សេដ្ឋកិច្ច

ព្រឹត្តការណ៍ហោះហើរយន្តហោះខ្នាតតូចខាងមុខនៅខេត្តព្រះសីហនុនឹងក្លាយជាផលិតផលទេចរណ៍ថ្មីរបស់កម្ពុជា

បានផុស

២ years មុន

នៅ

ថ្ងៃពុធ ២៤ មេសា ២០២៤

ដោយ

ភ្នំពេញ៖សមាគមអ្នកហោះហើរយន្តហោះខ្នាតតូចរបស់ថៃនឹងនាំយកយន្តហោះចំនួន១៦គ្រឿងដើម្បីធ្វើការហោះហើរបង្ហាញនៅតាមតំបន់ឆ្នេរនៃខេត្តព្រះសីហនុចំនួនពីរថ្ងៃគឺនៅថ្ងៃទី២៦ និង២៧ខែមេសាខាងមុខនេះ ដែលជាផលិតផលទេចរណ៍ថ្មីមួយទៀតក្នុងការទាក់ទាញទេចរក្នុងស្រុក និងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហូ វណ្ឌី ប្រធានក្រុមប្រឹក្សាភិបាលនៃសមាគមទេចរណ៍កម្ពុជា (CATA) បានថ្លែងប្រាប់កម្ពុជាថ្មីនៅព្រឹកថ្ងៃទី២៤ ខែមេសានេះថា សមាគមនេះនឹងចាប់ផ្តើមធ្វើការហោះហើរពីប្រទេសថៃមកកាន់ខេត្តព្រះសីហនុចាប់ពីថ្ងៃស្អែក (ថ្ងៃទី២៥ ខែមេសា) ខណៈដែរព្រឹត្តិការណ៍នៃការហោះហើរនឹងចាប់ផ្តើមចំនួនពីរថ្ងៃគឺថ្ងៃទី២៦ និង២៧ ខាងមុខនេះ។

លោកបានថ្លែងថា៖«នេះគឺជាព្រឹត្តិការណ៍តំបូងបំផុតនៅកម្ពុជា នាទីលានតេជោ (ពយតាមូង) ក្នុងក្រុងព្រះសីហនុ នឹងមានការបង្ហោះបង្អួតរាងយន្តហោះទេសចរណ៍ចំនួន១៦គ្រឿង ចាប់ពីថ្ងៃទី ២៦ដល់២៧ មេសា ២០២៤នេះ។ «ការហោះហើរនេះគឺជាផលិតផលទេចរណ៍ជាប្រវត្តិសាស្រ្តថ្មីមួយទៀតរបស់យើងក្នុងការបង្ហាញទៅកាន់ភ្ញៀវទេចរជាតិ និងអន្តរជាតិ»។

លោក ឡុង ឌីម៉ង់ ជាអភិបាលរងខេត្តព្រះសីហនុបានថ្លែងប្រាប់កម្ពុជាថ្មីនៅព្រឹកថ្ងៃទី២៤ ខែមេសានេះផងដែរថា ព្រឹត្តិការណ៍នៃការហោះហើរយន្តហោះ១៦គ្រឿងរបស់សមាគមអ្នកហោះហើរថៃ គឺបានសុំច្បាប់ហោះហើរពីរដ្ឋលេខាធិការរដ្ឋានអាកាសចរណ៍ស៊ីវិលរបស់កម្ពុជារួចរាល់អស់ហើយសម្រាប់ការហោះហើរបង្ហាញដល់ភ្ញៀវទេចរជាតិនិងអន្តរជាតិនាទីលានតេជោ (តំបន់ពយតាមូង) ក្នុងក្រុងព្រះសីហនុ។ លើសពីនោះ សកមាគមក៏បានកំពុងធ្វើការសហការជាមួយរដ្ឋបាលខេត្តព្រះសីហនុដើម្បីរៀបចំសម្រួលដល់ពួកគេហោះហើរនូវយន្តហោះធុនតូចដោយត្រង់ពីប្រទេសថៃមកាន់ខេត្តពរះសីហនុ។

លោកបានថ្លែងថា៖«វាជាការហោះហើររបៀបកម្សាន្តដែលហោះចូលមកខេត្តព្រះសីហនុរបស់យើង ក្នុងនោះយើងក៏រៀបចំកម្មវិធីនៃការហោះហើរតាមឆ្នេរនៃខេត្តព្រះសីហនុរបស់យើងដែលសាធារណជនអាចទស្សនានៃការហោះហើរយន្តហោះទាំង១៦គ្រឿងនេះបង្អួតរាងទាបៗតាមឆ្នេររបស់យើងជាពិសេស នៅតាមពយតាមូង»។

លោកបានថ្លែងបន្តទៀតថា៖«យើងនឹងរៀបចំប្រារព្ធពិធីមួយក្នុងការស្វាគមន៍ការហោះហើរនាថ្ងៃទី២៦ និងថ្ងៃទី២៩ខែមេសាខាងមុខនេះ ដែលនឹងមានការចូលរួមពីតំណាងរដ្ឋបាលខេត្តព្រះសីហនុ សមាគមហោះហើរថៃ សមាគមទេចរណ៍កម្ពុជាយើង និងពីក្រសួងទេចរណ៍ផងដែរ។សម្រាប់ព្រឹត្តិការណ៍គឺជាការទាក់ទាញភ្ញៀវទេសចរជាតិនិងអន្តរជាតិដែលចាប់អារម្មណ៍នៃការហោះហើរបង្ហាញនេះផងដែរ»។

លោកបានគូសបញ្ជាក់ទៀតថា៖« តាមរយៈការហោះហើរនេះ ក៏ជាការផ្សព្វផ្សាយនូវផលិតផលទេចរណ៍ថ្មីរបស់យើងទៅកាន់ភ្ញៀវទេចរក្នុងស្រុក និងអន្តរជាតិបានឃើញនូវសុវត្ថិភាព និងស្ថេរភាពក្នុងស្រុករបស់យើង ដែលក្នុងនោះទេចរថៃក៏ជាទេចរដ៏មាន សក្តានុពលរបស់យើងផងដែរ»។

បើយោងតាមលោក វណ្ឌី យន្តហោះទាំង១៦នោះក៏នឹងធ្វើការហោះហើរទៅកាន់ឆ្នេរនៃខេត្តកំពតផងដែរ និងតឡប់មកខេត្តព្រះសីហនុវិញមុននឹងធ្វើការហោះហើរត្រឡប់ទៅប្រទេសខ្លួននៅថ្ងៃ២៨ និង២៩។

លោកថា គិតមកដល់ពេលបច្ចុប្បន្ននេះ លំហូរនៃភ្ញៀវទេចរអន្តរជាតិមានភាពល្អប្រសើរ ជាពិសេសគឺភ្ញៀវពីក្នុងតំបន់នៅតែឈានមុខគេ ដែលក្នុងនោះភ្ញៀវថៃឈរលំដាប់កំពូល។

ក្នុងឆ្នាំ ២០២៣ កម្ពុជាទទួលបានភ្ញៀវទេសចរបរទេសចំនួន ៥,៤៥ លាននាក់ កើនឡើង ១៣៩,៥ ភាគរយ បើធៀបនឹងឆ្នាំ ២០២២ ចំណែកប្រាក់ដែលរកបានពីវិស័យទេសចរណ៍បរទេស ក្នុងឆ្នាំ ២០២៣ គឺមានប្រមាណ ៣,០៤ ពាន់លានដុល្លារ កើនឡើង ១១៥ ភាគរយពីចំនួន ១,៤១ ពាន់លានដុល្លារកាលពីឆ្នាំ ២០២២។ នេះបើតាមក្រសួងទេសចរណ៍៕

Related Topics:ខេត្តព្រះសីហនុ