សេដ្ឋកិច្ច
កូរ៉េសិក្សាលទ្ធភាព បង្កើតរោងចក្រកែច្នៃស្វាយចន្ទី នៅកម្ពុជា
សមាគមស្វាយចន្ទីកម្ពុជានៅថ្ងៃទី ០២ ខែកញ្ញា ឆ្នាំ ២០២៥ បានរៀបចំកិច្ចប្រជុំធុរកិច្ចជាមួយលេខាធិការទី២ នៃស្ថានទូតនៃសាធារណរដ្ឋកូរ៉េប្រចាំកម្ពុជា និងអគ្គនាយកនៃទីភ្នាក់ងារជំរុញពាណិជ្ជកម្ម-វិនិយោគកូរ៉េ (KOTRA) ដើម្បីស្វែងយល់ពីកិច្ចសហការដ៏មានសក្តានុពលនៅក្នុងឧស្សាហកម្មស្វាយចន្ទីរបស់កម្ពុជា។
ទីភ្នាក់ងារ KOTRA ចាប់អារម្មណ៍យ៉ាងខ្លាំងក្នុងការស្វែងយល់ពីឧស្សាហកម្មស្វាយចន្ទីរបស់កម្ពុជា រួមទាំងរចនាសម្ព័ន្ធប្រតិបត្តិការ សក្តានុពលវិនិយោគ និងតួនាទីដែលសមាគមស្វាយចន្ទីកម្ពុជា អាចដើរតួក្នុងការគាំទ្រវិនិយោគិនកូរ៉េ។
ការពិភាក្សាបានផ្តោតលើលទ្ធភាពនៃការបង្កើតរោងចក្រកែច្នៃស្វាយចន្ទីនៅកម្ពុជា និងរបៀបដែលវិនិយោគិនអាចទទួលបានអត្ថប្រយោជន៍ពីការគាំទ្រ និងការលើកទឹកចិត្តក្នុងស្រុក។
លោក អួន ស៊ីឡុត ប្រធានសមាគមស្វាយចន្ទីកម្ពុជា បានប្រាប់ឱ្យដឹងថា គោលនយោបាយលើកទឹកចិត្តវិនិយោគស្ថិតនៅក្រោមដែនសមត្ថកិច្ចរបស់ស្ថាប័នពាក់ព័ន្ធរបស់រដ្ឋាភិបាលកម្ពុជា ហើយបានសង្កត់ធ្ងន់លើសមត្ថភាពរបស់ខ្លួនក្នុងការគាំទ្រអ្នកវិនិយោគកូរ៉េ នៅក្នុងផ្នែកសំខាន់ៗដទៃទៀត។
បើតាមលោក អួន ស៊ីឡុត សមាគមស្វាយចន្ទីកម្ពុជា អាចជួយសម្រួលដល់ការតភ្ជាប់រវាងអ្នកវិនិយោគ និងកសិករក្នុងស្រុក និងសហគមន៍កសិកម្ម។
លើសពីនេះ សមាគមស្វាយចន្ទីកម្ពុជា មានសមត្ថភាពរៀបចំការផ្គូផ្គងអាជីវកម្ម និងការរៀបចំការធ្វើកិច្ចសន្យា កសិកម្ម ដោយជួយធានាបាននូវការផ្គត់ផ្គង់គ្រាប់ស្វាយចន្ទីឆៅសម្រាប់រោចក្រកែច្នៃប្រកបដោយស្ថិរភាព។
ការផលិតគ្រាប់ចន្ទីជាមធ្យមប្រចាំឆ្នាំរបស់កម្ពុជាមានចំនួនប្រប្រមាណ ៨០ ម៉ឺនតោន។ ជាមួយនឹងការសម្របសម្រួល និងការគាំទ្រត្រឹមត្រូវពីអាជ្ញាធរ សមាគមស្វាយចន្ទីកម្ពុជាជឿជាក់ថា គំនិតផ្តួចផ្តើមទាំងនេះអាចជួយអ្នកវិនិយោគធានាបាននូវវត្ថុធាតុដើមពេញមួយឆ្នាំ និងបង្កើនភាពជឿជាក់ជារួមនៃខ្សែច្រវាក់ផ្គត់ផ្គង់ ជាការពិចារណាដ៏សំខាន់សម្រាប់ក្រុមហ៊ុនបរទេសដែលចូលមកក្នុងទីផ្សារកម្ពុជា។
អគ្គនាយកនៃទីភ្នាក់ងារជំរុញពាណិជ្ជកម្ម-វិនិយោគកូរ៉េ (KOTRA) បានស្វាគមន៍ចំពោះការយល់ដឹងពីផែនការរបស់ សមាគមស្វាយចន្ទីកម្ពុជា និងគ្រោងស្វះស្វែងពិគ្រោះយោបល់បន្ថែមជាមួយមន្ត្រីរដ្ឋាភិបាលកម្ពុជា ដែលទទួលខុសត្រូវក្នុងការអភិវឌ្ឍន៍វិស័យស្វាយចន្ទី ដើម្បីប្រមូលព័ត៌មានលម្អិតអំពីការលើកទឹកចិត្តដែលមានសម្រាប់ការវិនិយោគ។
កិច្ចសហការនេះ គឺជាជំហានដ៏ជោគជ័យមួយ ឆ្ពោះទៅរកការពង្រឹងទំនាក់ទំនងសេដ្ឋកិច្ចរវាងកូរ៉េខាងត្បូង និងកម្ពុជា ជាពិសេសនៅក្នុងវិស័យកែច្នៃកសិ-ឧស្សាហកម្មគ្រាប់ស្វាយចន្ទី។
អគ្គនាយកនៃទីភ្នាក់ងារជំរុញពាណិជ្ជកម្ម-វិនិយោគកូរ៉េ (KOTRA) ជាទីភ្នាក់ងារជំរុញពាណិជ្ជកម្ម និងការវិនិយោគបរទេសរបស់រដ្ឋាភិបាលកូរ៉េខាងត្បូង ដំណើរការការិយាល័យចំនួន ១២៨ នៅក្នុងប្រទេសចំនួន ៨៣។
អង្គការនេះដើរតួនាទីយ៉ាងសំខាន់ក្នុងការសម្រួលពាណិជ្ជកម្មសកល ដោយភ្ជាប់អ្នកទិញបរទេស អ្នកវិនិយោគ និងសហគ្រិនកូរ៉េ តាមរយៈការតាំងពិព័រណ៍ពាណិជ្ជកម្ម និងគណៈប្រតិភូអាជីវកម្ម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ