ព័ត៌មានជាតិ
អភិបាលរងខេត្ត៖ ក្រុមហ៊ុនចម្រាញ់រ៉ែមាសបាន ៦តោន ក្នុងខេត្តមណ្ឌលគិរី
គិតមកដល់ពេលនេះ ក្រុមហ៊ុនរបស់អូស្រ្តាលី ដែលបានទទួលសិទ្ធិរុករក និងសម្រាញ់រ៉ែមាស បានប្រមាណ ៦តោនហើយ នៅក្នុងខេត្តមណ្ឌលគិរី។ នេះបើតាមការបញ្ជាក់របស់លោក ស៊ន សារុន អភិបាលរងខេត្ត។
ថ្លែងក្នុងសន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តមណ្ឌលគិរី នាព្រឹកថ្ងៃទី ០៦ មេសា លោក ស៊ន សារុន បានលើកឡើងថា បច្ចុប្បន្ននេះមានក្រុមហ៊ុនចំនួន១៤ បានទទួលសិទ្ធិសិក្សា និងវិនិយោគលើវិស័យរ៉ែ ស្មើនឹង ១៨បណ្ណ ក្នុងនោះ លក្ខណៈសិប្បកម្មមានចំនួន ១១អាជ្ញាបណ្ណ។
នៅក្នុងនោះ លោក បានបញ្ជាក់ថា ក្រុមហ៊ុន រ៉ឺនេសង់ មីនើរ៉ល លីមីតធីត របស់ប្រទេសអូស្ត្រាលី ចម្រាញ់រ៉ែមាសបានប្រមាណ ៦តោន ពោលគឺគិតតាំងពីចាប់ផ្តើមដំបូងរហូតមកដល់ពេលនេះ។ បើតាមលោកអភិបាលរងខេត្ត ក្រុមហ៊ុននេះ បានទទួលបានអាជ្ញាបណ្ណ និងធ្វើអាជីវកម្មចម្រាញ់រ៉ែមាសជាផ្លូវការ នៅថ្ងៃទី ២១ មិថុនា ឆ្នាំ ២០២១ ស្ថិតក្នុងតំបន់អូខ្វាវ ស្រុកកែវសីមា។ ជាមួយគ្នានេះ ក៏មានក្រុមហ៊ុនចិន កំពុងរុករករ៉ែមាស នៅក្នុងខេត្តមណ្ឌលគិរីផងដែរ។
ទាក់ទិននឹងវិស័យនេះ កម្ពុជា រំពឹងថា នឹងរកប្រាក់ចំណូលពីគម្រោងរុករករ៉ែមាស បានប្រមាណជិត ២០០ លានដុល្លារអាមេរិក ក្នុងមួយឆ្នាំ លើលំហូរសាច់ប្រាក់ ដែលមិនទាន់បង់ពន្ធជូនទៅរដ្ឋ និងប្រមាណ ៤០ លានដុល្លារអាមេរិក ពីសួយសារអាករ និងពន្ធសម្រាប់ជាថវិកាជាតិ៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ