សុំកុំ​ចេញក្រៅ​ផ្ទះ ភូមិ​ចំនួន ៣ នៅខណ្ឌ​ច្បារអំពៅ ​​កំពុង​ផ្ទុះ​​រាលដាល​​ អ្នក​ឆ្លងកូវីដ

អនុគណៈកម្មការ​ស្រាវជ្រាវកូវីដ ១៩ នៅ​មុននេះ​បាន​ប្រកាស​ភូមិចំនួន ០៣ ក្នុង​ខណ្ឌ​ច្បារអំពៅក្នុង​បញ្ជី​ក្រហម ក្រោយ​ រកឃើញការ​ឆ្លង​រាលដាលធ្ងន់ធ្ងរ​ក្នុង​សហគមន៍។ បងប្អូនប្រជាពលរដ្ឋ ដែលរស់នៅក្នុង​ភូមិខាងក្រោម ប្រសិនបើមិនចាំបាច់ សូមកុំចេញពីផ្ទះ និង​បន្ត​ប្រុងប្រយ័ត្នការពារ​ខ្លួន។

-ភូមិដើមចាន់/១ សង្កាត់ច្បារអំពៅទី២ ខណ្ឌច្បារអំពៅ
-ភូមិកណ្តាល/១ សង្កាត់ច្បារអំពៅទី២​ ខណ្ឌច្បារអំពៅ
-ភូមិដើមស្លែង/១ សង្កាត់ច្បារអំពៅទី២​ ខណ្ឌច្បារអំពៅ

គួរ​បញ្ជាក់ថា មូលដ្ឋាន​ខណ្ឌ​ច្បារអំពៅស្ថិត​នៅ​តំបន់លឿង និងលឿងទុំ។ យ៉ាងណាមិញអាជ្ញាធរ​នៅតែ​បន្ត​រិតត្បិត​ការធ្វើដំណើរចេញចូលនៅតំបន់មានហានិភ័យខ្ពស់។ ដូចជា​នៅ​ភូមិកោះនរា ស្ថិតក្នុងសង្កាត់និរោធ ខណ្ឌច្បារអំពៅ អាជ្ញាធរ​បានសម្រេចបិទច្រកចេញចូលលើកលែងតែអ្នកមានលិខិតបេសកកម្ម និងត្រូវចេញទៅរកមន្ទីរពេទ្យ។

ការបិទផ្លូវចេញចូលភូមិកោះនរានេះ គឺធ្វើឡើងតាំងពីម៉ោង០០នាទីឆ្លងចូលថ្ងៃទី២៩ ខែមេសា ដោយក្នុងនោះអ្នកចេញចូលបានមានតែអ្នកមានលិខិតបេសសកម្មនិងរថយន្តសង្រ្គោះឬអ្នកមានជំងឺចាំបាច់ត្រូវការសង្រ្គោះ។

បើ​តាម​លោកអ៊ុង រ៉ូន បានបញ្ជាក់ថា មូលហេតុដែលអ្នកភូមិកោះនរាត្រូវបានបិទមិនអនុញាតឲ្យចេញចូលដោយសារតែឆ្លង​រាល​ដាលជំងឺកូវីដ១៩ជាសហគមន៍ ពាក់ព័ន្ធ​បន្ទប់ព្យាបាលជំងឺមួយ​កន្លែង មានទីតាំងផ្ទះលេខ១៦៥ ផ្លូវ​៣៤៩​ភូមិ​កោះនរា សង្កាត់និរោធបានឆ្លងជំងឺកូវីដក្នុងគ្រួសាររហូតដល់៥នាក់តាំងពីថ្ងៃទី២៤ខែមេសាមក៕