ជំងឺធ្វើទុក្ខខ្លាំង លោកយាយ ណ​យ សំណាង ត្រូវបាន​បញ្ជូនមក​ស​ង្គ្រោះ​នៅ​មន្ទីរពេទ្យរុស្ស៊ី​

​ដោយសារ​ស្ថានភាព​ជំងឺ​ធ្វើទុក្ខ​ខ្លាំង​ តារា​កំប្លែង​លោកយាយ ណ​យ សំណាង ត្រូវបាន​ប​ញ្ជូន​មក​សង្គ្រោះ​នៅ​មន្ទីរ​ពេទ្យ​មិត្តភាព​ខ្មែរ​-​សូ​វៀត​(​ពេទ្យ​រុស្ស៊ី​)​។​

ប្រភព​បាន​ប្រាប់​ឲ្យ​ដឹង​ថា ​លោ​កយាយ ​ណ​យ សំណាង ត្រូវបាន​បញ្ជូន​ទៅដល់​មន្ទីរ​ពេទ្យ​រុស្ស៊ី​ហើយ​កាលពី​យប់មិញ​ ព្រោះ​ស្ថានភាព​ជំងឺ​ធ្វើទុក្ខ​ពិបាក​ដកដង្ហើម​ក្រោយ​ឆ្លង​ជំងឺ​កូ​វីដ​-១៩ ​និង​បាន​ក្រុមគ្រូពេទ្យ​ចុះទៅ​យក​ព្យាបាល​កាល​ម្សិល​មិញ​។​

ប្រភព​បាន​ឲ្យ​ដឹង​ទៀតថា​ ដោយសារតែ​លោក​យាយ ​ណ​យ សំណាង ​មាន​បញ្ហា​ជំងឺ​សួត​ និង​ទឹក​នោម​ផ្អែម​ផង ទើប​ធ្វើ​ឲ្យ​មាន​អាការ​:​កាន់តែខ្លាំង​ក្រោយ​ឆ្លង​កូ​វីដ​-១៩​។ ​តាមរយៈរូបភាព​នេះដែរ​ គេ​ឃើញ​មាន​មហាជន​ និង​អ្នកគាំទ្រ​ជាច្រើន​បាន​បង្ហាញ​ការព្រួយបារម្ភ​ និង​រន្ធត់ចិត្ត​អាណិត​ដោយ​ជូនពរ​ឲ្យ​គាត់​ឆាប់​ជា​សះស្បើយ​ពី​ជំងឺ​នេះ​៕

អត្ថបទ ៖ ចាន់​រ៉ា​