ព័ត៌មានអន្ដរជាតិ

ជាមធ្យម គ្រួសារនៅសិង្ហបុរី រកចំណូលបាន ១,១ ម៉ឺនដុល្លារ/ខែ នៅឆ្នាំ ២០២៣

បានផុស

៤ ខែ មុន

នៅ

ថ្ងៃចន្ទ ២ ធ្នូ ២០២៤

ដោយ

ប្រាក់ចំណូលនៃគ្រួសារសិង្ហបុរី បានកើនឡើងលឿនជាងកំណើននៃការចំណាយក្នុងឆ្នាំ ២០២៣ ធៀបនឹងរយៈពេល ៥ ឆ្នាំចុងក្រោយ ដែលនេះជាលទ្ធផលនៃការឧបត្ថម្ភធនរបស់រដ្ឋាភិបាល និងការផ្លាស់ប្តូរទម្លាប់នៃការចំណាយ។ នេះបើតាមការចុះផ្សាយរបស់កាសែត VnExpress។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការស្ទង់មតិការចំណាយគ្រួសារឆ្នាំ ២០២៣ ដែលបានចេញផ្សាយកាលពីសប្ដាហ៍មុន ប្រាក់ចំណូលគ្រួសារប្រចាំខែជាមធ្យម បានកើនឡើង ៤,១ ភាគរយ ជារៀងរាល់ឆ្នាំ ពី ១២ ៦៦១ ដុល្លារសិង្ហបុរី (៩ ៤១៦ ដុល្លារអាមេរិក) នៅឆ្នាំ ២០១៧/១៨ ដល់ ១៥ ៤៧៣ ដុល្លារសិង្ហបុរី (១១ ៤៩៩ ដុល្លារអាមេរិក) នៅឆ្នាំ ២០២៣។

ផ្ទុយទៅវិញ ការចំណាយក្នុងគ្រួសារប្រចាំខែបានកើនឡើងក្នុងអត្រាយឺតជាង នៅ ២,៨ ភាគរយ ក្នុង១ឆ្នាំៗ ដោយកើនពី ៥ ១៦៣ ដុល្លារសិង្ហបុរី នៅឆ្នាំ ២០១៧/១៨ ដល់ ៥ ៩៣១ ដុល្លារសិង្ហបុរី នៅឆ្នាំ ២០២៣។

ការស្ទង់មតិនេះ រាប់បញ្ចូលប្រាក់ចំណូលពីការងារ ការវិនិយោគ និងការទូទាត់របស់រដ្ឋាភិបាលជាដើម។ ការបង្វិលសង និងការឧបត្ថម្ភធនរបស់រដ្ឋាភិបាល បានដើរតួនាទីយ៉ាងសំខាន់ក្នុងការជួយគ្រួសារទប់ទល់នឹងការកើនឡើងនៃការចំណាយ។

ការចំណាយលើទីជម្រក អាហារ និងការដឹកជញ្ជូន នៅតែរួមចំណែកធំជាងគេលើការចំណាយគ្រួសារ ដែលរួមមាន ៦៣,២ ភាគរយ នៃការចំណាយប្រចាំខែ ក្នុងឆ្នាំ ២០២៣ ដោយថយចុះបន្តិចពី ៦៤ ភាគរយ ក្នុងឆ្នាំ ២០១៧/១៨៕