ក្រុមហ៊ុនចំនួន ៧ ទទួលបានអនុញ្ញាតឱ្យនាំចូលសាច់បង្កកចរាចរណ៍លើទីផ្សារកម្ពុជា

អគ្គនាយកដ្ឋានគយ និងរដ្ឋាករកម្ពុជា និងអគ្គនាយកដ្ឋានសុខភាពសត្វ និងផលិតកម្មសត្វ បាន​ឱ្យ​ដឹង​ថា ​​ក្រុមហ៊ុន​ចំនួន​ ៧ ត្រូវ​បាន​រាជរដ្ឋាភិបាល​កំណត់​ជា​ក្រុមហ៊ុនមានគុណវុឌ្ឍ​អាច​នាំ​ចូល​មុខ​ទំនិញ​សាច់​បង្កក​ចរាចរណ៍​នៅ​លើ​ទីផ្សារ​កម្ពុជា​។

តាម​សេចក្តី​ប្រកាស​ព័ត៌មាន​របស់​អគ្គនាយកដ្ឋានគយនិងរដ្ឋាករកម្ពុជា និងអគ្គនាយកដ្ឋានសុខភាពសត្វ និង​ផលិត​កម្ម​សត្វ បាន​គូស​បញ្ជាក់​ឱ្យ​​ដឹង​ថា ដើម្បីពង្រឹង ប្រសិទ្ធភាព​នៃ​ការ​គ្រប់គ្រង​ការ​នាំ​ចូលមុខ​ទំនិញ​សាច់​បង្កក រាជរដ្ឋាភិបាល​បាន​កំណត់​ក្រុមហ៊ុនមានគុណវុឌ្ឍនាំចូលមុខទំនិញសាច់បង្កក ជំហានទី៥ ចំនួន ៧ ក្រុមហ៊ុនបន្ថែមទៀត។

ក្រុម​ហ៊ុន​ទាំង​ ៧ ដែល​ទទួល​បាន​ការ​អនុញ្ញាត​នាំ​ចូល​បង្កក​ដើម្បី​ចរាចរណ៍​លើ​ទីផ្សារ​កម្ពុជា រួម​មាន៖ ទី១ ក្រុមហ៊ុន ពង្ស ហួត ឌីវេឡុបម៉ឺន អហ្វ អេហ្វី ខលឈរ (ភីអេច-ឌីអេ) ឯ.ក 9. PONG HUOT DEVELOPMENT OF AGRICULTURE (PH-DA) CO., LTD, ទី​២ ក្រុមហ៊ុន មីងយីស័ន ហ្វូដ (ហ្វូហ្សិន) អ៊ីមផត អេន អិចផត ឯ.ក MINGYIXUAN FOOD (FROZEN) IMPORT AND EXPORT CO., LTD, ទី​៣ ក្រុមហ៊ុន ប្រាយម៍ ខេមហ្វីដ ឯ.ក PRIME CAMFOOD CO., LTD.

ទី៤ ក្រុមហ៊ុន ឃ្លីប07 អ៊ុមផត អិចផត ឯ.ក CLIP07 IMPORT EXPORT CO., LTD , ទី៥ ក្រុមហ៊ុន សោម រ៉ានី អ៊ីមផង អិចផត ឯ.ក SORM RANY IMPORT EXPORT CO.,LTD. , ទី៦ ក្រុមហ៊ុន គីម ហុង ហេង ហ្គ្រោស ឯ.ក KIM HONG HENG GROWTH CO.,LTD និង​ក្រុមហ៊ុន វ័លជូហ្វ ហ៊ីលតុន ឯ.ក WALDORF HILTON CO.,LFTD ។

សូម​ជម្រាប​ថា ក្រុមហ៊ុន​វិនិយោគ​មាន​លក្ខណសម្បត្តិ​គ្រប់គ្រាន់ (គ.ល.គ) ត្រូវ​បាន​សម្គាល់​ជា​ក្រុមហ៊ុន​មាន​គុណវុឌ្ឍិ​សម្រាប់​នាំ​ចូល​មុខ​ទំនិញ​សាច់​បង្កក​ដោយ​ស្វ័យ​ប្រវត្តិ៕