ព័ត៌មានអន្ដរជាតិ
ខែក្រោយ លោក ពូទីន នឹងដាក់ពង្រាយអាវុធនុយក្លេអ៊ែរហើយ
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃសុក្រថា ការដាក់ពង្រាយអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុសនឹងចាប់ផ្តើមនៅក្នុងខែកក្កដាខាងមុខនេះ ។
ថ្លែងនៅក្នុងកិច្ចប្រជុំជាមួយប្រធានាធិបតីបេឡារុសលោក អាឡិចសាន់ដឺ ឡូកាសិនកូ នៅទីក្រុងស៊ូឈី, លោក ពូទីន បាននិយាយថា ការសាងសង់កន្លែងពិសេសសម្រាប់ការដាក់ពង្រាយអាវុធនុយក្លេអ៊ែរគ្រោងនឹងបញ្ចប់នាពេលឆាប់ៗនេះ ហើយការចល័តអាវុធនឹងចាប់ផ្ដើមធ្វើឡើងនៅខែថ្ងៃទី៧ ដល់ថ្ងៃទី៨ ខែកក្កដា ។
លោក ពូទីន បានលើកឡើងថា “បញ្ហារសើបបំផុតដែលយើងបានព្រមព្រៀងគ្នាអំពីការដាក់ពង្រាយអាវុធនុយក្លេអ៊ែរ នឹងដំណើរការទៅតាមផែនការកំណត់ ។ ដូចដែលអ្នកបានដឹងហើយថា ការរៀបចំគ្រឿងបរិក្ខារពាក់ព័ន្ធនឹងបញ្ចប់ឆាប់ៗ ហើយយើងនឹងចាប់ផ្តើមសកម្មភាពភ្លាមៗទាក់ទងនឹងការដាក់ពង្រាយប្រភេទអាវុធដែលពាក់ព័ន្ធ នៅលើទឹកដីរបស់បេឡារុស នៅថ្ងៃទី៧ និងថ្ងៃទី៨ ខែកក្កដាខាងមុខនេះ” ។
កាលពីចុងខែឧសភា រដ្ឋមន្ត្រីការពារជាតិរុស្ស៊ី និងបេឡារុសបានចុះហត្ថលេខាលើកិច្ចព្រមព្រៀងស្តីពីការដាក់ពង្រាយអាវុធនុយក្លេអ៊ែររបស់ទីក្រុងមូស្គូនៅក្នុងទឹកដីនៃប្រទេសបេឡារុស ជាមួយនឹងលក្ខខណ្ឌកំណត់រក្សាទុកអាវុធនៅក្នុងកន្លែងផ្ទុកពិសេសៗ ។
ពាក់ព័ន្ធនឹងបញ្ហានេះលោក ពូទីន បានបញ្ជាក់ថា ទង្វើនេះគឺដើម្បីឆ្លើយតបទៅនឹងការកើនឡើងហានិភ័យសន្តិសុខ របស់រុស្ស៊ី ហើយទីក្រុងមូស្គូគ្រាន់តែធ្វើតាមសហរដ្ឋអាមេរិកប៉ុណ្ណោះ ដោយសារតែរដ្ឋាភិបាលទីក្រុងវ៉ាស៊ីនតោនក៏បានដាក់ពង្រាយអាវុធនុយក្លេអ៊ែរយុទ្ធសាស្ត្ររបស់ពួកគេផងដែរ នៅក្នុងបណ្តាប្រទេសអឺរ៉ុប ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ លោក ពូទីន ៖ ប្រតិបត្តិការវាយលុករបស់ អ៊ុយក្រែន លើ រុស្ស៊ី ចាប់ផ្ដើមហើយ តែក៏បរាជ័យដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង