ព័ត៌មានអន្ដរជាតិ

តម្លៃប្រេងធ្លាក់ចុះជាង២ដុល្លារ ដោយសារវឌ្ឍនភាពនៃកិច្ចចរចាជម្លោះអ៊ីស្រាអែល-ហាម៉ាស់

បានផុស

២ years មុន

នៅ

ថ្ងៃសៅរ៍ ២០ កក្កដា ២០២៤

ដោយ

តម្លៃប្រេងបានធ្លាក់ចុះជាង ២ ដុល្លារ កាលពីថ្ងៃសុក្រ ដែលជាថ្ងៃបញ្ចប់ការជួញដូរប្រចាំសប្ដាហ៍ ដោយសារតែវឌ្ឍនភាពនៃកិច្ចចរចាឆ្ពោះទៅរកបទឈប់បាញ់នៃជម្លោះអ៊ីស្រាអែល-ហាម៉ាស់ និងភាពរឹងមាំនៃលុយដុល្លារ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគតម៉ាក Brent បានធ្លាក់ចុះ ២,៤៨ ដុល្លារ ឬ ២,៩ ភាគរយ មកនៅត្រឹម ៨២,៦៣ ដុល្លារ/បារ៉ែល។ ចំណែកឯតម្លៃប្រេងឆៅនាពេលអនាគតអាមេរិក ម៉ាក West Texas Intermediate វិញ បានធ្លាក់ចុះ ២,៦៩ ដុល្លារ ឬ ៣,៣ ភាគរយ នៅត្រឹម ៨០,១៣ ដុល្លារ/បារ៉ែល។

ការធ្លាក់ចុះកើតឡើង ខណៈរដ្ឋមន្ត្រីការបរទេសអាមេរិក លោក អ៊ែនថូនី ប្ល៊ីងកែន បានឱ្យដឹងថា បទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន ហាម៉ាស់ ក៏ដូចជាការផ្លាស់ប្ដូរចំណាប់ខ្មាំង ជិតសម្រេចបានហើយ។

គួរគូសបញ្ជាក់ថា សង្រ្គាមនៅហ្គាហ្សាកន្លងមក បានបង្កហានិភ័យផ្នែកផ្គត់ផ្គង់ទូទាំងពិភពលោក។ ប្រសិនបើបទឈប់បាញ់សម្រេចឡើង នោះក្រុមប្រដាប់អាវុធហ៊ូធីរបស់យេម៉ែន នឹងឈប់វាយប្រហារលើនាវាពាណិជ្ជកម្មនៅសមុទ្រក្រហម ដែលនឹងផ្អាកលើរំខានដល់ដំណើរដឹកជញ្ជូនរបស់សកល។

ជាមួយគ្នានេះ សន្ទស្សន៍ប្រាក់ដុល្លារអាមេរិកបានកើនឡើង បន្ទាប់ពីទិន្នន័យរបស់រដ្ឋាភិបាលអាមេរិកបានបង្ហាញថា ទីផ្សារការងារ និងផលិតកម្មក្នុងស្រុកមានសភាពខ្លាំងជាងការរំពឹងទុក ដោយបន្ថែមសម្ពាធលើតម្លៃប្រេង៕

Related Topics:តម្លៃប្រេង