ជីវិតកម្សាន្ដ

ជី ឈីងលីន ចៅស្រីនាយ កុយ ទម្លាយរឿងរ៉ាវជីវិតរងសម្ពាធផ្លូវចិត្តតាំងក្មេង

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

ភ្នំពេញ៖ កាលពីថ្មីៗមកនេះមានការចាប់អារម្មណ៍ចំពោះរឿងរ៉ាវតារាសម្តែងវ័យក្មេងគឺកុមារី ជី ឈីងលីន ដែលជាចៅស្រីរបស់តារាកំប្លែងនាយ កុយ បន្ទាប់ពីបង្ហាញនូវការរងសម្ពាធផ្លូវចិត្តតាំងពីតូចមកម្ល៉េះ។
ទន្ទឹមគ្នាដែលបញ្ហានេះបានធ្វើឱ្យផ្ទុះកក្រើកលើបណ្តាញសង្គមហ្វេសប៊ុកនោះ ជី ឈីងលីន ដែលកំពុងកសាងកេរ្តិ៍ឈ្មោះល្បីនៅក្នុងការងារសិល្បៈ នាងក៏បានចេញមុខមកទម្លាយរឿងរ៉ាវជីវិតពិតរបស់នាង ដែលស្ដាប់ហើយស្ទើរទប់ទឹកភ្នែកមិនជាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារី ជី ឈីងលីន បានចែករំលែកបទពិសោធន៍ជីវិតជាមួយនឹងការរៀបរាប់ថា ជីវិតមនុស្សយើងម្នាក់ៗកើតមកតែងតែមានសម្ពាធមានបញ្ហា ទោះបីជាខ្លួនមានអាយុតិចមែនតែនាងមានសម្ពាធជាច្រើនដែលមិនហ៊ានចែករំលែក ឪពុកនាងគាត់បានលែងលះគ្នា នាងបាត់បង់ភាពកក់ក្តៅ ពេលខ្លះក៏តានតឹងមិនចង់ឱ្យរឿងនឹងកើតឡើងទេ តែវាបានកើតឡើងហើយនាងក៏ញញឹមររឹងមាំទទួលយកវា។
ជី ឈីងលីន បញ្ជាក់ថា៖ “ខ្ញុំរៀនផង ខ្ញុំធ្វើការផង ប៉ុន្តែខ្ញុំនៅតែលើកទឹកចិត្តខ្លួនខ្ញុំ ឱ្យមានស្នាមញញឹម ចេះតស៊ូ ជម្នះគ្រប់បញ្ហា ដែលនៅនឹងមុខខ្ញុំ។ នៅថ្ងៃដែលប៉ា ម៉ាក់ខ្ញុំលែងលះគ្នា ពាក្យមួយម៉ាត់ដែលខ្ញុំចាំមិនភ្លេចដែលប៉ាបានប្រាប់ខ្ញុំថា មើលប្អូនផង។ ហើយក៏ដូចគ្នា ត្រូវតែមានភាពតស៊ូ ខ្ញុំចាំពាក្យមួយ ខ្ញុំអាចយំបាន១ម៉ោង ១ថ្ងៃ ១ខែ ១ឆ្នាំ ក៏ប៉ុន្តែមិនមែនមួយជីវិត”។

ចៅស្រីនាយ កុយ រូបនេះបានបន្ថែមថា នេះគ្រាន់តែជាការចែករំលែកនៃរឿងរបស់ខ្លួននៅមានរឿងជាច្រើនទៀតដែលនាងត្រូវចែករំលែក។

សូមជម្រាបថាកាលពីអំឡុងខែវិច្ឆិកា ឆ្នាំ២០២០កន្លងទៅនោះ ម្ដាយរបស់តារាសម្ដែង ជី ឈិនលីន ក៏ធ្លាប់បានបង្ហោះសារបញ្ជាក់ថា កូនរបស់ខ្លួនរូបនេះត្រូវអ្នកស្គាល់គ្នាទះកំផ្លៀងខណៈដើរចេញពីបន្ទប់ទឹក ហើយអ្នកប្រព្រឹត្តរឿងនេះ ថែមទាំងអួតថាខ្លួនឆ្លាតទៀតផង៕

អត្ថបទ៖ ចាន់រ៉ា