សេដ្ឋកិច្ច
សម្តេច ហ៊ុន សែន ៖ គោលដៅខ្ញុំប្រកាសចុះថ្លៃអគ្គិសនីចុងឆ្នាំនេះ តែឥឡូវមានវិបត្តិកើតឡើង
សម្តេចតេជោ ហ៊ុន សែន នាយករដ្ឋមន្រ្តីកម្ពុជា គ្រោងប្រកាសបញ្ចុះតម្លៃអគ្គិសនីនៅចុងឆ្នាំ ២០២២នេះ តែត្រូវពន្យាពេលវិញ ដោយសារវិបត្តិសកលកើតឡើងផ្ទូនៗគ្នា។
សម្តេចមានប្រសាសន៍ដូច្នេះថា« ចុងឆ្នាំ ២០២២នេះ ខ្ញុំប្រកាសចុះថ្លៃអគ្គិសនីបន្តិចទៀត បើសិនជាមិនមានវិបត្តិកើតឡើង ប៉ុន្តែឥឡូវមិនត្រឹមតែមិនអាចបញ្ចុះតម្លៃបានទេ ថែមទាំងបំពេញខាតឱ្យអគ្គិសនីទៀត»។
សម្តេចបានលើកឡើងថា រោងចក្រសហគ្រាសមួយចំនួនប្រឈមនឹងការខាតបង់ដោយសារការឡើងថ្លៃអគ្គិសនី ប៉ុន្តែរាជរដ្ឋាភិបាល បានជួយបំពេញខាត ជាក់ស្តែងសព្វថ្ងៃនេះ គឺខាតហើយ។
សម្តេចបន្ថែមថា« ឆ្នាំនេះចេះទេវតាជួយយើង ត្រង់ថា ភ្លៀងច្រើនទឹកចូលអាងវារីអគ្គិសនីយើងបានដើរ បូកជាមួយពន្លឺព្រះអាទិត្យ កាត់បន្ថយបានចំនួនខាតបង់បានមួយចំនួន តែប្រសិនបើវារីអគ្គិសនីយើងដើរមិនគ្រប់ ហើយបែរជាទៅផលិតថាមពលចេញមក ពីធ្យូងថ្ម និងប្រេងឥន្ធនៈ តម្លៃអគ្គិសនីនឹងឡើងកប់ពពក»។
ប្រធានអគ្គិសនីកម្ពុជា បានជួបរាយការណ៍ជូនសម្តេចតេជោកាលពីម្សិលមិញថា នៅឆ្នាំនេះ អគ្គិសនីកម្ពុជា អាចខាតជាង ១០០លានដុល្លារ ដែលផ្តើមចេញពីវិបត្តិសង្រ្គាមរុស្ស៊ីអ៊ុយក្រែន និងការដាក់ទណ្ឌកម្មពីប្រទេសមហាអំណាច។
ពាក់ព័ន្ធនឹងបញ្ហានេះ សម្តេចក៏បានអំពាវនាវឱ្យមានការប្រើប្រាស់សន្សំសំចៃភ្លើងអគ្គិសនី ជាពិសេសស្ថាប័នរដ្ឋដែលប្រើប្រាស់ថវិកាជាតិ។ បើមិនអ៊ីចឹងទេ យើងនឹងទទួលការខាតបង់កាន់តែធំ។ នេះជាការបន្ថែមរបស់សម្តេចតេជោ។
យោងតាមតារាងនៃការប្រើប្រាស់អគ្គិសនីរបស់អគ្គិសនីកម្ពុជា បានបានកំណត់ថា បរិមាណនៃការប្រើប្រាស់ក្នុងមួយខែចាប់ ១០ គីឡូវ៉ាត់ចុះក្រោមតម្លៃ ៣៨០ រៀលក្នុងគីឡូវ៉ាត់ម៉ោង, ពី ១១ គីឡូដល់ ៥០ គីឡូ តម្លៃ ៤៨០ រៀល, ពី ៥១ គីឡូ ដល់ ២០០ គីឡូ តម្លៃ ៦១០ រៀល និងអ្នកប្រើប្រាស់ចាប់ពី ២០១ គីឡូឡើងទៅតម្លៃ ៧៣០ រៀល ដែលតារាងនេះ គឺរដ្ឋមានកម្មវិធីផ្តល់អត្រាអនុគ្រោះក្រោមថ្លៃដើម មានន័យថារដ្ឋបំពេញខាតឱ្យអ្នកប្រើប្រាស់ថាមពលអគ្គិសនីរួចហើយ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង