IMF ជំរុញឱ្យវិស័យឯកជនបន្តលើកកម្ពស់ការប្រើប្រាស់ប្រាក់រៀលដើម្បីធ្វើឱ្យសេដ្ឋកិច្ចជាតិកាន់តែរឹងមាំ

លោក Yury Achkasov ទីប្រឹក្សា ផ្នែកប្រតិបត្តិការប្តូរប្រាក់និងរូបិយវត្ថុប្រចាំកម្ពុជា របស់ការិយាល័យអភិវឌ្ឍន៍សមត្ថភាពរបស់មូលនិធិ រូបិយវត្ថុអន្តរជាតិ (IMF )ប្រចាំប្រទេសថៃ (CDOT) បានស្នើដល់សមាជិកនៃសភាពាណិជ្ជកម្មកម្ពុជាបន្តជំរុញការប្រើប្រាស់រូបបិយប័ណ្ណក្នុងស្រុកដើម្បីធ្វើឱ្យសេដ្ឋកិច្ចកម្ពុជាកាន់តែរឹងមាំ និងមិនងាយទទួលរងឥទ្ធិពលអវិជ្ជមានពីការប្រែប្រួល​អត្រាប្តូរប្រាក់នៃរូបិយបណ្ណអន្តរជាតិ។

ការលើកឡើងរបស់លោក Yury Achkasov ធ្វើឡើងក្នុងជំនួបជាមួយលោក លឹម ហេង អនុប្រធានសភាពាណិជ្ជកម្មកម្ពុជា និងសមាជិកសមាជិកា ​កាលពីថ្ងៃទី១៦ ខែកញ្ញា ​ នៅទីស្តីកាសភា​  ក្នុងគោលបំណងពិនិត្យ និងកែសម្រួលសេចក្តីព្រាងយុទ្ធសាស្ត្រ លើកកម្ពស់ការប្រើប្រាស់ប្រាក់រៀល។

លោកថា ទិន្នន័យអត្ថប្រយោជន៍និងហានិភ័យដុល្លារូបនីយកម្មនៃប្រតិបត្តិការធុរកិច្ច ជាធាតុ ដ៏សំខាន់សម្រាប់សេចក្តីព្រាងយុទ្ធសាស្ត្រលើកកម្ពស់ការប្រើប្រាស់ប្រាក់រៀល ក្រុមបេសកកម្មមាន បំណងស្វែងយល់បន្ថែមពីវិស័យឯកជន ដែលសភាពាណិជ្ជកម្មកម្ពុជា ដើតួយ៉ាងសំខាន់ឲ្យវិស័យឯកជន។

អ្នកឧកញ៉ា ​ក៏បានផ្តល់ធាតុចូល និងផ្តល់អនុសាសន៍ ជាច្រើន ដូចជាការប្រើប្រាស់ប្រាក់រៀល តាមហាងលក់រាយ នឹងស្នើសុំឲ្យអនុវត្តសម្រាប់គ្រប់ភាគីទាំងអស់ដែលកំពុងធ្វើប្រតិបត្តិការធុរកិច្ច និងវិនិយោគនៅកម្ពុជា ឲ្យបែមកប្រើប្រាស់ប្រាក់រៀល ហើយសម្រាប់ជាពិសេសក្នុងវិស័យទេសចរណ៍។

អ្នកឧកញ៉ា លឹម ហេងបានលើកឡើងថា៖«ក្នុងនាមសភាពាណិជ្ជកម្ម តំណាងវិស័យឯកជន សូមគាំទ្រយ៉ាងពេញទំហឹងអនុវត្ត នឹងឯកភាពស្របតាមយុទ្ធសាស្រ្តដែលបានកំពុងធ្វើការលើកកម្ពស់ការប្រើប្រាស់ប្រាក់រៀលនៅកម្ពុជា របស់រដ្ឋាភិបាល ជាពិសេស ធនាគារជាតិ នៃកម្ពុជា»។

​IMF​ ក៏បានផ្តល់ជាគន្លឹះសំខាន់ៗ ជាបទពិសោធន៍ ដែលប្រទេសមួយចំនួននៅតំបន់អាមេរិកឡាទីន និងតំបន់អាស៊ាន និងប្រទេសជាច្រើន បានប្រែមកគាំទ្រប្រើប្រាស់រូបិយវត្ថុ ជាតិរបស់ខ្លួនបានទាំងស្រុងវិញ ទាំងនេះហើយ ជាមូលដ្ឋានសម្រាប់កម្ពុជា ក្នុងការគាំទ្រការប្រើប្រាស់ប្រាក់រៀល ផងដែរ។

ក្រុមការងារបច្ចេកទេស និងអ្នកជំនាញការ ក្រោមជំនួយបច្ចេកទេស របស់​IMF​ នៃធនាគារជាតិ នៃកម្ពុជា នឹងយកធាតុចូល នឹងអនុសាសន៍ដែលបានលើកឡើង ដោយអ្នកឧកញ៉ាតំណាងវិស័យឯកជន នឹងពីសមាគមជាច្រើនដែលបានចូលរួមក្នុងអង្គពិភាស្សានេះ ទៅសិក្សាស្វែងយល់បន្ថែម នឹងដាកបញ្ចូលទៅក្នុងសេចក្តីព្រាងយុទ្ធសាស្ត្រលើកកម្ពស់ការប្រើប្រាស់ប្រាក់រៀល៕