Connect with us

សេដ្ឋកិច្ច

កម្ពុជា នឹងទាញបានផលប្រយោជន៍ច្រើន​ពីការចូលរួមពិព័រណ៍ទេសចរណ៍អន្តរជាតិ នៅវៀតណាម

បានផុស

នៅ

ក្រសួងទេសចរណ៍កម្ពុជា នឹងចូលរួមតាំងពិព័រណ៍ទេសចរណ៍អន្តរជាតិ (International Travel Expo 2022) នៅប្រទេសវៀតណាម ដែលនឹងមានការចូលរួមពីក្រុមហ៊ុនជាង ៣០០ស្តង់ និងអ្នកទិញ ១៥០ មកពីបណ្តាប្រទេសជាង ៥០ ក្នុងតំបន់ និងពិភពលោក ចាប់ពីថ្ងៃទី ០៦ ដល់ថ្ងៃទី ១១ខែកញ្ញា ឆ្នាំ ២០២២ នៅទីក្រុងហូជីមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីទទួលបានផលប្រយោជន៍កាន់តែច្រើនពីការចូលរួមពិព័រណ៍នេះ ក្រសួងទេសចរណ៍កម្ពុជា នឹងរៀបចំកម្មវិធីរាត្រី​កម្ពុជា«Cambodia Night» នៅថ្ងៃទី ០៨ ខែកញ្ញា ឆ្នាំ ២០២២ ដែលមានការសម្តែងសិល្បៈស្វាគមន៍ និងមានការអញ្ជើញចូលរួមអាហារពេលល្ងាចពីប្រតិបត្តិករចរចរណ៍ និងសមាគមទេសចរណ៍ធំៗ នៃបណ្តា​ប្រទេសអាស៊ាន និងវៀតណាមប្រមាណជាង ៣៥០នាក់។

បើតាមក្រសួងទេសចរណ៍ កម្មវិធីនេះ មានគោលបំណងផ្សព្វផ្សាយអំពីសក្តដានុពលវិស័យទេសចរណ៍កម្ពុជា ពង្រឹងទំនាក់ទំនង និងកិច្ចសហប្រតិបត្តិការល្អរវាងផ្នែកឯកជនកម្ពុជា និងវៀតណាម ផ្សព្វផ្សាយអំពីការបើកឡើង​វិញនៃវិស័យទេសចរណ៍កម្ពុជា ជាពិសេសផ្សព្វផ្សាយអំពីគោលដៅទេសចរណ៍ម៉ាយ(MICE) និងគោលដៅ​ទេសចរណ៍កីឡា តាមរយៈព្រឹត្តិការណ៍ស៊ីហ្គេមឆ្នាំ ២០២៣ អាស៊ានប៉ារ៉ាហ្គេម និងព្រឹត្តិកាណ៍កីឡាយុវជនអាស៊ីឆ្នាំ ២០២៩ ដែលកម្ពុជាធ្វើជាម្ចាស់ផ្ទះ អបអរខួបលើកទី ៥៥ នៃទំនាក់ទំនងការទូតកម្ពុជា-វៀតណាម។

ជាមួយគ្នានេះ ក្រសួងទេសចរណ៍ក៏បានអំពាវនាវដល់ប្រតិបត្តិករទេសចរណ៍ គ្រប់សមាគមទេសចរណ៍ និងដៃគូអភិវឌ្ឍន៍​ចូលរួមឱ្យបានច្រើន ដើម្បីចាប់យកឱកាសក្នុងការផ្សព្វផ្សាយលក់កញ្ចប់ទស្សនកិច្ចទេសចរណ៍កម្ពុជា នៅលើទីផ្សារ​វៀតណាម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៥ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២៧ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤២ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៦ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម