស់។
លោកស្រី ជា សិរី បានលើកឡើងពីការប្តេជ្ញាចិត្តខ្ពស់របស់រាជរដ្ឋាភិបាលក្នុងការពង្រីកការផ្គត់ផ្គង់ថាមពលកកើតឡើងវិញ ដែលជាការរួមចំណែកកាត់បន្ថយផលប៉ះពាល់ពីកត្តាខាងក្រៅក្នុងវិស័យថាមពល។
បើតាមលោកស្រី ជា សិរី ប្រព័ន្ធហិរញ្ញវត្ថុដែលដំណើរការប្រកបដោយប្រសិទ្ធភាពគឺជាមូលដ្ឋានគ្រឹះដ៏រឹងមាំសម្រាប់ការរីកចម្រើន និងភាពធន់នៃសេដ្ឋកិច្ច។
លោកស្រីក៏បានលើកឡើងពីកិច្ចខិតខំប្រឹងប្រែងរបស់ធនាគារជាតិនៃកម្ពុជាក្នុងការជំរុញការទូទាត់ឌីជីថល និងការតភ្ជាប់ប្រព័ន្ធទូទាត់ឆ្លងដែនដែលបច្ចុប្បន្នបានតភ្ជាប់ជាមួយប្រទេសជាច្រើនក្នុងតំបន់ ដើម្បីគាំទ្រដល់ការអភិវឌ្ឍវិស័យពាណិជ្ជកម្ម និងទេសចរណ៍។
បន្ថែមលើនេះ លោកស្រីក៏បានបញ្ជាក់ពីសារៈសំខាន់នៃហិរញ្ញប្បទានប្រកបដោយចីរភាព និងការពង្រឹងភាពធន់ទៅនឹងការប្រែប្រួលអាកាសធាតុ ផងដែរ៕
អត្ថបទ៖ ឡេង ដេត
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១ សប្តាហ៍ agoផ្លូវពីព្រលានថ្មីមកក្រុងសៀមរាប ស្ថិតក្នុងដំណាក់កាលសិក្សាបឋម មុនឈានបើកការដ្ឋានសាងសង់