ជីវិតកម្សាន្ដ

បាត់មុខពីសិល្បៈយូរ តារាកំប្លែង ស៊ុនណារី ម៉ូនីកា ស្រាប់តែឮដំណឹងមានជំងឺប្រចាំកាយ

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

តារាចម្រៀងនិងកំប្លែង ស៊ុនណារី ម៉ូនីកា បន្ទាប់ពីស្ងប់ស្ងាត់បាត់មុខពីអាជីពសិល្ប:មួយរយៈមកនោះ ក៏ស្រាប់តែមានដំណឹងថា បច្ចុប្បន្នអ្នកនាងកំពង់មានជំងឺប្រចាំកាយ ហើយជួបការខ្វះខាតផងដែរ។

ចំពោះការលេចឮព័ត៌មាននេះបានធ្វើឲ្យអ្នកគាំទ្រនិងមហាជនមានការចាប់អារម្មណ៍ហើយភ្ញាក់ផ្អើលគ្រប់គ្នា ខណ:កន្លងមកអ្នកនាង ស៊ុនណារី ម៉ូនីកា តែងតែបង្ហាញវត្តមានច្រៀងរាំយ៉ាងសប្បាយបម្រើអារម្មណ៍ទស្សនិកជនគ្រប់វ័យឲ្យមានភាពស្រស់ស្រាយផុតទុក្ខកង្វល់ក្រោយសម្រាកការងារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របគ្នានឹងដំណឹងនេះដែរ បើតាមការបញ្ជាក់ពីលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមក៏បានឲ្យដឹងនៅថ្ងៃទី១០ ខែឧសភា ឆ្នាំ២០២១នេះថា តារាជើងចាស់ ស៊ុនណារី ម៉ូនីកា ពិតជាមានជំងឺប្រចាំកាយ ហើយជួបការខ្វះខាតមែន។

លោកបន្ថែមថា ដោយឃើញបែបនេះ សមាគមមិត្តសិល្បៈស្ម័គ្រចិត្តជួយសង្គមបានឧបត្ថម្ភថវិកា«មូលនិធិសិល្បករចាស់ជរា»ជូនដល់តារាកំប្លែង ស៊ុនណារី ម៉ូនីការ ដែលមានជំងឺប្រចាំកាយនិងជីវភាពខ្វះខាតប្រចាំថ្ងៃនាអំឡុងសម័យជំងឺកូវីដ-១៩ផងដែរ៕

អត្ថបទ ៖ ចាន់រ៉ា