សេដ្ឋកិច្ច
មកដឹងថ្លៃចំណាយជាមធ្យមរបស់គ្រួសារ ថៃ ក្នុងមួយខែ
ការចំណាយប្រចាំខែសម្រាប់គ្រួសារថៃនៅក្នុងខែឧសភា ជាមធ្យមគឺ ៥២០ ដុល្លារ ដែលបានធ្លាក់ចុះ ៣.៧៦ ដុល្លារ បើប្រៀបធៀបនឹងខែមុន ប៉ុន្តែទោះជាយ៉ាងណា ការិយាល័យគោលនយោបាយ និងយុទ្ធសាស្ត្រពាណិជ្ជកម្មថៃ (TPSO) បាននិយាយថា ការចំណាយនេះនៅតែខ្ពស់ដដែល ។
![](https://www.kampucheathmey.com/wp-content/uploads/2023/06/food-1.jpg)
នៅក្នុងខែឧសភា អតិផរណាថៃបានធ្លាក់ចុះដល់ ០.៥៣ ភាគរយ ដែលជាកម្រិតទាបបំផុតក្នុងរយៈពេល ២១ ខែ ដោយសារតែការធ្លាក់ចុះនៃតម្លៃប្រេងឥន្ធនៈ ខណៈការចំណាយជាមធ្យមក្នុងគ្រួសារ ក៏បានធ្លាក់ចុះស្របនឹងអតិផរណានេះផងដែរ ។
ការិយាល័យគោលនយោបាយ និងយុទ្ធសាស្ត្រពាណិជ្ជកម្មថៃ (TPSO) បញ្ជាក់ថា បើទោះបីជាមានការធ្លាក់ចុះបែបនេះក៏ដោយ ប៉ុន្តែការចំណាយរបស់ប្រជាពលរដ្ឋក្នុងមួយគ្រួសារ នៅតែមានកម្រិតខ្ពស់នៅឡើយ ពោលលើសពី ៥២០ ដុល្លារ ។ ដោយការចំណាយជាមធ្យមក្នុងខែមករាមានចំនួន ៥២៦ ដុល្លារក្នុងមួយខែ ដែលបានធ្លាក់ចុះបន្តិចប៉ុណ្ណោះគឺ ៥២៥ ដុល្លារក្នុងខែមេសា ។
![](https://www.kampucheathmey.com/wp-content/uploads/2023/06/food-3.jpg)
សម្រាប់ការចំណាយក្នុងខែឧសភាវិញ គ្រួសារថៃចំណាយច្រើនបំផុតលើការដឹកជញ្ជូន និងទំនាក់ទំនង រហូតដល់ជាង ១២០ ដុល្លារ ។ ដោយឡែកចំពោះការចំណាយទាក់ទងនឹងលំនៅដ្ឋានដូចជា ថ្លៃជួល ថ្លៃបង់ភ្លើង ហ្គាស និងរបស់របរប្រើប្រាស់ក្នុងផ្ទះ ចំណាយអស់ ១១៣ ដុល្លារ ។
ពាក់ព័ន្ធជាមួយអាហារប្រចាំខែវិញ ការចំណាយលើត្រីសាច់អស់ ៤៩ ដុល្លារ, ផ្លែឈើបន្លែ ៣០.៧ ដុល្លារ និងប្រហែល ៣៦.១៥ ដុល្លារសម្រាប់អាហារនៅខាងក្រៅ ។
![](https://www.kampucheathmey.com/wp-content/uploads/2023/06/food-2.jpg)
ដោយឡែក ចំពោះការធ្លាក់ចុះថ្លៃចំណាយរួមមាន តម្លៃប្រេង ថ្លៃភ្លើង និងតម្លៃគ្រឿងអគ្គិសនី ខណៈថ្លៃដើមដែលកើនឡើងមានដូចជា ហ្គាសចម្អិនអាហារ ការដឹកជញ្ជូនសាធារណៈ ថ្លៃសិក្សា និងថ្លៃចំណាយផ្ទាល់ខ្លួនដូចជា កាត់សក់ និងសេវាកម្មសំអាងការផ្សេងទៀតជាដើម ៕
ប្រែសម្រួល ៖ នាង រតនៈ
ប្រភព ៖ Nation Thailand
ចុចអាន ៖ មកដឹងប្រាក់ខែពលករ កម្ពុជា និងប្រទេសផ្សេងទៀតដែលធ្វើការនៅ ថៃ
-
ព័ត៌មានអន្ដរជាតិ៣ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៥ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេចក្ដីជូនដំណឹង៦ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៣ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
សន្តិសុខសង្គម២ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៦ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៧ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សន្តិសុខសង្គម២ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត