កូវីដ-១៩

ក្រោយរកឃើញអ្នកវិជ្ជមានកូវីដ-១៩ ច្រើននាក់ នៅកាស៊ីណូ ក្នុងខេត្តកំពត កាស៊ីណូ២ទៀត អាចប្រឈមនឹងការឆ្លងផងដែរ

បានផុស

៥ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

បន្ទាប់ពីកាស៊ីណូ សុខគីមម៉េង(តន់ហន់) ក្នុងឃុំព្រែកក្រឹស ស្រុកកំពង់ត្រាច ខេត្តកំពត ត្រូវបានរកឃើញអ្នកវិជ្ជមាន កូវីដ-១៩ ចំនួន៤នាក់ និងមានអ្នកពាក់ព័ន្ធ ដោយផ្ទាល់ និងប្រយោលជាច្រើននាក់ទៀតត្រូវបានរកឃើញមានវិជ្ជមានកូវីដ-១៩ មហាជនបាន និងកំពុងភ័យព្រួយ ដោយសារកាស៊ីណូ២ផ្សេងទៀត ដែលស្ថិតនៅច្រកទ្វារព្រំដែនអន្តរជាតិព្រែកចាក នៅបន្តដំណើរការនៅឡើយ ខណៈទីតាំងទាំងពីរខាងលើអាចប្រឈមនឹងការឆ្លងរីករាលដាលផងដែរនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីការស៊ីណូសុខគីមម៉េង ស្ថិតនៅច្រកទ្វារទ្វេភាគីតន់ហន់ត្រូវអាជ្ញាធរចុះបិទខ្ទប់នៅព្រឹកថ្ងៃទី២៩ ខែឧសភា ឆ្នាំ២០២១ ខណៈដែលអ្នកជាប់ពាក់ព័ន្ធផ្ទាល់ និងប្រយោលរាប់រយនាក់កំពុងរង់ចាំការពិនិត្យធ្វើតេស្ត យកសំណាក គេសង្ស័យថាពិតជាមានអ្នកញៀនល្បែងមួយចំនួនដែនធ្លាប់ចូលលេងនៅកាស៊ីណូសុខគីមម៉េង បានភៀសខ្លួនចូលទៅលេងក្នុងកាស៊ីណូចំនួន២ទៀត ស្ថិតនៅច្រកទ្វារព្រំដែនអន្តរជាតិព្រែកចាក ក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត យ៉ាងពពាក់ពពូនផងដែរ។

ជាមួយនឹងករណីគួរឲ្យភ័យព្រួយនេះ មហាជនបានកត់សម្គាល់ថា ពេលនេះកាស៊ីណូ សុខគីមម៉េង នៅច្រកទ្វារទ្វេភាគីតន់ហន់ ក្នុងឃុំព្រែកក្រឹស ស្រុកកំពង់ត្រាច បានផ្ទុះជំងឺកូវីដ១៩ ទៅហើយ នៅឡើយកាស៊ីណូ២ ទៀតម្តេចនៅតែបន្តអាជីវកម្មយ៉ាងចំហរយ៉ាងនេះទៅវិញ។

ជុំវិញបញ្ហាខាងលើ នៅរសៀលថ្ងៃទី២៩ ខែឧសភា ឆ្នាំ២០២១ កម្ពុជាថ្មី មិនអាចសុំការបំភ្លឺពី លោក អូន ខន អភិបាលស្រុកកំពង់ត្រាច បានទេ ដោយសារពេលទូរស័ព្ទចូល គ្មានអ្នកទទួល៕

សេង ណារិទ្ធ