ព័ត៌មានអន្ដរជាតិ

សេដ្ឋកិច្ចសិង្ហបុរីកើន ៥% ឆ្នាំមុន ដោយខ្ពស់ជាងការរំពឹងទុក

បានផុស

៥ ខែ មុន

នៅ

ថ្ងៃព្រហស្បតិ៍ ១២ កុម្ភៈ ២០២៦

ដោយ

សេដ្ឋកិច្ចរបស់ប្រទេសសិង្ហបុរី បានកើនឡើង ៥% កាលពីឆ្នាំ ២០២៥ ដោយខ្ពស់ជាងការរំពឹងទុក ៤,៨% ប៉ុន្តែទាបជាងកំណើន ៥,៣% នៅឆ្នាំ ២០២៤។ នេះបើតាមការឱ្យដឹងរបស់ក្រសួងពាណិជ្ជកម្ម និងឧស្សាហកម្មសិង្ហបុរី កាលពីថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងកំណើនល្អនៅចុងឆ្នាំ ២០២៥ ក្រសួងបានដំឡើងការព្យាករសម្រាប់ឆ្នាំ ២០២៦ ដល់ចន្លោះពី ២-៤% ធៀបនឹង ១-៣% ក្នុងការព្យាករនៅខែវិច្ឆិកា ឆ្នាំមុន។

ក្រសួងនិយាយថា សេដ្ឋកិច្ចពិភពលោកមានដំណើរការល្អជាងការរំពឹងទុក ដោយសេដ្ឋកិច្ចធំៗភាគច្រើនបានប្រកាសពីកំណើនខ្លាំងជាងការរំពឹងទុកនៅត្រីមាសទី៤ ឆ្នាំ ២០២៤។ ក្រសួងបន្ថែមថា សកម្មភាពពាណិជ្ជកម្មពិភពលោកនៅតែមានភាពធន់ ហើយសន្ទុះបែបនេះ បន្តចូលដល់ឆ្នាំ ២០២៦ ទោះបីជាមានហានិភ័យពីការដាក់ពន្ធបដិការរបស់សហរដ្ឋអាមេរិកក្ដី។

មែនទែនទៅ កំណើនសេដ្ឋកិច្ចរបស់ប្រទេសសិង្ហបុរីក្នុងឆ្នាំ ២០២៥ ត្រូវបានជំរុញជាចម្បងដោយវិស័យផលិតកម្ម ពាណិជ្ជកម្មលក់ដុំ និងវិស័យហិរញ្ញវត្ថុ និងធានារ៉ាប់រង។

ក្នុងវិស័យផលិតកម្ម គ្រឿងអេឡិចត្រូនិកបានរីកចម្រើនយ៉ាងខ្លាំង ខណៈផ្នែកគ្រឿងចក្រ ឧបករណ៍ និងសម្ភារៈផ្គត់ផ្គង់សម្រាប់ពាណិជ្ជកម្មលក់ដុំ ក៏បានបង្ហាញពីកំណើនរឹងមាំផងដែរ ដោយសារតែតម្រូវការខ្លាំងសម្រាប់គ្រឿងអេឡិចត្រូនិកទាក់ទងនឹងបញ្ញាសិប្បនិម្មិត (AI)។

គ្រប់ផ្នែកទាំងអស់នៃវិស័យហិរញ្ញវត្ថុ និងធានារ៉ាប់រង បានកត់ត្រាកំណើនយ៉ាងទូលំទូលាយ ប៉ុន្តែវិស័យសេវាកម្មម្ហូបអាហារ និងភេសជ្ជៈបានធ្លាក់ចុះ។