សេដ្ឋកិច្ច
កំពង់ផែអន្តរជាតិតារាសាគរខេត្តកោះកុង គ្រោងដាក់ឲ្យដំណើរការជាផ្លូវការក្នុងពេលឆាប់ៗខាងមុខនេះ
កំពង់ផែអន្តរជាតិតារាសាគរខេត្តកោះកុង គ្រោងដាក់ឲ្យដំណើរការជាផ្លូវការនាពេលឆាប់ៗ ខាងមុខនេះហើយ ដោយមានក្រុមហ៊ុន Koh Kong Port Management បោះទុនវិនិយោគ ដើម្បីលើកកម្ពស់សេដ្ឋកិច្ចពាណិជ្ជកម្មនៅកម្ពុជា។
ក្រុមហ៊ុន Koh Kong Port Management បានទទួលសិទ្ធិជួលវិនិយោគពីរាជរដ្ឋាភិបាលកម្ពុជា លើវិស័យដឹក ជញ្ចូនតាមសមុទ្រ ដែលប្រតិបត្តិការកំពង់ផែលក្ខណៈខ្នាតអន្តរជាតិរាប់ម៉ឺនតោន ដោយផ្ទេរទំនិញទូទៅ និងកុងទឺន័រ ស្ថិតនៅក្នុងភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង។
លោក កោវ លៀង ប្រធានក្រុមហ៊ុន Koh Kong Port Management បានឲ្យដឹងកាលពីរសៀលថ្ងៃទី ២ ខែឧសភា ឆ្នាំ ២០២៣ ក្រោយកិច្ចប្រជុំពិភាក្សាដាក់ឲ្យដំណើរការកំពងផែខ្នាតអន្តរជាតិរាប់ម៉ឺនតោន នៅតំបន់តារាសាគរថា ក្រុមហ៊ុនរបស់លោកបានរៀបចំហេដ្ឋារចនាសម្ព័ន្ធ និងបែបបទឯកសាររួចរាល់អស់ហើយ ដើម្បីប្រតិបត្តិការជាការសាកល្បងជំហានដំបូង នាពេលឆាប់ៗខាងមុខនេះ។
បើតាមលោក កោវ លៀង អះអាងថា ចំពោះពេលវេលាសម្ពោធដាក់ឲ្យដំណើរការយ៉ាងណានោះ គឺអាស្រ័យលើរដ្ឋបាលខេត្តកោះកុង មន្ទីរ និងស្ថាប័នពាក់ព័ន្ធ សម្រេចកំណត់ពេលវេលាជូន។ ចំពោះការវិនិយោគរបស់ក្រុមហ៊ុន Koh Kong Port Management គឺក្នុងគោលបំណងចូលរួមលើកកម្ពស់សេដ្ឋកិច្ចពាណិជ្ជកម្មនៅកម្ពុជាឲ្យកាន់តែល្អប្រសើរឡើង ក្រោយវិបត្តិជំងឺកូវីដ-១៩ បានបញ្ចប់។
សូមជម្រាបថា កំពង់ផែលក្ខណៈអន្តរជាតិខ្នាតរាប់ម៉ឺនតោននេះ ត្រូវបានក្រុមហ៊ុនញូញៀន ឯកភាពឲ្យជួលវិនិយោគ ដោយមានការពិនិត្យ និងសម្រេចពីរាជរដ្ឋាភិបាលកម្ពុជា នាពេលកន្លងទៅ។
លោកស្រី អ៊ី នារីនេត អភិបាលរងខេត្តកោះកុង គូសបញ្ជាក់ដែរថា រដ្ឋបាលខេត្ត និងមន្ទីរពាក់ព័ន្ធ បានទទួលសំណើសុំដំណើរការ កំពង់ផែលក្ខណៈអន្តរជាតិខ្នាតរាប់ម៉ឺនតោននេះហើយ ដោយលោកស្រីអភិបាលរងខេត្ត នឹងពិភាក្សាលម្អិតអំពីពេលវេលាពីលោកស្រី មិថុនា ភូថង អភិបាលខេត្តកោះកុង ក្នុងន័យពន្លឿនឲ្យក្រុមហ៊ុន ឆាប់បានប្រតិបត្តិការផងដែរ៕
អត្តបទ៖ សិរីវឌ្ឍនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»