កូវីដ-១៩
អភិបាលខេត្តកណ្ដាល បដិសេធព័ត៌មានទណ្ឌិតជិត៣៧០នាក់ឆ្លងកូវីដ និងបង្ហាញវិធានការទប់ស្កាត់
ពាក់ព័ន្ធនឹងព័ត៌មានផ្សាយថា បានរកឃើញទណ្ឌិត និងមន្ត្រីពន្ធនាគារខេត្តកណ្ដាល បានឆ្លងជំងឺកូវីដ-១៩ កើនឡើងចំនួន ៣៦៩នាក់ ត្រូវបាន អភិបាលខេត្តកណ្ដាល បដិសេធ ដោយអះអាងមិនច្រើនបែបនោះ ដោយមិនដែលចេញតួលេខខាងលើជាផ្លូវការទេ។ ជាមួយគ្នានេះលោកបានបង្ហាញពីវិធានការទប់ស្កាត់ការឆ្លងកូវីដ-១៩ ក្នុងពន្ធនាគារខេត្តកណ្ដាល។
លោក គង់ សោភណ្ឌ អភិបាលខេត្តកណ្ដាល បានមានប្រសាសន៍ប្រាប់ កម្ពុជាថ្មី នៅរសៀលថ្ងៃទី១ ខែមិថុនា ឆ្នាំ២០២១នេះ ថាតួលេខនេះ ជាតួលេខដែលមិនយកជាផ្លូវការទេ ដោយសាររដ្ឋបាលខេត្តមិនដែលចេញតួលេខខាងលើជាផ្លូវការសោះ។
លោកមានប្រសាន៍បន្ថែមថា៖ “ជាការប៉ាន់ស្មានទេ ព្រោះធម្មតានៅក្នុងគុកមាន [អ្នកជាប់ពន្ធនាគារ] ច្រើន ចូលដល់រាប់ពាន់។ អ៊ីចឹងមានការប៉ាន់ស្មានណាមួយនិយាយទៅខុស វាអត់ដល់ប៉ុណ្ណឹងទេ ព្រោះយើងកំពុងយកសំណាក”។
លោកអភិបាលបានប្រាប់ថា មកដល់ពេលនេះមិនទាន់មានអ្នកជាសះស្បើយនៅឡើយទេ គឺកំពុងស្ថិតក្នុងការព្យាបាល ហើយក៏មិនទាន់កំណត់ចំនួនអ្នកឆ្លងសរុបផងដែរ ទន្ទឹមពេលកំពុងយកសំណាកទៅធ្វើតេស្ដនៅមន្ទីរពិសោធន៍នៅភ្នំពេញជាបន្តបន្ទាប់ទៀត។ លោកបានបញ្ជាក់ថា ថ្ងៃទី៩ ខែមិថុនានេះ នឹងធ្វើតេស្តរកមេរោគម្ដងទៀត ដើម្បីរកអ្នកជំងឺជាសះស្បើយ។
ពាក់ព័ន្ធវិធានការទប់ស្កាត់បញ្ហាឆ្លងកូវីដក្នុងពន្ធនាគារ លោកអភិបាលខេត្តកណ្ដាល បានលើកឡើងថា ក្រុមការងារបានយកសំណាក់អ្នកពាក់ព័ន្ធនឹងអ្នកជំងឺកូវីដ-១៩ ករណីឃើញវិជ្ជមាន នោះនឹងយកអ្នកពាក់ព័ន្ធផ្សេងទៀត ដោយសារក្នុងពន្ធនាគារ មានការសម្រាកនៅជាប់គ្នា ខ្វះគម្លាត ទើបក្រុមការងារយកអ្នកនៅជុំគ្នាទាំងអស់នោះ ពិនិត្យមើលរកមើលកូវីដ-១៩។
លោកមានប្រសាសន៍ថា៖ “យើងយកអ្នកអត់កើតកូវីដដាក់ដោយឡែក អ្នកកើតកូវីដដាក់ដោយឡែក ហើយយើងរៀបប៉ុស្ដិ៍សុខាភិបាលមួយនៅទីតាំងហ្នឹងតែម្ដង ដើម្បីព្យាបាលប្រចាំថ្ងៃ”។
លោក គង់ សោភណ្ឌ បន្តទៀតថា៖ “ខាងក្នុងគឺមន្ត្រីអនុរក្សពន្ធនាគារស្នាក់នៅក្នុងពន្ធនាគារតែម្ដងអត់ឱ្យចេញក្រៅទេ ព្រោះប្រឈមជារួម ហើយត្រួតពិនិត្យព្យាបាលជាមួយគ្នានៅទីហ្នឹង មើលការគ្រប់គ្រងបងប្អូនសម្រាកក្នុងគុកហ្នឹង។ ហើយខាងក្រៅយើងមានចំណាត់ការសន្តិសុខ គណៈបញ្ជាការឯកភាពខេត្ត ដើម្បីទប់ស្កាត់ករណីមានការច្របូកច្របល់ណាមួយ”។
លោកអភិបាលបានឱ្យដឹងថា តាំងពីថ្ងៃកើតមកដល់ថ្ងៃនេះ គឺក្រុមការងារបានគ្រប់គ្រងបានទាំងមនុស្សនៅក្នុងនោះ គ្រប់គ្រងទាំងអ្នកជំងឺការព្យាបាល គ្រប់គ្រងទាំងអ្នកមិនឆ្លង សុវត្ថិភាពទូទៅ ព្រមទាំងម្ហូបអាហារ។ រដ្ឋបាលខេត្តបានចំណាយជួសជុលអគារទ្រុឌទ្រោមមួយដែលបានទុកចោលក្នុងពន្ធនាគារនោះ ដើម្បីដាក់អ្នកដែលពិនិត្យទៅឃើញអវិជ្ជមាន និងតាមដានសុខភាព ព្រមទាំងធ្វើតេស្ត១លើក ២លើក តាមបច្ចេកទេសសុខាភិបាល៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ