សេដ្ឋកិច្ច
ប្រទេសចាយលុយអឺរ៉ូចំនួន ២០ កំពុងធ្លាក់ចូលក្នុងវិបត្តិសេដ្ឋកិច្ច
ប្រទេសចំនួន ២០ នៅតំបន់អឺរ៉ុបដែលចាយលុយអឺរ៉ូ បានធ្លាក់ចូលទៅក្នុងវិបត្តិសេដ្ឋកិច្ចកម្រិតស្រាលមួយនៅក្នុងឆ្នាំនេះ ដោយសារតែអតិផរណាឡើងខ្ពស់បានបង្អាក់ការចំណាយរបស់ប្រជាពលរដ្ឋ ស្របពេលដែលរដ្ឋាភិបាលទាំងនោះក៏រឹតបន្តឹងលើការចំណាយដូចគ្នា ។
ក្នុងរយៈពេល ៣ ខែដំបូងនៃឆ្នាំ ២០២៣ នេះ សេដ្ឋកិច្ចនៅក្នុងតំបន់ចាយប្រាក់អឺរ៉ូបានធ្លាក់ចុះ ០.១ ភាគរយ ហើយបើធៀបនឹងត្រីមាសទី៤ នៃឆ្នាំ ២០២២ គឺបានធ្លាក់ចុះ ០.១ ភាគរយដូចគ្នា មានន័យថា សេដ្ឋកិច្ចតំបន់ចាយលុយអឺរ៉ូធ្លាក់ចុះ ២ ត្រីមាសជាប់គ្នាមកហើយ ។
តាមរបាយការណ៍ ការចំណាយរបស់គ្រួសារនៅក្នុងតំបន់អឺរ៉ូ បានធ្លាក់ចុះ ០.៣ ភាគរយនៅក្នុងត្រីមាសទី ១ ដោយសារសម្ពាធតម្លៃទំនិញឡើងថ្លៃ ។
បើយោងតាមទិន្នន័យពីទីភ្នាក់ងារ Eurostat បានឲ្យដឹងថា ការធ្លាក់ចុះផលិតផលក្នុងស្រុកសរុប (GDP) នៅក្នុងប្រទេសអៀរឡង់មាន ៤.៦ ភាគរយ ហើយលីទុយអានីធ្លាក់ចុះ ២.១ ភាគរយ ខណៈអាឡឺម៉ង់ដែលជាប្រទេសសេដ្ឋកិច្ចធំជាងគេប្រចាំតំបន់បានធ្លាក់ចុះ ០.៣ ភាគរយប្រចាំត្រីមាស ។ ចំណែកប្រទេសហូឡង់ ម៉ាល់តា និងក្រិក ក៏បានរាយការណ៍ពីការធ្លាក់ចុះពីមួយត្រីមាសទៅមួយត្រីមាសផងដែរក្នុងរយៈពេលបីខែដំបូងនៃឆ្នាំនេះដូចគ្នា ។
ពាក់ព័ន្ធនឹងការធ្លាក់ចុះនៃ GDP នេះដែរ, លោក Andrew Kenningham, ប្រធានសេដ្ឋវិទូអឺរ៉ុបនៅក្រុមហ៊ុន Capital Economics សង្ស័យថា សេដ្ឋកិច្ចនឹងធ្លាក់ចុះបន្ថែមទៀតក្នុងរយៈពេលដែលនៅសល់ឆ្នាំនេះ ។
ព័ស្តុតាងនៃការធ្លាក់ចុះសេដ្ឋកិច្ចនេះ នឹងធ្វើឲ្យមានភាពស្មុគស្មាញដល់កិច្ចការរបស់ធនាគារកណ្តាលអ៊ឺរ៉ុប នៅពេលជួបប្រជុំគ្នានៅសប្តាហ៍ក្រោយ ស្របពេលអតិផរណានៅតែមានច្រើនជាង ៣ ដងនៃគោលដៅរបស់ធនាគារ ខណៈការដំឡើងអត្រាការប្រាក់បន្ថែមទៀត ក៏អាចនាំឲ្យប៉ះពាល់ដល់សេដ្ឋកិច្ចដូចគ្នា ។
គួរឲ្យដឹងថា អតិផរណានៅក្នុងតំបន់ចាយប្រាក់អឺរ៉ូបានកើនឡើងយ៉ាងឆាប់រហ័សកាលពីឆ្នាំមុន នៅពេលដែលសង្គ្រាមលុកលុយរបស់រុស្ស៊ីមកលើអ៊ុយក្រែន ដោយសារតែតម្លៃថាមពលហក់ឡើងខ្ពស់ ៕
ប្រែសម្រួល៖ នាង រតនៈ
ប្រភព៖ RT
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ