សេដ្ឋកិច្ច
អាមេរិកដកអាជ្ញាប័ណ្ណនាំចេញមួយចំនួន របស់ក្រុមហ៊ុនផ្សេងៗដែលផ្គត់ផ្គង់ក្រុមហ៊ុនចិន Huawei
សហរដ្ឋអាមេរិកកាលពីថ្ងៃអង្គារ បានប្រកាសដកហូតអាជ្ញាប័ណ្ណនាំចេញផ្សេងៗ របស់ក្រុមហ៊ុនមួយចំនួន ដែលដឹកជញ្ជូន ឬផ្គត់ផ្គង់ទំនិញបច្ចេកវិទ្យា ដូចជាបន្ទះឈីប ទៅឱ្យក្រុមហ៊ុនទូរគមនាគមន៍ចិន Huawei Technologies ដែលរងទណ្ឌកម្មរបស់ក្រុងវ៉ាស៊ីនតោន។
ក្រសួងពាណិជ្ជកម្មអាមេរិក បាននិយាយក្នុងសេចក្តីថ្លែងការណ៍មួយយ៉ាងដូច្នេះថា៖ «យើងបានដកហូតអាជ្ញាប័ណ្ណមួយចំនួន ចំពោះការនាំចេញទំនិញទៅកាន់ក្រុមហ៊ុន Huawei»។
ក្រសួងមិនបានបញ្ជាក់ ថាតើក្រុមហ៊ុនណាមួយ ដែលខ្លួនបានដកអាជ្ញាប័ណ្ណនោះទេ។ ប៉ុន្តែទីភ្នាក់ងារសារព័ត៌មានរ៉យទ័រ បានរាយការណ៍ដោយស្រង់សម្ដីប្រភពដឹងច្បាស់លើបញ្ហានេះថា ការដកហូតអាជ្ញាប័ណ្ណនាំចេញរបស់ក្រុមហ៊ុនខ្លះ បានចូលជាធរមានភ្លាមៗ។
គួរគូសបញ្ជាក់ថា ចំណាត់ការរបស់អាមេរិកនាពេលនេះ ធ្វើឡើងក្រោយក្រុមហ៊ុន Huawei កាលពីខែមុន បានចេញលក់កុំព្យូទ័រយួរដៃ AI និង MateBook X Pro ដែលរត់បន្ទះឈីប Core Ultra 9 របស់ក្រុមហ៊ុនអាមេរិក Intel។ ការចេញលក់នេះ ធ្វើឱ្យមានការរិះគន់ពីសមាជិកសភាគណបក្សសាធារណរដ្ឋ ដែលនិយាយថា ក្រសួងពាណិជ្ជកម្មបើកដៃឱ្យក្រុមហ៊ុន Intel លក់បន្ទះឈីបទៅក្រុមហ៊ុន Huawei។
សមាជិកសភានៃសាធារណរដ្ឋនិយាយផងដែរថា ការរឹតត្បឹតការផ្គត់ផ្គង់ឱ្យក្រុមហ៊ុន Huawei នឹងពង្រឹងសន្តិសុខជាតិរបស់សហរដ្ឋអាមេរិក ការពារគំនិតនៃការបង្កើតថ្មីរបស់អាមេរិក និងកាត់បន្ថយសមត្ថភាពរបស់ចិនកុម្មុយនិស្តក្នុងការពន្លឿនបច្ចេកវិទ្យារបស់ខ្លួន។
ទោះបីជាវាអាស្រ័យលើប្រភេទអាជ្ញាប័ណ្ណដែលត្រូវដកហូតក៏ដោយ ចំណាត់ការរបស់ក្រសួងពាណិជ្ជកម្មអាមេរិក អាចប៉ះពាល់ដល់ក្រុមហ៊ុន Huawei ដែលនៅតែពឹងផ្អែកលើបន្ទះឈីបពីក្រុមហ៊ុន Intel។ មិនត្រឹមតែប៉ុណ្ណេះ វាអាចប៉ះពាល់ដល់ក្រុមហ៊ុនផ្គត់ផ្គង់សហរដ្ឋអាមេរិក ដែលធ្វើអាជីវកម្មជាមួយក្រុមហ៊ុនចិនមួយនេះ ផងដែរ។
គួរគូសបញ្ជាក់ថា ក្រុមហ៊ុន Huawei បានធ្លាក់ចូលនៅក្នុងបញ្ជីរឹតបន្តឹងពាណិជ្ជកម្មរបស់អាមេរិកក្នុងឆ្នាំ ២០១៩ ចំពេលមានការភ័យខ្លាចថា ក្រុមហ៊ុននេះអាចស៊ើបយកការណ៍លើជនជាតិអាមេរិក ដែលជាផ្នែកមួយនៃកិច្ចខិតខំប្រឹងប្រែងយ៉ាងធំរបស់ក្រុងវ៉ាស៊ីនតោន ក្នុងការរារាំងចិនកុំឱ្យរុលរហ័សលើការអភិវឌ្ឍវិស័យយោធា។ ការស្ថិតនៅក្នុងបញ្ជីរឹតបណ្ដឹង មានន័យថា ក្រុមហ៊ុនផ្គត់ផ្គង់របស់ Huawei ត្រូវតែមានអាជ្ញាប័ណ្ណពិសេសមុនពេលដឹកជញ្ជូន ទោះបីជាអាជ្ញាប័ណ្ណបែបនេះពិបាកទទួលបានក៏ដោយ៕
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២០ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ