សេដ្ឋកិច្ច
តម្លៃទីផ្សារសាច់ជ្រូកប្រែប្រួលយ៉ាងណា ក្រោយវិធានការផ្អាកនាំចូលសាច់បង្កក
អាជីវករលក់សាច់ជ្រូក និងឈ្មួញកណ្ដាលបានលើកឡើងថា ស្ថានភាពលក់សាច់ជ្រូកនៅលើទីផ្សារហាក់មិនទាន់មានភាពល្អប្រសើរនៅឡើយនោះទេ ទោះមានវិធានការផ្អាកការនាំចូល «គ្រឿងក្នុង និងបំណែកសាច់បង្កក» ពីរដ្ឋាភិបាលជាបណ្តោះអាសន្នក្នុងរយៈពេល ៦ ខែ។
អាជីវករលក់សាច់ជ្រូក នៅសង្កាត់ស្ទឹងមានជ័យ អ្នកស្រី ហាវ ឈួវវង ប្រាប់ថា អ្នកស្រីនៅតែលក់មិនដាច់ ទោះមានវិធានការផ្អាកការនាំគ្រឿងក្នុងចូល។
លោក ញ៉ែម សាក់ សមាជិកសមាគមអ្នកចិញ្ចឹមសត្វកម្ពុជា ប្រាប់កម្ពុជាថ្មីនៅថ្ងៃទី ២៣ ខែឧសភា ឆ្នាំ ២០២៤ នេះថា ស្ថានភាពទីផ្សារតម្លៃ និងបរិមាណលក់សាច់ជ្រូកហាក់មិនមានកំណើនណាស់ណានោះទេ។
លោកបញ្ជាក់ថា តម្លៃជ្រូករស់កើនឡើងដល់ ១ ម៉ឺន ៥០០ រៀល មែន ប៉ុន្តែទីផ្សារលក់ចេញនៅតែមិនទាន់ល្អ ដោយសារមានក្រុមហ៊ុនផ្គត់ផ្គង់មួយចំនួន លក់ជ្រូកពន្លះសាច់ហើយក្នុងតម្លៃ ១ ម៉ឺន ១ ពាន់រៀល ដែលប្រហាក់ប្រហែលនឹងជ្រូករស់របស់កសិករដែរ ដើម្បីប្រជែងយកទីផ្សារ។
លោកប្រាប់ថា បច្ចុប្បន្នអ្នកចិញ្ចឹមជ្រូកអាចចំណេញដែរ តែក្នុងកម្រិតតិចតូចត្រឹម ៣០ ដុល្លារក្នុងមួយក្បាលបបន្ទាប់ពីទូទាត់លើការចិញ្ចឹម។
លោក ម៉ូវ ឃាង ម្ចាស់សត្តឃាតដ្ឋាននៅក្រុងតាខ្មៅ បានឱ្យដឹងដែរថា ទីតាំងរបស់លោកកាប់ជ្រូកលក់ចេញចន្លោះពី ២០ ទៅ ៣០ ក្បាល ក្នុងមួយថ្ងៃ ខណៈស្ថានភាពលក់ចេញមិនមានកំណើនប្រែប្រួលច្រើននោះទេ រីឯតម្លៃក៏កើនតិចតូចដែរ លោកថា កន្លែងរបស់លោក លក់សាច់ជ្រូកដែលពន្លះសាច់ហើយ ក្នុងតម្លៃ ១ ម៉ឺន ៣០០០ រៀល ក្នុងមួយគីឡូក្រាម។
រាជរដ្ឋាភិបាលកម្ពុជា បានបានសម្រេចផ្អាកនាំចូលគ្រឿងក្នុង និងបំណែកសាច់បង្កក ជាបណ្ដោះអាសន្ន រយៈពេល ៦ខែចាប់ពីថ្ងៃទី ១២ ខែមីនា ដល់ថ្ងៃទី ១២ ខែកញ្ញា ឆ្នាំ ២០២៤។
ផលិតផលនេះ មានដូចជា អណ្តាតគោ និងក្របីបង្កក, ថ្លើមគោក្របីបង្កក, គ្រឿងក្នុងគោបង្កកផ្សេងៗ, ថ្លើមសត្វមាន់បង្កក, សាច់ និងគ្រឿងក្នុងមាន់បង្កក។
ចំណែក ពោះវៀន, ប្លោក និងក្រពះទាំងមូល ឬជាផ្នែកនៃសត្វស្រស់ ក្លាស្សេ បង្កក ប្រឡាក់អំបិល ត្រាំទឹកអំបិល សម្ងួត ឬឆ្អើររួច ក៏ត្រូវហាមឃាត់ដែរ៕
អត្ថបទ៖ ឡេង ដេត
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៩ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ